دوسر على الناس كايد

**معلومات** **العضو** · 13-10-2010, 02:09 PM

هذه احد المعلقات في الدواسر للشاعر الكبير في عقله وشعره الصغير في سنه.
الشاعر/

سعدبن محمد المصارير

ياطير يلي لجزل الصيد صياد=يلي طلع فعلك فريدن محايد
طلعك بعيد وجسر وعيونك أحداد=وفيك الوصوف الحاتميه عدايد
وتقدم على الشارد ولا فيك معواد=وتروض الصعب العنيد المعايد
ومن قو فعلك كل مادنيت نياد =سموك أبا الفزعات وقت الشدايد
عندي لك أسمن كفو،، له عدت أبعاد =أسمن يشرف كل راعي حمايد
دوسر ،،ولامنه غلب حجمك وزاد؟=فعذرك معك،، دوسر على الناس كايد
أسمن حشا ماتجمع أبعاده أعداد=لانه جمع مابين تغلب وزايد
تغلب تغلب أمدبر الحرب لنقاد=وزايد طغا فعله على كل زايد
قومن يعطر ذكرها سيرت أمجاد=ومجدن بدتبه قوم بين اللحايد
ساسه قديم وعسر وثيابه أجداد=لكن مع لجيال ضمن الجدايد
واليوم ورث أجداد لوجيه الاحفاد =وألاحفاد تفخربه سنين مدايد
نورن يبث الود فوجيه ألجواد=طورن يجث الضد وقت الضدايد
ربعي شنار الحرب صبحن ومهجاد =صغيرهم في دومت الحرب قايد
لاصدرو من عقب طرقه وميراد=راحت عداهم عن نحاهم بدايد
ولامن دعا للموت داعي ونشاد=ماعاد خلو من عداهم شرايد
ولاحال واحدهم عن امحايله ذاد=وأن ضكته بقعا وسيع البنايد
وأن كان كسب الطيب لطيب أعياد=كسب النفايل عند ربعي عوايد
وأنقلتلي وش عاد باقول وش عاد=دوسر على الاسما بلفعال سايد

**معلومات** **العضو** · 13-10-2010, 02:54 PM

صح الله لسان الشاعر القدير سعد المصارير

ولاهنت يابوشيخه وبيض الله وجهك

**معلومات** **العضو** · 13-10-2010, 03:00 PM

صح الله اللسان الشاعر سعد المصارير

على هذه القصيده الجزله والله يبيض وجهه وجهك

ولاهنت على نقل القصيده

**معلومات** **العضو** · 13-10-2010, 03:08 PM

الله الله صح لسان الشاعر الكبير سعد المصارير
ومثل ما قلت يابوشيخة هذي معلقة
بيض الله وجهك على النقل ولاهنت

**معلومات** **العضو** · 13-10-2010, 04:02 PM

ماشاء الله تبارك الله

انا والله مابعد شفت الشاعر

لكن سمعت عن حضوره وقصيده الجزل

وماهذه القصيدة إلا دليل قاطع على قوة شاعريته

ومثل هذا الشاعر أحق من آلاف الشعراء بالظهور في الإعلام

ليعرفه جماعته ومحبيه وليس للبروز فقط .

لاهنت يابو مطر وصح لسان الشاعر سعد المصارير وفقه الله ،،،

**معلومات** **العضو** · 13-10-2010, 04:50 PM

لاهنت ابو شيخه على عرض القصيده المعلقه

وصح الله السان الشاعر الكبير سعد المصارير والله يوفقه

تحياتي وتقديري~ْ،

**معلومات** **العضو** · 13-10-2010, 05:52 PM

يستاهل ابومحمد ماقيل فيه من ثناء وهو اهلا" للمدح وصحت ابدانكم اخواني الاعزاء والله لايهينكم على طيب المرور...
خالص الود والتقدير لكم جميعا"

**معلومات** **العضو** · 13-10-2010, 06:40 PM

صح لسان الشاعر سعد بن محمد المصارير

وانا اشهد انه شاعر جزل

ولاهنت يابو شيخه على النقل المميز

تحياتي لشخصك الكريم

**معلومات** **العضو** · 16-10-2010, 11:50 PM

صح لسان الشاعر : سعد المصارير
وصح لسانك يا ابوشيخه

وعز الله قصيده جزله من واحدن راعي جزل

**معلومات** **العضو** · 17-10-2010, 12:08 AM

صح لسان الشاعر سعد بن محمد المصارير

وتمنياتي له بالتوفيق

ولاهنت يابو شيخه على النقل المميز

وبيض الله وجهك

تحياااااااتي وتقديري

**معلومات** **العضو** · 17-10-2010, 12:21 AM

الجراح-ابوفهد-ابوسعود
مرحبا بكم ومن قال ماهان ويستاهل ابومحمد الثناء
وشاكر لكم تواجدكم المميز

**معلومات** **العضو** · 17-10-2010, 01:41 AM

دوسر ،،ولامنه غلب حجمـك وزاد؟فعذرك معك،، دوسر على الناس كايد

أسمن حشا ماتجمـع أبعـاده أعـدادلانه جمـع مابيـن تغلـب وزايـد

صح لسآن الشاعر :

سعدبن محمد المصارير
والقصيده كايفه ولا يلحقهآ كلام .

يعطيك العافيه أبو مطر على نقلها لنآ .

**معلومات** **العضو** · 23-10-2010, 12:21 AM

صح ابدنك يابوفلاح ولاهنت على تواجدك المميز

**معلومات** **العضو** · 23-10-2010, 09:07 PM

صح الله اللسان الشاعر سعد المصارير

على هذه القصيده الجزله والله يبيض وجهه وجهك

ولاهنت على نقل القصيده

**معلومات** **العضو** · 23-10-2010, 10:37 PM

شكرا للشاعر القدير وصح الله لسانه

وبيض الله وجهك يا بو شيخه ما قصرت

تقبل تحياتي وتقديري

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية