|
|||||||
02-04-2010, 08:02 PM
|
#1 | ||||
|
بعض قصائد نمر ابن عدوان
 كتاب الامير الشاعر والفارس نمر بن عدوان للكاتب والمؤرخ : هاني الكايد العدوان احد احفاد العدوان هاني الكايد العدوان كاتب ومؤلف ومؤرخ ورئيس تحرير عدد من الصحف والمجلات المتخصصه مدير المركز الثقافي العباسي للدراسات والتوثيق مدير المنطقه الحرة الخاصه _ الكرامه امين عام اتحاد الكتاب والأدباء الاردنيين سابقا عضو اتحاد المؤرخين العرب عضو جمعية فاس سايس الثقافيه المغاربيه مدير مركز أبعاد للدراسات والتوثيق نمر بن عدوان هو نمر بن قبلان بن نمر بن حمدان بن فايزبن حمود بن شهيل بن فواز بن حمود العدواني واسمه (((عبدالعزيز)) نمر بن عدوان ينتسب الى قبيله العدوان القيسيه ((قيس بن عيلان بن مضر بن عدنان)) التي انحدرت من الطائف واستقرت في البلقاء بالاردن القصائد ياخالقـي ياعالـم السـر مـنـي *** يا من اليا قلت لامر كـن يكونـي يالله تجـلا زايـد الهـم عـنـي*** ياللي عليك اصعب الاشياء تهوني يارب لـو خليتنـي طيـر وانـي*** افوج رفراف الهوى فـي متونـي واضرب على الشطات ولو اثنـي*** موتي هلـك ولا حياتـي غبونـي واوحشتي واوحسرتي عقب منـي*** حيد رفيع وما ازبن اللي يجونـي مـن اول كـل المـلا تزتبـنـي*** واليـوم ودي لراسـي زبـونـي واطول هجري والعنـاء والتمنـي*** من بعد شوقي عزوتـي بعدونـي ربعي ما سمعـوا الشـور منـي*** تـراودوا بشوارهـم واتركونـي يا حيف ماودعتهم غيـض منـي*** وهم اللي الذي يا حيف ما وادعوني ياسعود قل لحمود وش جاه منـي*** علم تحاكوا بـه وعنهـم نحونـي لو ان ترى يا حمود للـي شطنـي*** ما قلت لي بأنـي اغيـر فنونـي عند العرب يا حمود اضحك بسني*** وبرض الخلا ياحمود ابيح كنونـي النوم قبـاض المـلا مـا مكنـي*** كني على جمـر تسلهـم عيونـي اذا عذلت النفـس قامـت تحنـي*** حنين خلوج في توالي الضعونـي على عشيري بعـد النشـر عنـي*** سارت به الاقدام فـوق الامتونـي بسباب كفـي راح عنـي مضنـي*** وفي حربتـي ياليتهـم طعنونـي وانا ورب البيـت موتـه غبنـي*** واوصال غيره يا ظنيني ظنونـي ياليتني مـا ذقـت حـزن محنـي*** وياليتهم مـع صاحبـي لحدونـي ياحمود قل لحمود ينحـاك عنـي*** وعزالله انـي خايـف يذبحونـي البارحه في هجعة النـوم غرقـان***ويحٍ من الوجـلا وفرقـة نديمـي زارن خليل فيه وصف لنـا بـان***وصايف المجمول هيف البريمـي تخديدِ نمر مشيهـا وزن ميـزان***عين المها والعنق والرنق ريمـي ما تونش الغطريف بالعين ولسـان*** نزر سوالي مـا نوشـي وهيمـي يومه تبين في منامي وان بان***فزيت مرعوب فريح هميمي اثاريه طيف فر عنـي و خـلان***واصبحت في صحرا جهنم حطيمي ابكي انا وعقاب ينحـب وسلطـان***قالوا يتامـي قلـت انـا يتيمـي قلبي دوا به سمهري ذراع الـزان***قالوا سليـم قلـت مانـي سليمـي ما زلت بالدنيا شقـاوي وندمـان***وانوح نوح طفيـل تـوه فطيمـي قالوا لي الخلان تخضيع واحسـان*** تلقـى مثيلـه سـم والله كريمـي جاوبتهم ذا القـول زور وبهتـان***ورب الحرم من زمرم والحطيمـي ما القى مثيله لابحضـر وبـدوان***من قال هذا صار باغي غريمـي يالله بجاهك ثم جاه ابـن عدنـان***وبجاه الرسل وبجاه موسى الكليمي والعرش والكرسي ولـوح قـرآن***تفتح لها فـي جنتـك يارحيمـي ماريد حور العين ما اريد جنـوان***الا ان ازوره في جنـان النعيمـي صبراًعلى الدنيا ولا اريد نسـوان***ماريد غير اللي سبانـي حريمـي لو خالقي سـوان طيـر بجنحـان***امسيت بالمجمول جاهل غشيمـي ما كان ذقت البرد من حر نيـران***ولا كان زادي من ضريع الجحيمي مالي سوى التهليل وقول سبحـان***واعوذ بالله من ابليـس الرجيمـي يا لايمي تبلى برهط مـن الجـان***ما فاد بك رقيـة حكيـم فهيمـي ياراكـب مـن فـوق حـر شمالـي***ما يلحق المشعـاب عالـي متونـه حر زعـزاع مضـري للاجفالـي***يطير لو هـو يالرسـن ينكعونـه اشرفت انا رجـم طويـل وعالـي***ودموع عينـي كالمطـر سيلونـه بديت اوصف صاحب لي زهالـي***واناشـد الشعـار مـا يذكـرونـه ابوقـرون مثـل طـي الاحبالـي***والقذله ريش الهيـق لـو غلبونـه حواجبه جـر القلـم بـه دواء لـي***وعيونها عيون الفهد لـو زعلونـه جبينهـا يانـاس ضـوح الهلالـي***والخـد بـرق لاعجـات مزونـه خشمه ذبـاب السيـف دوم يلالـي***اللولو والمرجـان وصفـة سنونـه ياريقها تريـاق يذكـر دواء لـي***يبري قريص الداب يوم ان سقونـه ياعنق شوقي تقـل عنـق الغزالـي***شاة الغريري بالقنـص يطردونـه وصدرها مرصع بالمعاني وغالـي***بلاد العجـم والشـام مـا يثمونـه ونهودها تفـاح يـا ضيـم حالـي***فنجال صيني بالظـرف يعقدونـه ذرعانهـا برقـان فضـه يلالـي***واصيبعه قليم الذهـب لـو برونـه مرفعـه مـا قـط جابـت عيالـي***يا شبه عودالمـوز لـو يهزعونـه يا سامعين الصوت ارثـوا لحالـي***يا مسلمين الميـت مـا ترحمونـه هاتوا عشيري واعرضونـه قبالـي***ولومت انا من فوق صدري حدرونه من لامني يـا عـل مالـه موالـي***والا قضيـب الكفـر يستاسرونـه ياعلي شدوا اطيـب الهجـن وادنـوه***وشيلوا اشدادي فوق مقبول الامتـان وباقي جوابـي بالقراطيـس حطـوه***واكتب على ما قال نمر بـن عـدوان كريم يا بـرق سـرى يـم سعـدوه***فـي مزنـة بطرافهـا تقـل نيـران بامر الولي يمطر علـى دار حبكـوه***يسقي البطين ويمتلي الحرث غـدران ينبت به الزيزوف والعشـب والبـوه***تشوف النفل بفياضـه تقـل زبـلان عشبه كما الشجران يوم انهـم جـوه***دار الحياء يذكـر بـه نبـت فقعـان يا مش قلبـي مشـة الـزور مشـوه***مش العلف لانسل بخشـوم عجبـان عسى خطيئة صاحبـي يـوم بكـوه***بعيونهم مـا دلـو الـدرب عميـان واليـا بغـى تسيـرة العصـر ردوه***وازميمه يسطي على القلـب سلطـان الـورق شـط حويـرن قلتلـه دوه***والبطن بطـن غزيـل بـات قيـان غالي المشاخص بوسط الثوب حطوه***يشدى نواويـر تطـارخ بريضـان والعين عين اللي على الصيـد هـدوه***طير الحباري صافي الريش شيهـان يا غصن موز بـزرق المـي سقـوه***كن يتهصـر مـن مثانيـه ريحـان ليتـه يطاوعنـي الـى قلتلـه قـوه***يسقي ضمير من سناء القيض عطشان بالله جزت من الهـوى ميـر نـادوه***كله سبايـب مسلـط وابـن شعـلان بقشه حريـر صاحبـي يـوم فلـوه***ابـو ثمـان كنهـن حـب رمــان علمي بها فوق اوضح يـوم شالـوه***مقبـع بالجـوخ لجلـج بجـرسـان حط الشموع وغلق البـاب حمـزوه***اليا ما تبيـن طلعـة النـور مابـان سميهـا بعـض المخاليـق شـالـوه***سنا السـراج مسـوي بـه شمعـدان لانام مـن فـوق الدهاليـز غطـوه***ملبوسها الماهود من فـوق مـا زان الـراس ذيـل شمـره يـوم كـدوه***حدر البريـم مفتلـن تقـل شرطـان تسعين حـق حاجتـه يـوم قضـوه***والفيـن نيـره للحبيـب بغرضـان لجة خلاخيلـه كمـا عسكـر البـوه***متفاصل مـا بيـن لولـو ومرجـان بنت الذي وان شاف خيل الشمرتـوه***يضرب بحد السيف ما بنقـل الـزان يا جـذ قبلـي جـذة العـذق جـذوه***بمنجـل باشـط وراعيـه عجـلان بالجنة الخضرا اليـا مـات حطـوه***وبالخلـد يظهرلـه ثمانيـن دفــان خيالـة الاكـراد دلـي و عبـسـوه***من فوق شقح اذيالهن تقـل خيطـان ياراكب اللـي تـودع البعـد قربـي***مـرداس دو للخـلا مـا تهـابـي مرباعها برا علـى الكبـد طربـي***تقطع بك البلقاء وهـاك الهضابـي تلفي بك ابن فهيـد قبـل المغربـي***وتنوي رواح الشام قبـل الغيابـي حوران باليمنى ودع الشام غربـي***بحمص وحماة تلقى منازل حبابـي بديرة طابت لهـم عقـب ضربـي***فرسان من حرب العداء ما تهابـي سار القلم في غبـة الحبـر شربـي***ينثر سواد الحبـر فـوق الكتابـي وخط القلم به راعي القيـل طربـيمعتاز من زيـن التماثيـل جابـي يا جديع يا مشكاي باق الدهر بـي***باقـت لياليهـا مـع ايامهـا بـي ياجديع والله دوك الاشهب دغربـي***هاذي ارسومه بالعوارض بدأ بـي سـود الليالـي مجهـدات بحربـي***افراق الغضي يا نور عيني عذابـي طير النيا يا جديع دونـك عثربـي***طير القراده يـا عشيـري عثابـي ادلى علي بمخلـب لـه وشهربـي***لما تعلـى فـوق غـر السحابـي وعضيت بالنيبان يوم استقـر بـي***لمـا غـرس بشفتـي راس نابـي يم الثريـا والكواكـب نحـر بـي***ما ادري يوجه بي على ايـة بابـي هام الشمال وهام شـرق وغربـي***واظن انـه للجنـوب انتحـى بـي بمثل سلك العنكوبـت انحـدر بـي***ياجديع في نقرة حضوضى رمى بي جابوا الطبيب جسني وافتكـر بـي***قلب ايدينه ومـا عطانـي جوابـي ميتين جرح يا وديـدي ذكـر بـي***ما هقوتي ابـرى ليـوم الحسابـي واخلاف يامـن يـرد الخبـر بـي***من فوق سوهاج يبـوج السرابـي هنيكـن يالببيـض مـا تستغربـي***هنيكـن بالكـن خضـع الركابـي مذريـات عـن سمـوم وغربـي***بمشوحطـات كنهـن الهضـابـي ياجديع ابن قبلان حبلي قصر بـي***يالقرم شـوق معورجـات الثيابـي يا ابو خلف سدن مطاليـع دربـي***ثم اعتمت دنيـاي والنـور غابـي في محمل فوق البحر وانكسر بـي***بمصافـق الامـواج لا واعذابـي في وسط غبات البحر يقتلـب بـي***شيبي بدأ بي قبـل غايـة شبابـي من لامني يبـلاه بجـن وحربـي***يفتـح عليـه الشـر الفيـن بابـي وقد رد على الشاعر نمر العدوان الشيخ الشاعر جديع ابن قبلان ابن ملحم شيخ عشيرة المنابهه من ضنا مسلم من قبيلة عنزه ياراكب من عندنا فـوق هربـي***يشدن هريف مشولعـات الذيابـي حيل يخلـن نـازح الـدو قربـي***بنات هرشن من مجاذب ارقابـي من ساس هجن والمناجيب عربـي***وعليهن اللي يصلـون الجوابـي يلفن لشيـخ بالمواجيـب ذربـي***متريحين عقب مـا انتـم تعابـي شيخ شرب من كوثر الطيب شربي***نمر عزيز النفس نـزه الجنابـي لاحل عند اقفيهن حـس ضربـي***يركض على الموت الحمر مايهابي يا نمر لوانـه بحـرب انحربـي***بالسيف او بملوكـدات العجابـي ناتي جنوب ومن شمال وغربـي***لاشك امـر الله قـوي الحسابـي يانمر كلن قـال وقتـي مكربـي***يشكون يصفقات الدهـر بنقلابـي وكلن شكى ضيم الليالـي بكربـي***تسقيـه بقعـا حنظلـي الشرابـي حبه سطى بي سطوة بيـن الاضـلاع***وسوى بقلبي مثل ضـرب المقاريـع ما اريد غيره لو سعى بـي الاقطـاع***وعلي حرمة من سواهـا المراضيـع عيون حنـا حجاتهـا جـل صنـاع***ومن غير تعطيف بالايـدي وتهزيـع وانف كما المصقول بيد فـي فـزاع***بيـوم تخالـف بالهـوى يالمداريـع وامجـرد فـي غـرة الوجـه لمـاع***حامـي بهـا ورد الخـدود اللواميـع وكوكب ثغر فاها بـه الـراح نبـاع***وامفلجـات مثـل ضيـز الهواميـع نهـاب لقلـوب العشاشيـق سـبـاع***ان رفرفـت حـم اشفتيـه بتفجـيـع يا ناظر بيـض الترايـب لهـا راع***نهدين كما الحقيـن غضـن مطاليـع على حشا جـوف خفـوق ومهـلاع***فتر بريمـه مـا يابـي زود توسيـع يشكي ثقل ردفيه خصره الـى سـاع***نـوابـي لمشجـراتـه مـرافـيـع وكاسيه من ضافي الجعد حسن الاطباع***جدايـل شلـح الراديـف لاهـاريـع ومن مقدم تضفي على السـر شـراع***تزوع دهن العـود والمسـك تزويـع من فوق جيـد سالـب جيـد رتـاع***ريم المها لاعتـن مـن زود ترويـع ومحاسن الاوصاف صارت به اتبـاع***مـن فـوق ساقيـن ادمـاع مواليـع وان سـار بالاقـدام مشيـه تمريـاع***يميل مـن خلفـه حسيـن التقاطيـع يشبه قضيب البان وان هـب ذعـذاع***متمايـل مـا بيـن رفـع وتوضيـع ياعاذلي عنـك انـا اصـم الاسمـاع***عاصي عليك وسماع الشوق وامطيـع انا الشجاع ان جانـي الضـد فـزاع***وان الذليل ان شفـت منـه المفاريـع كيال حسن الزين وفـي لـه الصـاع***واسفـر بنـوره مظلمـات المرابيـع عليه مني ما اختفـى العلـم او شـاع***او سيم بالاسواق جنـس ومـا ابيـع سـلام مـن قلـب الـى لعلـه مـاع***او هل دمع عند طريـاه الـى شيـع تمت وصلى خالقي غيث مـن جـاع***على الذي عطي الشـرف والتشافيـع محمـد مـا قيـل لـيـاك تـرتـاع***مشلوخ راس الطلـح حكـم وتشريـع يـا ونتـي ونـة كثيـر الحسوفـي***عقب الطرب والكيف فارق مشاهيـه ونة كسير السـاق عظمـه سفوفـي***جاه الطبيب وقال عمس البصر فيـه على الذي هز القنـا وسـط جوفـي***من يوم شفته شارع فـي جواسيـه هليت من بيـن النواظـر ذروفـي***دمع همل واحفى خـدودي تجافيـه وعميت عيوني من سبايـب كفوفـي***والى جاء القدر مااحدٍ يرده ويثنيـه ابكى على منهـو لحقـي عروفـي***ما دام جسمـي ينهضنـه مواطيـه وابكي على منهـو بحالـي يروفـي***عذب النبا ومن الظباء بـه تشابيـه عينـه وجيـده للحبيـب وصوفـي***والردف يطوي ما زها من كساويـه غصن الى ما قض فـوق الردوفـي***شقـر تـوارد كنـه الليـل كاسيـه ذوايـب والا التـوالـي زلـوفـي***وخدٍ كما القرطاس والنـور زاهيـه وترايب بيـض زهـت للحروفـي***وانا اشهد ان الخمر من بين اشافيـه هذي وصوف الترف غمق الوصوفي***غض النهد مـا هـو للديـن يوفيـه لاغضى بنجله مثل بـرق رفوفـي***حير مديدي عـن لزومـة طواريـه وان حددت بي ينكسر عنـه شوفـي***بالعون ما اقدر يا اهل الغي اراعيـه كاسيه من شغل العجم لـه صنوفـي***وحجول شاخ شالهـن اعلـون فيـه زرع الضمايـر صفقتـه الهيوفـي***ذاله اسبـوع اليـوم ماهـو يسقيـه ما اطيق اصبر عن حبيـب هنوفـي***ولو دلهوني عنـه مـا انـا ناسيـه جعل السحايب فوق قبـره هتوفـي***من كل مرهوش دلـى الرعـد فيـه من رايـح بـه مثـل دق الدفوفـي***يقهر له الشرقـي وتمطـر مياهيـه يسقي من الباطـن لهـاك اللفوفـي***لـوادي المنقـاد يـا جعـل يسقيـه من شان من دق الهـوى بالكفوفـي***راعي الثمان اللـي تـلالا خزاريـه مني سـلام عـد زجـر الهيوفـي***او ما سعـى خـل لخـلٍ مصافيـه واسقاه ريقه لين يبـري الحسوفـي***مـن جسـم بـه كالوالـي تلاليـه على الذي يـوم الخلايـق وقوفـي***هـدد عليـه الغـيـر و ناعـيـه وصلوا على منهو للامـه رؤوفـي***محـمـد المخـتـار والله منبـيـه حلم حلمه نمر وقال هذه القصيده: البارحه فزيت من غـرق النـوم***جاني حبيبي واختفى عقب ما بان واصبحت مذهول من العقل معدوم***ما لي بعد وضحا خليـل وخـلان يلومنـي بموالفـي كـل مليـوم***قالوا سفاهه جت نمر ابن عـدوان عسى تأطا لايمـي دولـة الـروم***والا بعث يبتلى بـه مـن الجـان يا جديع يا مشكاي يا مفني الكـوم***فرقاء الخليل مصيبتي يا ابن قبلان بكيت انا وعقاب يوم بثـر يـوم***جار الزمان وباغت اليتم سلطـان حظي خضر طير ما ادرج الحوم***الله يجزا طير حظـي بالاحسـان يا نمر ما صابك مـن الله مقسـوم***الله بخلقـه مايـن ياابـن عـدوان ان مات حيك يانمر قل له مرحـوم***وبدال مفقودك من الـرب غفـران الا ولا حي عن المـوت معصـوم***اعرف ترى دنياك ما فوقاه فـان ودنياك هذي بين هـازم ومهـزوم***ما انت الوحيد بفراق غالي وخلان وكل عليه من اسود الوقت مثلـوم***من ضيم بقعا شاكي جن وانسـان الله يجيرك يالسنافـي عـن اللـوم***عزاه يامر ويش بالسيف والـزان يانمر حكم الولي ما انـت مظلـوم***اصبر وعالج ضامرك ياابو سلطان لاعاد عند الناس غالـي ومحشـوم***دور بداله عنـد حضـر وبـدوان الحلم يجعل صاحب العقل مهمـوم***طيف الليالي ما بها غير نقصـان ياراكـب اشقـر صنـيـع وزي***سرساح يقطع جرهديات الابـراز وامعزل هبـره وغـادي تمـزي***عقدت ذراعه للسدد تقـل منشـاز خطر على حاديه عظامه تجـزي***يجعل الى من راكبه بالعصى هاز يشدى لدانـوق بالامـواج كـزي***بغربيتن عجل اشراعه اليـا فـاز عليه يوصـل سلامـي لمعـزي***عشيري اللي عز قلبي بالاعـزاز شوبشت بيها شافت الابل تغـزي***شوبشت بيها حايل عقب الافـلاز محلا عشيري لابس ثوب قـزي***عليه جوخ القرمزي غادي اجواز النهـد لا تفـاح لا بيـض وزي***او طلع غرز لاح بالسدي نـزاز منهن جديد الثوب غـادي تمـزي***حمر ثمرهن كنها كرب الالـزاز راعي ثمـان كنهـن حـب رزي***بيض تلالا ما شلع منهن الجـاز والرس ذيل شمرة جـت تلـزي***شافت مشاويل الرمك راحت الزاز في اثناء غايب نمر ابن عدوان عن مضارب القبيله جاءه ضيوف وقد قامت زوجته بأكرامهم وعند عودته اخبرته بشأن الضيوف فقال لها: بالله وضحا خبريني بما جـرى***للضيوف يوم حلت علينا ظعونها هل قمت بالواجب عني وياتـرى***والا عليـا تغامـزوا بعيونهـا ياليتني مدفون من تحت الثـرى***وكون ميت ميتـة مـن دونهـا ولا اصير للعربان عار ومعيرى***ولا بالمضيفه يقضون سنونهـا وياليتني بسجن موحش مقفـرى***عن العار كان اهون عليا يسقونها شتان ما بيـن الثريـا والثـرى***يـا لهفتـي بحوالنـا يدمونهـا هذ الامر مـن الالـه مقـدرى***شمت العرب مقدار ما يبغونهـا تنازل الشيخ نمر ابن عدوان عن الشيخه الى حمود ابن صالح العدوان وقام بالرحيل الى الشيخ ابن ملاك شيخ عشيرة الصقور ونزل بجواره فتره من الزمن وعلم اثناء سكنه عند ابن ملاك ان شخص يدعى ابو رشيد يريد ان يذهب الى ديار العدوان فقام بأرسال قصيــده معه الى حمود ابن صالح العدوان: يا ابو رشيد ان كنت مـداد بـرا***خذلي جواب من تصانيف قيلـي لحمود قل لحمـود بالـك تجـرا***اسقان من مر الطنا شـي يهيلـي حنضل شري علقم عقد صبر مرا***وكم قالة اضفيـت عليـه شليلـي عطان امان وخـان بالله وغـر***اعطان امان وخـان والله كفيلـي غارات بقعـا كـل يـوم تمـرا***في ضامري من فوق جيش وخيلي تسمع صريخ القلب يـوم يطـرا***صريخ فرخ بيـد طفـل هبيلـي جربتكم ياحمـود تسعيـن مـرا***وان عدتكم ياحمود ربـي كفيلـي يا حمود والله تسعـة الاف كـرا***وشوفاتكم يا حمود ماله ضويلـي الكـل منكـم للخيـانـه مـقـرا***ياحمود والله حـار فيكـم دليلـي موتي عزيز عند الاجانـب بـرا***اخير ولا عنـد القرابـه ذليلـي شاعر شراري يتعجب من حزن نمر على زوجته وضحا فلاح السبيله ويلوم نمر على هذا الحزن الشديد لانه سبق وان ماتت زوجة (الشراري ) ولم يحزن عليها كل هذا الحزن: يانمر ابن عدوان ازطام الدبيلـه***يا فارس الفرسان على ما يعدون هذا جضيضك من ثمانين ليلـه***الله يعين اللي له سنين مغبـون هذا قضاء الله مابيد العبد حيلـه***حيشاك كل الناس عن يهرجون هذا قضاء الله وما بـه جميلـه***وملايك الرحمن من يحصـدون قريـت كتـب الله ليلـه بليلـه***ما شفت الانبياء وهم يموتـون مير سلايل الشيخان ماهي قليله***دور تلقى بينهن مـا تريـدون يا نمر ابن عدوان يا فخر القبيله***الحزن مابه غير هموم وغبـون رد نمر ابن عدوان على الشاعر الشراري يالله عفـوك مـا باليـد حيلـه***اضحيت عقب العقل ذايه ومفتون الصاحب اللي ما نلاقـي بديلـه***عقبه حياتي كلها حزن وغبـون قضيت انا واياه عشره طويلـه***زود على العشرين او انهن دون استغفر الله كنهـن شبـه ليلـه***العفو كيف الناس للعمر يحسبون وا كبر همي مـن حيـاة ذليلـه***اللي تخلي صاحب العقل مجنون تقول لي همـوم قلبـك ثقيلـه***على يتامى عند وجهك يبكـون ترى اليتم اللي انكفى على النثيله***ابو عقاب الباتع اللـي تعرفـون يـارب لاتكتـب عليـا رذيلـه***ملايك عدلين ما هم يجـورون عفوك الاله الناس ضايع دليلـه***بين الخلايق هرجتي به يهذرون يالله يالمطلـوب نطلبـك الهـدى***يامن عليـك الـرزق والتدبيـر فكرت بالهجره وقيست ما مضى***وليـن دوار الـزمـان يـديـر عبيت صميلـي وزادي بمزهبـي***ومن فوق نابيـة الفقـار تحيـر وشربت من دار بها الجوع والظما***ليل هـلال جمـادى وارد بيـر وليتني واطي القوم بشـق جالهـا***كما واطي هشيم بجـال الغديـر ولين ازوال القوم بالعين اشوفهـا***على سـواة الربـج يـوم تغيـر رموني واليـا رمونـي رميته***ـمبخب الفرنجي اللـي لهـا زفيـر ولقيت ديره ينبت من الطل حبهـا***بهـا الغـب جـت حـب بريـر دار حبهـا بيـاع هيـل وعنبـر***ومسـك وريحـان لهـا تسعيـر وانا نمر ابن عدوان ليث مجـرب***مخلي كبـار المجهمـات كسيـر قوى الجهد صادق صدوق العزايم***عن الاحراب حـراب دق الزيـر واللي هوت يمناي تسعين بكـره***واليوم راحن مـن ايـدي نثيـر وان احمد الله اللي عاضني بهـن***بنـوم هنـي والرقـاد بسريـر وضحا واليا حليت جملة اوصوفها***خلـت قلـوب العاشقيـن تطيـر ادقاقة الخصرين مركوزة النهـد***ما والفت طـول الحيـاه عشيـر تنام العرب وانا وهي في معانقـه***والليل عنـدي ساعتيـن قصيـر يطيح الردا مـن حـدي وحدهـا***وهي لابسـه بزرقـاق حريـر يا زين لمسة راسها يوم تنشـره***فلـج مـرق بعـد نـو غزيـز مافادها الشاوي قليـل المواشـي***ابوخـدر ينقـل فـوق البعـيـر ولاخمنحمت مع قبلة الليل ربجها***ولاجت مغع السرى تمر حطيـر ولا لزوموها الفاس لديـغ قربـه***ولا وردوها القرب فوق الحميـر ولاهي حجازية ياسع الند بطنهـا***و جالسـن عبـد ولا تطنخـيـر ولاتنقل الحكيـه لبيـت جارهـا***ولاهي تحب الكـذب والتصويـر من الكامنـات الغافـلات الخـدر***ولايوجـد للطيـبـات نظـيـر لابد يوجد مـن الطيبـات مثلهـا***ومن لا يظـم الطيبـات حسيـر نزل نمر ابن عدوان بجوار الشيخ عواد الموح الفايز (ابوفندي) شيخ مشايخ بني صخر وقام حمود ابن صالح ابن عدوان بأرسال قصيده الى نمر : يا نمر لا تبعد ترى حظنا انهـاض***الديره صـارت ملـك للـي وليهـا اشرفت صوب ديارنا ودمعنا فـاض***بالقلـب حسـرات كوتنـي عليهـا جضيت بقلب من الحيا والخجل ناض***عاليـوم هانـا مرقـب تصطبيهـا حتى نويق بلادنا ويـق الاريـاض***منازل لنـا الضـد يزهـون بيهـا بلادنـا فيهـا مشاتـي ومقيـاض***مناهـل كـنـا نــورد عليـهـا ياما سهجنا دونهـا كـل مركـاض***ويامـا نحينـا ضدنـا مـا يجيهـا صارت بحر يانمر ماعاد ينخـاض***عواد ماهو مشـرك النـاس بيهـا اللي ولاها يشبه البـرق لا نـاض***ولد الخريشا حـط سرجـه عليهـا غصبن عن الزعلان مع كل مغتاض***دعنـا نبيـع الـروح ونشتريـهـا من ذاق لذة نومها يا اخـو فيـاض***حـر الوقايـد دونـهـا يعتليـهـا رد نمر ابن عدوان رسمك لفى ياحمود مع طارش فاض***قرطاستك يا صاحبـي العلـم بيهـا كن جاض قلبي من سواياك كن جاض***خبطت رعـد مـن سمـاوي يجيهـا احس انا بقلبي من الغيـض نفـاض***مصـايـب الله يعيـنـن علـيـهـا دار لنـا فيهـا مشاتـي ومقيـاض***قلبي عزاهـا وانـت والـي عليهـا والله لـو اللـوم مـن كـل نهـاض***دار نفتنـي مـا بنفـسـي اجيـهـا مير ابشر تراني فزعتك ياابوفيـاض***حنـا نبيـع ارواحنـا ونشتريـهـا اثناء اقامة نمر بجوار الشيخ عواد الموح الفايز شاهد ابنه عقاب احدى الفتيات واخذ يصف جماله لابيه رغم صغر سنه حيث قال : يا نمر انا ياوالدي شفت هولـه***ريميه في بيت عـواد تمشـي يخلف رزين العقل رنة حجوله***والعين خرسا والهدب في رمشي وقد رد عليه نمر : وش علمك يا عقاب قول تقولـه***كمشت قلبي بين الاضلاع كمشي من دونها يا عقاب ربع زحولـه***مثل السباع اللي على الخد تمشي لكنهم يا عقـاب طابـور دولـه***كلن معه مريوش من فوق عمشي عند اقامة نمر عند عواد الموح الفايز ارسل له حمود ابن صالح ابن عدوان هذه القصيده: يا نمر لو تكبر ذليلاٍ بلانـا***غزوك للكبره رجاجيل هزاز وحياة راسك مانفوت معنانا***وبلادنا ودها مشاوير معناز وحنا على العدلات قب متانا***سلايل العدوان يا نمر غراز وحنا الشفا يوم ترهش عدانا***وخيالنا لذوابة الخيل حجـاز رد نمر ابن عدوان على حمود ابن صالح ابن عدوان سر يا قلم واكتب علـى مشتهانـا***وانشر على زين الطلاحي حبر جاز لا ابوشهيب صاحبـي يـوم كانـا***زمان يوم هو لي صديق ومعتـاز لـي عشـر سنيـن يـا زبرقانـا***سويت لك روحي فداوي و لو جاز اجيك مـن هنـاك واجيـك هانـا***وطميت طمي ما طما بيه طهمـاز ان سالت عني بغاية البسـط هانـا***بلاماي حمر الشام مااحدن لهم جاز بضـف شيـخ باعكـم واشترانـا***عواد اللي لحاجة العمـر مركـاز ياحمـود ياعمـي وكـل معنانـا***شوري يعقب واللي قلط شور كراز ياحمود شبلي خان شبلـي زمانـا***شبلي لعين لغابـة المكـر حـواز اول ضايـع الخيـل قلـة هدانـا***سربة عبيد اللي على الشور تحتـاز راحت اللحانا بيـن حانـا ومانـا***والكـل يطعـن بمسلـه ومخـراز عند اقامة نمر عند عواد الموح الفايز ارسل له حمود ابن صالح ابن عدوان هذه القصيده: يا نمر يا ابن العم عسى ماانت معتاز***ما انت لطيه بوسط النـزل منحـاز يا حيف ابن عدوان نمـر وحجـاز***يضحي قصير داير بيـن الاكـواز من عقب ما انت للمناعيـر جـزاز***تغدي قصير لمالـك وابـن فـواز ما عمر من خلى ربوعه لـو فـاز***اشفيت فينـا كـل هامـل وخـراز يا حيف ابن عدوان ذارى كل معتاز***يبيع ربعه بالهفـا حيـف لوجـاز رد نمر ابن عدوان على حمود ابن صالح ابن عدوان الله من جور الليـل هـو والنهـارا***ومن جور شيخ مستشيـر لكـراز هو شور ابن عدوان اللي به شـارا***سربة عبيد اللي على الشور تحتـاز ضاعت اللحانا يوم صرنا سكـارا***حتى الحصيني صار قرم و ممتـاز عيناك ابن عدوان حامـي الديـارا***نلكد معك على الضد من غير مهماز نطيـت مرقـاب حولـي بيسـان***مرقاب نايف نابـي فـوق زامـي مرقب يشوق اللي من الغيض دميان***مشام قرنـاس النـداوي وشامـي عليت في راسه ولي بان مـا بـان***واشوف للبلقاء محـاري تهامـي دار لنا يوم السعـد والبخـت زان***ياما زبرنا بـه بيـوت وجهامـي ويامت تكتا بـه فلـوح وبـدوان***وياما هقينا به غوالـي المسامـي دار لنا ما هي ملك ابـن عثمـان***الا و لا بقطـار مصـر وشامـي لي به مقانص بين زيزياء وحسبان***وبين السليلـه والذهيبـه مرامـي من حد اربد اليـن نقـره جليـدان***نتلى بها ريـم وخـرس النعامـي واليوم صارت للفهيـدي وندعـان***حتى سليطي شاخ بـه والغتامـي تنعاف لو تمطر بفضـه وذهبـان***مسكان راعي النفس فيـه حرامـي واخلاف ذا ياراكب فـوق مقـران***كنـه تخـاوي عمـرال النعامـي حمـرا سبرتـات ومـرداد ديـان***تجدا للغلايط بـه المـوت حامـي فوقه غلام فاتـن العيـن غلـوان***يانعم يا نعمين مـن لـه غلامـي يانادبي وصل سلامـي للسلطـان***ولد الحميدي عين نصف السلامـي قل والله اجاويـد وامـان وامـان***وامان من ضلل عليهـا الغمامـي كم يم كلمه مـا لهـا يمكـم شـان***انتم كما فرع على النـاس زامـي اهل الصخا والطيب ذريبن الايمان***كل المراجـل عندكـم بالتمامـي عجبان من ربع لنـا كـان خـلان***واليوم منهـم عـاز رد السلامـي اقدر اقول فـلان وفـلان وفـلان***عدمـوا ياعـل وجيهـم للعدامـي عن جملة الخلان سد ابـن قعـدان***طلموس ليل غاطـي كـل زامـي سبحان من سوى بنا هاك سبحـان***لاخير دام النـا والا الشـر دامـي وشكرا
|
||||
|
|
|
|
02-04-2010, 08:31 PM
|
#2 | ||||||||
|
رد: بعض قصائد نمر ابن عدوان
يعطيك العااافيه على النقل
|
||||||||
|
|
|
|
02-04-2010, 10:34 PM
|
#3 | ||||
|
رد: بعض قصائد نمر ابن عدوان
راق لي طرحك..
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 14 ( الأعضاء 0 والزوار 14) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 03:34 AM
