اعتذر منك يالبطل الشهيد ضويحي

**معلومات** **العضو** · 23-12-2009, 09:15 AM

بسم الله الرحمن الرحيم

اخواني الشعراء في منتدى الدواسر

بدخل على طول في الموضوع بدون مقدمات

انا سجلت هنا ودخلت وكنت متوقعة الاقي كل ابداعات هالقسم الحالية في الشهيد ضويحي الدوسري

كيف بالله ماالقى الا قصيدة واحدة !!

الله يرحم كل شهداء الوطن ..بس على فكرة مو كلهم اندفنوا بطريقة ضويحي

ضويحي لم يغسّل ولم يكفّن .. دفن ببدلته العسكريه

وبدمائه الطاهرة لانه تنطبق عليه صفات الشهيد وهذا تم بفتوى من الشيخ المفتي

والله اني مااعرف ضويحي ولا اقرب له .. الا اني انا ويّاه واياكم ننتمي لامة الاسلام

ثم العزوة الدوسرية

لكني شعرت انه فقيدة .. اولا بطريقة استشهاده

و من كلام زملائة اللي شهدوا له في موقع( شهداء الوطن )

زملاء من كل قبيلة نعوه بكل صدق وشهدوا له بالرجولة والاخلاق وبكل شي طيب

وحسيت بالفخر

يعني بالله عليكم فيه حدث اهم واعظم من كذا ممكن يقدر يستثير قريحتكم الشعرية !

اذا ماحرككم هالحدث وش اجل اللي بيحرككم !!

ياليتني شاعرة

لمثل ضويحي تكتب القصايد والاشعار

وين شعراء الدواسر !!

للاسف اني دخلت اليوتيوب ولقيت قصائد ومقاطع لشهداء اخرين تقبلهم الله عنده من قبائل اخرى ماقصروا بني عمهم

لكن مالقيت ولاشي عن مضحي !

في نظركم ضويحي مايستاهل !!!!!

رحمك الله ياضويحي

كنت تطلب الشهادة ورفضت حتى لبس الدرع الواقي وقلت اما النصر او الشهادة

حتى لو ماكتبوا فيك ياضويحي

يكفي انك كُتبت من الشهداء عند ربك

ويكفي ان الله اختارك من شهدائه

والله اني اغبطك ياضويحي وافتخر فيك واعتز بك

معليش انا حتى ماحاولت انمق كلامي او اصف الحكي .. بس كلامي صادر

من قلب عاتب

واتمنى القى صدى لما كتبت

زهر النّوار