قصيدة في آل غزي البدارين

[معلومات العضو محمد الرمالي]

يسعدني أن أشارك في منتدى قبيلة الدواسر الأفاضل ولو بالشيء اليسير فعذري على التقصير لإدارة المنتدى والقراء فهذه قصيدة قصدتها في آل غزي البدارين وآخر بيتين قبل البيت الأخير خصيت فيها أبو فيصل فهد الغزي كما أسعدني بأن أضع هذه القصيدة ليقراها أعضاء هذا المنتدى وزواره فيا حبذا بأن تنال إعجاب الجميع كما أن هذه القصيدة تعم سائر آباء وأبناء قبيلة الدواسر ومن غير قصور بالآخرين...

الدوسري لوك طلبته مايرد الطلايب=يعطيك مطلبك لو هو غالي أثماني
من جربه وقت الشدايد صلايب=ومن جربة وقت الرخاء شخص ثاني
ومن تعزوابه لقا في محله ركايب=ومن طلب فزعته روحه وماله يرخصاني
ماهي غريبه عليه ولا شفنى الغرايب=ولاقد سمعنى كلام يخالف للمعاني
الدوسري لأهتم همه يرج السرايب=تنزح وراه أسراب القبيلة بليا تواني
شهم يطول اللي يطوله طويلين الحسايب=ما يهاب ولا يذل ولا يهمه عفاريت الزماني
حسبته في المجالس تقدر قدر الحبايب=وحسبته فالميادين ارهبت للعدويين وقوماني
واخص أبو فيصل اللي فؤاده هبايب =لاهب نسناسه لقيته وباله لقاني
تشهد له فعوله على ذرب النسايب=وتشهد له موازينه يوم العمر فاني
وصلاة ربي عدد ما سال روض وشعايب=على النبي الهاشمي في كل وقت ومكاني

كلمات//محمد بن سرهيد الرمالي

 

 

 

 

[معلومات العضو عبد الله آل غزي]

بسم الله الرحمن الرحيم


صح لسانك أخوي محمد بن سرهيد الرمالي وبيض الله وجهك، وكثر الله من أمثالك.


والشيخ الشهم نجم الغزي أبو فيصل فهد بن عبد الله بن عبد العزيز الجار الله الغزي يستأهل أكثر، فهو رمز للمرجلة وللشهامة وللنخوة وللحمية وللكرم وللفزعة وللتواضع، رجل والرجال في زماننا قليل، ومعدنه عزيز الوجود، وله من الوقفات مع بني خيه الدواسر وجماعته أهل الزلفي وعموم المسلمين ما يشق ويعسر جمعه.


أشهد بالله إنه رفع ذكر جماعته في كل الميادين، والله يكثر من جنسه.


بيض الله وجهك أخي الكريم، وكثر الله من أمثالك، وجزاك الله عن الدواسر كل خير.


تحياتي لشخصك الكريم.

 

 

 

 

[معلومات العضو شافي بن راشد النتيفات]

بيض الله وجهك يالرمالي وصح الله لسانك ولا عليكم زود والشيخ ابوفيصل يستاهل ماقيل فيه ونعم به وبربعه البدارين وبك وبالجميع وتحياااااااااااااااتي لشخصك الكريم والله يحييك معنا في هذا الموقع المبارك والمحل محلك

 

 

 

 

[معلومات العضو مبارك بن شافي النتيفات]

صح لسانك أخوي محمد بن سرهيد الرمالي وبيض الله وجهك، وكثر الله من أمثالك.

والشيخ أبو فيصل فهد بن عبد الله بن عبد العزيز الجار الله الغزي يستأهل المدح وهو اهلا له

ولا عليكم زود يالرمالي

تقبل مروري المتواضع طال عمرك

 

 

 

 

[معلومات العضو راشد المسعري]

ارحب يالرمالي

مرحبا والله ومسهلا بك في منتدى الدواسر الرسمي

وصح لسانك على الأبيات الجزلة ويستاهلون آل غزي البدارين المدح اول وتالي

وكذلك الممدوح كفو ويستاهل ومن قدم الطيب يلقاه

تقبل ودي وتقديري ،،،

 

 

 

 

[معلومات العضو عقاب بن هذال ال بريك]

أرررحب يُ الرمآلي ’ مرحبا والله ومسهلا بك في منتدى الدواسر الرسمي
وصح لسانك على الأبيات الجزلة ويستاهلون آل غزي البدارين المدح اول وتالي !!
وكذلك الممدوح كفو ويستاهل ومن قدم الطيب يلقاه ...

 

 

 

 

[معلومات العضو فهد الغريري]

في البداية ارحب فيك في موقع قبيلة الدواسر الرسمي وهذي ابرك الليالي والساعات يوم سجلت معنا ومدت يمينك سمين جعل مايجها العطب وصح الله السانك على هذي القصيده الجزله يستاهلون آل غزي البدارين ماقيل فيهم جعلهم المعزه و آل غزي البدارين جعلهم المعزه يحرون بكل علمٍ طيب ويستاهلون المدح وتقبل تقديري واحترامي اخوك/ فهد الغريري,,,