استهاض الجاش والحق ماعنه مصد

[معلومات العضو خالد المشاويه]

السلام عليكم ورحمة الله وبركاته

بعد فتره غياب

نقدم لكم هذه المتواضعه لعلها تشفع لنا


ابيات وهي رد على احد الشعراء ولا اود ان اذكر اسمه

والقصيده تشرح ما فالخاطر

استهاض الجاش والحق ماعنه مصد = والجزيله بيّنه والهزيله بيّنه
بيّن المحصول والشعر زراعه حصد = واستدار الفكر والبعض بان لسيّنه
انكشف مستور الايام والراصد رصد = ومايسوق الهيّنه كود راعي الهيّنه
والله ان بعض الشواعير اردى من قصد = ليت بعض ديودها يالعميل محيّنه
جاك يزبد ويتهبد وبيدينه عصد = مادرى اني لابغيت الفريد اعينّه
درس وافهم ماحوى واحتسبها واقتصد = الحمل ماتحتمله العظام الليّنه

ورد علي الشاعر / محمد بن الشيخ المشاوية بهذه الابيات

نعرف الايام والسبت يقفاه الاحد = ونعطي حقوق النشاما دبل ومبيّنه
سلمنا وسم العصا مانخوّن بالعهد = للدواسر فالجزيره فعولٍ بيّنه
يابن عمي وانت حرٍ مجرب بالهدد = واعرف ان النامسه ماتأذي هيّنه
لاتيهظ والمؤشر نزل ولا صعد = لانهق عير البدو لاتجر ارسيّنه
الضعيّف من هروجه وقف ولا قعد = فرخ بومٍ فوق عشه وهذا مكيّنه

وسلامتكم

 

 

 

 

[معلومات العضو نآصر البدراني]

سلمت وكُفو


صح لسانك ولسان ابن العم محمد بن الشيخ


ولاعليك من هرج الضعيف


لاهنت ..

 

 

 

 

[معلومات العضو مبارك بن شافي النتيفات]

صح لسانك ولسان الشاعر محمد المشاوية

وسلمت يمينك على النقل

تحياتي وتقديري

 

 

 

 

[معلومات العضو راشد المسعري]

صح لسانك ولسان ابن الشيخ وأكيد إن هالابيات ماقيلت إلا لسبب والله اعلم وهو في خاطر الشاعر
مبدع يابو غازي انت ورفيقك ولك ودي وتقديري ،،،

 

 

 

 

[معلومات العضو سالم صمهود]

صح الله لسان الشعار الاول والئاني على الابيات الجزله

 

 

 

 

[معلومات العضو منيس الشمري]

خالد صح لسانك وعتلاشانك تسلم

 

 

 

 

[معلومات العضو معجب حمد ال عمار]

مبدع ابو غازي والا الامام ومزيد من الابداع لك كل الاحترام والتقدير

 

 

 

 

[معلومات العضو سالم الخضراني]

صح الله السنتكم شعراء متميزين الله يعطيكم العافيه


تحيااااتي

 

 

 

 

[معلومات العضو خالد المشاويه]

المشاركة الأصلية كتبت بواسطة نآصر الربيعة البدارين

سلمت وكُفو


صح لسانك ولسان ابن العم محمد بن الشيخ


ولاعليك من هرج الضعيف


لاهنت ..

صح بدنك اخوي ناصر ولانت


شاكر مرورك

 

 

 

 

[معلومات العضو شافي بن راشد النتيفات]

صح لسانك يابوغازي قافية صعبة لا يجيدها الاشاعر متمكن وانت اجدتها باتقان وصح لسان من جاراك ولي على مجاراته ملاحظه بسيطة وهي عدم التقيد منه بقافيتك في في الشطر الاول من البيت تحياااااااااااااااتي لكم

 

 

 

 

[معلومات العضو خالد المشاويه]

المشاركة الأصلية كتبت بواسطة مبارك بن شافي النتيفات

صح لسانك ولسان الشاعر محمد المشاوية

وسلمت يمينك على النقل

تحياتي وتقديري

صح بدنك يابوشافي وشاكر مرورك طال عمرك