قصيدة سعد ابن جدلان في الشيخ جعفر ابن شري

[معلومات العضو ابو سلطان العبيدي]

ياراكـب اللـي تقـول ايكفـف اشنـاقـه
حـواف قـوم علـى مهجادهـم نــاوي
ابيـض وخطـوط الوكالـه فيـه لهاقـه
إليـا اعتـرض كنهـا تنعومـة النـاوي
حـر تعـرض لكـدر بــاول اطـلاقـه
وقبلـه مذيرهـن الشـبـوط والــواوي
وكن اختفاقـه مـع الجويـان وادعاقـه
ادعـاق ذيـب يـدور غـرة الـشـاوي
لافـات ثلثيـن ليـلـه قــام سـواقـه
أول نسيـم الصبـاح وخـط صـحـراوي
الليـل ومخـافـت الـهـوج وتونـداقـه
ونفـث المحـرك تقـول قرايـة مـداوي
يسلـي ضميـر مزاجـه صفـط أوراقـه
عن خدمة البهلـوى مـع كـل بهـلاوي
ما عاد له فـي هزيـج المجتمـع فاقـه
ومغلط الصـح ومصحـح علـى الغـاوي
امــا غزتـنـي محابـاتـه وزنـداقـه
ولا كسـب لـي مواجـه كلـه هـذراوي
ما فيـه داعـي نـدور كرسـي حلاقـه
ولا جماهيـر لا هـلالـي ونـصـراوي
الماجـدة فـي إنــاء مـالـه طبـاقـه
أظـن مــا يمـهـا متـمـع هــاوي
لا صار ما به عسـل سـدر ولبـن ناقـه
أظـن مـا يبـرد كبـد المحتمـي كـاوي
فطـوره بجـاش كـان الله مـا عـاقـه
فـي مجلـس للخصـال الطيبـة حـاوي
لا شق جنـح الظـلام الصبـح باشراقـه
وفوق الشفق شفت قرص الشمس متساوي
أقلـط بقصـر لـه الضيـفـان تـواقـه
احد من ضيوفـه مصبـح واحـد ضـاوي
قصر جعفر بن جمل بن شـري واشقاقـه
قصـر يـذري ذراه ويهجـي الـطـاوي
به مجلـس فيـه نـار السمـر شعاقـه
وفواصل البـن الأشقـر وازرق الجـاوي
النعم والبيـض لـه فـي كـل شوهاقـه
والصدق مالـه نطيـح ولا لـه مقـاوي
مطلق عمس خطر الضيفـان بـا خلاقـه
وجـه التقـي الرضـي المفتـي الـراوي
كـان النعـم تربطـه لاصحابـه علاقـه
عنـد جعفـر ذابـح الغـرم ومـخـاوي
وبنات فكـري تعشـق الطيـب عشاقـه
الله يصـح الصحيـح ويغـوي الـغـاوي
شرهات الأمجـاد فـي طاريـه منساقـه
الامـداح هويانـة مدحـه وانـا هـاوي
شـره الروابـع علـى الامـداح سباقـه
ولا ضعـاف الروابـع نجمهـا هــاوي

 

 

 

 

[معلومات العضو محمد.الودعاني]

ضح لساان وصح لساان شااعر العرب سعد ابن جدلان.

ولاهنت على النقل


محمد الودعااني

 

 

 

 

[معلومات العضو راشد المسعري]

ارحب يابو سلطان

وصح لسان الشاعر العلم ابن جدلان

وقصيدة من اجمل ما قيل في المدح

والممدوح يستاهل وربعه وقحطان كافة والمدح يليق بهم

وابن جدلان شاعر ينحت من صخر

تقبل ودي وتقديري ،،،،

 

 

 

 

[معلومات العضو ابو حسين الدوسري]

اررررررررررحب يبو سلطان

يعطيك العافيه انتقاء جميل لعلم من اعلام الشعر النبطي

خالص التقدير اخوي

 

 

 

 

[معلومات العضو ابو سلطان العبيدي]

ارحبــــــــ يارجـــال ـــــــــــــــووو


تراحيب المطـــر ,,,


ولا هنتـــووو علــى كرمـ الزيارهـ ,,,