قصيده رائعة للشاعر محمد ابن قحيفان الخضران

**معلومات** **العضو** · 14-11-2009, 05:27 PM

بسم الله الرحمن الرحيم

يالله يارب العباد المصلين = انك تعز البل وناسن قنتها
وانك تقبل دعوه المستغيثين = وترجعلها في ديرتن داهلتها
ماحدر العارض الا حد يبرين = لقصى محيط الشرق هاذي جهتها
من منطقه زايد وسلطان ويمين = هاذي مرابيها وذي منطقتها
مدهال ملحن طايره شبح وذهين = ياطول غاربها وطول رقبتها
ملحن غشاها الملح والنور والزين = من خفها لراسها وشعفتها
تفرق على صيغه اكبار العثانين = بالخشم والخده وطول سبلتها
عسما يدين مثل وصف الموازين = يعجبك ماطا خفها وعسمتها
الا وطت في الارض كن البراكين = من ثقل ماطاها تفجر تحتها
فجحا عريضت ساق في خفها قيد= تعجبك لامن دبرت بفجحتها
قطاعت الفرجه واهلها محييلين = كم ديرتن من ديرتن قربتها
الابل عطايا الله غنات المقلين = الا رعت في ديرتن قبلتها
يازينها لاجات من خايعن زين = وامست شباع وجات حل ثورتها
قامولها رعيانها بالمواعين = وترزمت حيرانها لبهلتها
والابل لها عند الرجال العزيزين = قيمه وعصمان الشوارب قنتها
يرعونها اللي يحتمون المخلين = كم جملتن ذيدانهم ذيرتها
دواسرن يوم المغازي خطيرين = كم دار قومن هجنهم ناوشتها
دواسرن يوم اللقاء تنزع الدين = وكم هجمتن من دار قومن خذتها
واليوم في حكم الشيوخ السلاطين = اللي مناهيج الشريعه مشتها
اللي ترد الحق للمستحقين = لو كان وزن الخردله رجعتها
الله يثبتنا على منهج الدين = في ظل من عم السعد مملكتها
دوله هل العوجا سعوط المجانين = اللي حمت حدانها وحتمتها
والله يكافينا شر الشياطين = اللي معالم دينها هدمتها
المرعبين الخاينين الخبيثين = اللي وصاه الله لعبده نستها
وارجو السموحه من الرجال الحشيمين = اللي يسايق طيبها معرفتها
ودي بمدح حدنا المعارف والاقصين = مير القصيده حرت بمناسبتها
واخترت من زين الثمر بيت بيتين = خوفن عليها لاتضيع ثمرتها
وصلو على المرسول سيد النبيين = ذكرالله المعبود في تكملتها

وسلامتكم

تحياتي