قصيدة مزاين جلاجل

[معلومات العضو جلاجل الجلاجل]

مزاين جلاجل


قصيدة حفل التميز عام 1431هـ ، والذي اقيم بمدينة جلاجل على شرف صاحب السمو الامير سلطان بن محمد بن سعود الكبير

قبـل القصيـد وقبـل دندنـة القـوافـي والـحـروفبـسـم الله ابــدى وانتـهـي ربــي علـيـه المتـكـل

الواحـد اللـي بالرجـا والخـوف نَرفـع لـه كفـوفواللـي نسالـه سلعـة التوفيـق فـي قـول وعمـل

واطيـب صـلاة للنبـي بـعَـد مــن حــج ويـطـوفيالله ثبتـنـا عـلـى هـديـه عــن اصـحـاب الـمـلـل

واكتـب لنـا فـي جملـة القبـلان عنـدك يــارؤوفإنــا الـيـك ومـنـك لا نـرجــو ســـواك ولا نَـسَــل

ثم السلام اطيب سـلام لمـن لفانـا مـن ضيـوفهالـيـوم كَــن السـعـد بالدنـيـا علـيـنـا مُـخـتـزل

حيا الله اللي في جلاجل شرفوا حفل(ن) طفوفاستبشـرت باللمـة افـواد(ن) وقــرت بــه مُـقـل

متقـدم فيهـم ولـد شقـران فـي وجـه الصفـوفاستبـشـري ياجـلاجـل بجِـيـه ويالـوجـه اسـفـهـل

رجل نعرفه باطيب السيرة على راس الكشـوفإليـا حسبـنـا جامعـيـن الشـمـل فــي دار وأهــل

متسمي(ن) باسمه وله منه السماوه والوصـوفحـيـاه ربــي يـــوم شـــرف دارنـــا والمحـتـفـل

اليوم يوم(ن) نكتب الأسمـاء فـي صـدر القنـوفذي عــادة(ن) فيـنـا قـديـمـة لانـمــل ولا نـكــل

الله خلقنـا فــي جـلاجـل ماخـلـق فيـنـا نـكـوفمـن حيننـا نرسـم تفاصيـل الكـمـال ولــم نــزل

مـن شافنـا فيهـا عليهـا قــال تِلعبـهـم صــروفلا تشتـغـل معـهـم حـلــول ولا تحَـيـدهـم حـيــل

ياسامعـي قلـي وش اللـي فـي ثنايـاهـا تـشـوفيـاكـن ربــي مصطفـيـهـا كـــل مافـيـهـا كـمــل

فيها الليالي تنتشـي وقعـاً علـى اللحـن العـزوفومنهـا النهـار اليـا انسلـخ يفتـح علـى الدنيـا أمـل

ان رحت طب مع فهد وان جيت فقه مع هنـوفالـكـل فيـنـا مــن تفـاريـد المعـرفـه قــد نـهــل

مـن عصـر ليحـان الكتاتيـب ومزاحمـة الكـتـوفإلـيـن وقـــت الكمبـيـوتـر والـدفـاتـر والـفـصـل

ومن وقت سمّع ياولد ،، ياعيـال خلفـه بالهتـوفالين وقت ارسـل لـي الايميـل واضـرب بـه مثـل

نجني ثمار المعرفـة مـن كـل غصـن فـي ريـوفونبـاهـي الـلـي نافسـونـا فــي سـبـاق مشتـعـل

العلم في عرف العرب ماهـوب كتـب بالرفـوفالعـلـم بنـزيـن العـقـول الـلـي لوجهتـهـا تـصِــل

والعلـم ماهـو للطمـوح النـوم والقطـن الـنـدوفالرخـو ماشـال الامـم والـغـث مــا عــز الــدول

واركـان قــوه كــل أمــة علمـهـا ثــم السـيـوفوالله شـرع فينـا نظـام اقـرأ وعلـم مــن ســأل

والخاتمـة يازيـن ماقـال العـرب فـي هالظـروفخيـر الكـلام اللـي علـى الأسمـاع مـا قـلّـل ودَّل

في كل عام (ن) في جلاجل واثبتوهـا يالصفـوفهـــذا مـزايـنّــا وحــنّــا فــــي مـزايـنّــا مــثــل

وسلامة الجميع

 

 

 

 

[معلومات العضو ابومبخوت الدوسري]

صح لسانك اخوي جلاجل ودائماً مبدع

انشاءالله نسمعها شيله عن ما قريب


تقبل تحياتي وتقديري

 

 

 

 

[معلومات العضو بدر سلطان التمامي]

صح السانك

ماقصرت

 

 

 

 

[معلومات العضو شافي بن راشد النتيفات]

صح الله لسانك اخوي جلاجل الجلاجل

قصيدة مكتملة وجزلة

وبيض الله وجهك

على ذا الابداع المتميز

 

 

 

 

[معلومات العضو عبدالله الحافر الغييثي]

صح لسانك واعتلى شانك مدد بلا عدد يالقرم تقبل تحياتي

 

 

 

 

[معلومات العضو جلاجل الجلاجل]

اقتباس:المشاركة الأصلية كتبت بواسطة ابومبخوت الشكريصح لسانك اخوي جلاجل ودائماً مبدع

انشاءالله نسمعها شيله عن ما قريب


تقبل تحياتي وتقديري




صح بدنك يالشكري وحياك الله

خالص تقديري لردك الله لايهينك