قصيدة في منتدى الدواسر الرسمي للشاعر / يوسف بن حسن بن شجاع الحقباني

[معلومات العضو يوسف بن حسن الحقباني]

هذه القصيدة خاصة جداً ... جداً وإهداء لمنتدى قبيلة الدواسر الرسمي وهي بالنسبه لي

قص شريط مشاركتي معهم ........... آمل أن تحـوز علـى إعجابكـم

*************يا مجلسي يا المنتدى يا صاحب الراي السديد************

	تم افتتاح المنتدى وفتحت له نظـم جديـد=وزن جديد مختلف محـد خبرتـه قالهـا(1) يامرحباً يا مسهلاً واهديك من عذب النشيد=يا اللـي تـزور المنتـدى يامرحباًبرجالهـا لاد الدواسر محزمي هل قوةٍ وباس شديـد=يشهد لنا( داحس وغبرا ) وانشدوا من قالها من يوم وقت الجاهلية وقبل بعثٍ للرشيـد=سدنا البلـد بجنوبهامـع شرقهـا وشمالهـا مجدٍ ليا منَّي ذكرته صب في كبدي صديـد=قمت آتهيض وانشد التاريـخ عـن رجَّالهـا مجد الدواسر واضحٍ ياجعل طرياهم يزيـد=وياجعل من يضمر لنـا شـرٍ يخيـب فالهـا يا مجلسي يا منتدى ياصاحب الراي السديد=اكتب لنا صولاتنا من يـوم وقـت قتالهـا يوم المعارك بالرماح وبالخيـول الله شهيـد=أن الدواسر مجدهم محـد شـرب فنجالهـا وانا شربنا للعـدا فنجالهـم قـولٍ أكيـد=واقرب مثال " للحبيبي " يـوم عـز عيالهـا ذي قصةٍ من مجدنا محد جحدها مـن جحيد=ومن يجحد المجد التليد أردى لهـا أردى لهـا وانا هنا معكم أقول العذب من جزل القصيد=( جساسنا)حنا لها واسمـي لهـا غنّـى لهـا

======================================
(1)أقصد أنه في هذا الموقع لم تذكر وليس المُراد البدع و الوزن

 

 

 

 

[معلومات العضو عبدالله الدوسري]

لا هنت يا طير حوران



قول و فعل





صح لسان شاعرها الحقباني،،

 

 

 

 

[معلومات العضو يوسف بن حسن الحقباني]

السلام عليكم ورحمة الله وبركاته

هذي الابيات منا سبة لحضرةجنابك :

مشكور يا اللي قريت الخط =مشكور يا اللي تزورونه
كرامتك بيت مضبّط =وكل البرايا يشوفونه
كرامتك حاشي مربط =وسط البراري تعرفونه
ماهي كرامتك وسط البط = والشعر لك هاضت شجونه

==================
للشاعر / يوسف بن حسن الحقباني

 

 

 

 

[معلومات العضو العماني]

صح الله لسان الشاعر يوسف بن حسن الحقباني على القصيدة الجميله

وان شاء الله نشوفه ضمن كوكبة الشعراء المتواجدين في الموقع

ولاهنت ياطير حاران على ايراد هذه القصيدة الطيبه ونشكر الشاعر يوسف بن حسن على مشاعره الجياشه تجاه قبيلته وتجاه منتديات الدواسر الرسمية .

تقبل تحياتي،،

 

 

 

 

[معلومات العضو ابن ثويني]

صح لسانك

 

 

 

 

[معلومات العضو ابن شيبان الودعاني]

بيض الله وجهك ياطير حوران

وصح لسان الشاعر المبدع يوسف الحقباني
على هالقصيدة الجزلة
التي تدل على اخلاصه وحبه لقبيلته العريقه
ولهذا الصرح

له ولك منا كل الشكر
ودعواتنا بأن يوفقكم الله ويحفظكم

 

 

 

 

[معلومات العضو الدوسري هديان]

الله يصح السان الشاعر على هذي القصيده الطيبه في منتدى بني عمه

 

 

 

 

[معلومات العضو يحيى الودعاني]

تسلم يمينك
أخوي طير حاران
وبيض الله وجهك

وصح لسان الشاعر يوسف بن حسن بن شجاع الحقباني

 

 

 

 

[معلومات العضو ابوعبدالرحمن الودعاني]

صح لسان الشاعر يوسف الحقباني

وكل الشكر له على إهداء هذه الأبيات لمنتدى الدواسر الرسمي

نسأل الله أن لا يفرقنا وأن يجمع القلوب على الهدايه وأن يبعد

أهل الأحقاد والفتنه والقلوب المريضه عنا جميعاً

ولا هنت يا طير حاران على توصيل هذه الهديه

لمنتدى الدواسر الرسمي.

.

 

 

 

 

[معلومات العضو عبدالله العياضي]

يوم المعارك بالرماح وبالخيـول الله شهيـد

أن الدواسر مجدهم محـد شـرب فنجالهـا

صح الله لسان شاعرنا يوسف بن حسن الحقباني


على هالقصيدة الرائعة.


تحياتي للجميع / عبدالله العياضي

 

 

 

 

[معلومات العضو ابو خليفه]

thank you somatsh
for uosef

 

 

 

 

[معلومات العضو عبدالله الدوسري]

من لاد زايد مجدنـا مـن تغلبـي مجـد(ن) يلـوح

دواسر(ن) فـي الضيـق تلحـم يدَّنـا فـي يدَّهـا





لله درّكـ

 

 

 

 

[معلومات العضو سعد المقابله]

صح الله لسانك

والله لايهينك

على الابيات الجزله

ويستاهل الصليبي


...........

وترجع بالسلامه

 

 

 

 

[معلومات العضو ابن ربيّع]

صح لسانك يالحقباني
والله لايهينك على هالابيات الجزله
والله يبيض وجهك ....

 

 

 

 

[معلومات العضو قرم المزاريع]

صح لسانك يالحقباني
والله لايهينك على هالابيات الجزله
والله يبيض وجهك