الشاعر / عبدالله بن حمير آل سابر الدوسري

[معلومات العضو يحيى الودعاني]

	بسم الله الرحمن الرحيم الشاعر / عبدالله بن حمير آل سابر الدوسري الزواج من الأجناب .. أوله شباب .. ولباب واخره عذاب وخراب فمن يقدم : بشره بالتالي بالغرابيل والانشاب ****** لجناب يا مقدم على مخذ الاجناب = اسمع نصيحه ما ندور جزاها الاجناب بالتالي غرابيل وانشاب = ومشاكل ما ينحصر لك غثاها ابشر بناس بين خادع ونصاب = ارجال مير الامر بيد نساها تعطيك مطلوبك على العقد واكتاب = في عرسة ما تملك الا غطاها باقل مهر ما يكلفك باحساب = وأنت ابزواجك ذا المسهل تباها متوهم انك فزت بالزين واعجاب = في غادة ما لاق عينك سواها مهلك اشوي اشوي وايبين ما غاب = لا لا تعجل وانتظر وش وراها لا يخدعك في المبتدا ضحكة الناب = خذ في الحساب السم في حلوماها تغر به عقلك بتدليل واداب = عجايب يلعب براسك رضاها حتى تشوف ايجي لها راي وانجاب = واتصير لبسة خاتم في يدها واعطيتها المفتاح في كل الاسباب = مع قلبك اللي ذايب في غلاها هالحين يظهر طبعها في تقلاب = ويبدا المبطن ينكشف في لغاها اقلاق و اصراخ و تبذير و اكذاب = والهد وما تهدي لقلة حياها مع نقنقة متواصله طنب واسهاب = ما تنقطع في صبحها مع مساها في بيتها من خبثها تنهب انهاب = تبغي خراب الزوج يقطع رجاها تطاولت بالسان يلدغ كما الداب = لحقك ولحق اهلك شظايا اذاها عقب الهداوة قنبت فيك قناب = واذا قصير البيت لجة رغاها و اتعيب ما جبته من الطيب واطياب = غبرا وسوء التربية في بناها مع ذا تطالب كيد في جلب الاقراب = للمملكة من اجل تقوي عصاها اما السفر للاهل ما دونه احجاب = تنقل وراه من الشنط ما طراها وتفرض ركوب الطائرة فرض واركاب = وترفض بكل اصرارها ما سواها في كل عام ازيارة لو بمشعاب = تعويض عن مهر قليل عطاها هذا الزواج اقساط لو طاب من طاب = ثلاثة اعوام ومليون جاها فالحق من يقدم على بنت الاغراب = لقا الخسارة والندم من خذاها مهما تدوم ادوم في دوم الاسلاب = تبلا ويبلا الحب في منتهاها بنات جنسك ما تعوض بالجناب = لو زينها من دون يا ما حلاها ترفاك وتعينك على الدهر لاصاب = والله سترها بالحجاب وحماها مال وجمال ودين كاسيه جلباب = و اصل و فصل رافع مستواها ونسب تماري به الى عد الانساب = بنت الحمايل رابح من حواها فرق الغريبة صيدة غراب و اعقاب = بانت ولا يحتاج شرح امعناها ذا موجزٍ قدمت في فتحه الباب = والا الخفايا ما يقدرا حصاها قدمت للعاقل مفاتيح الابواب = مشاهدٍ وضحت للي بغاها وادي الدواسر- اللدام 20/12/1421هـ واحة الشعر الشعبي ج/6 عبدالله بن حمير آل سابر الدوسري

 

 

 

 

[معلومات العضو فهد الغريري]

اخوي العزيز يحيى الودعاني

اهنيك على الاختيار الموفق

وعلى هذا النشاط الملحوظ

وعسك على القوه ياكحيلان

وصح الله السان الشاعر عبدالله بن حمير آل سابر الدوسري

وننتظر جديدك

تقبل تقديري واحترامي

اخــــوك / فهد الغريري

 

 

 

 

[معلومات العضو فتى الافــــلاج]

صح لسان الشاعر


واللع يعطيك العافية على القصيدة


اخووووك/ فتى الافلاج

 

 

 

 

[معلومات العضو يحيى الودعاني]

فهدالغريري
فتى الافلاج

حياكم الله
ولاهنتوا على المرور

 

 

 

 

[معلومات العضو نايف الخييلي]

المبدع النشيط

قصيده جزله وثمينه وتحكي واقـــعً معاش والله يجزي قائلها بالخير فــهو شاعر معروف

وصح لسانه والله يعافيــكـ يالغالي

فالحق من يقدم على بنت الاغراب= لقا الخسارة والندم من خذاها
مهما تدوم ادوم في دوم الاسلاب= تبلا ويبلا الحب في منتهاها
بنات جنسك ما تعوض بالجناب= لو زينها من دون يا ما حلاها
ترفاك وتعينك على الدهر لاصاب= والله سترها بالحجاب وحماها

 

 

 

 

[معلومات العضو ذيب أمعط]

وصح الله السان الشاعر عبدالله بن حمير آل سابر الدوسري

وننتظر جديدك

تقبل تقديري واحترامي

 

 

 

 

[معلومات العضو يحيى الودعاني]

حياك الله أخوي نايف الخييلي