قصيده لـ مفرج المخاريم(الغياثات السلاطين مروين الصقيل=الرجال اهل الشجاعه مقابيس البلاء)

[معلومات العضو صداام]

هذه القصيده للشاعر مفرج بن ناصر بن جنبان المخاريم الدوسري قالها في الشيخ شبنان بن فهد بن صليل الغياثات عند فوزه بالمركز الاول فئه خمسين شعل في مزاين ام رقيبه على جائزة الموحد الملك عبد العزيز رحمه الله فاترككم مع القصيده

يالله المعبود يالخالق الباري الوكيل=ياعضيم الشان يالمعتلي رب الملاء
يا إله الكون يا خالق(ن)صبح(ن)وليل=يا عظيم(ن)كل خلقه الوجهه تسئلاء
نسألك عفوك ولطفك لاجاء يوم الرحيل=ويالله ترحمنا لاصرنا بيوم(ن)يذهلاء
ونسئلك مزن(ن) ليا قبل سواده كنه ليل=الرعود تحن وصطه وبرقه يشعلاء
يهل وبله عدة ايام لين انه يسيل=كل وادي وكل سد(ن) يقال انه امتلاء
ويسقي اعباده ويسقي له ابلادٍ محيل=لين يخضر كل روض(ن)منول ممحلاء
ولين ترعى العشب صفر(ن)قناها ابن صليل=صفر(ن)احسن خلقها ربنا جل وعلاء
الوجيه ازيان لامن مشت كنها تخيل=الهلال المعتلي والسبال امحولاء
ذود ابو سلطان وصفه مع العالم قليل=تجذب الانضار بجرومها اللي تهولاء
وذود ابو سلطان ماله شبيه ولامثيل=كامله بالزين والوصف فيها امكملاء
لاسمعت صوت المدوه تقول انه جفيل=تطرب الصوته لا دق اللبيد ومولاء
والكحيله لا عرضت مثل منسوع الجديل=يوم شافت خلها الى اغيابه طولاء
بنت شيخ حدها البعد عن شوف الخليل=وعند شوفه جت تهزع ويدفعها الغلاء
الوجه ضافي معا اسبال والغارب طويل=والسنام اللى على العيز كنه امنزلاء
لجلها يتعب ولا حط له معها مع وكيل= ولجلها يرخص لها كل غالي لو غلاء
غاليات اثمان ما حاشها رجل ابخيل=ماقناها كون رجل يمينه تبذلاء
عشت ياراعي الجمايل يابو الفعل الجميل=ماخذ(ن)الاول وعادتك دايم الاولاء
ياحليف الجود ياراعي الفعل الجزيل= ياكريم اليد ياريف هشال الخلاء
مجلسك مفتوح بابه وبه بنن وهيل= مجلس(ن) لاهل المراجال مقر ومدهلاء
وانت من ربعن لهم عندنا قدر(ن)جليل=لابة(ن)للمرجله والمكارم تفعلاء
الغياثات السلاطين مروين الصقيل=الرجال أهل الشجاعه مقابيس البلاء
لا اعتلو من فوق قب(ن)لها عج وصهيل = ياردون الموت في الحرب ورد النهلاء
ومن زبنهم عاش فأمن وفي ضل(ن)ضليل=والحزين اليا نصاهم من همومه سلاء
الثمان أنتو اهلها وهذا أكبر دليل=يشهد التاريخ فعل (ن)وقول(ن)ينقلاء
والدواسر تاج راسي مزبنة الدخيل=جارنا توسم عصاته ومعنا يهملاء
ولازبنا خايف(ن)يشكي الحمل الثقيل=يبشر ابعزه وهمه من الصدر انجلاء
ودارنا حامينها بالسيوف وبالفتيل=والعدو لامال بالسيف الارخم عدلاء
جيتكم ماهمني البعد والخط الطويل=من غلاكم جيت أشارك بهذا المحفلاء
بمدح الطيب ولاأبغي وراء مدحي حصيل=ومع اهل الناموس والطيب يربطني الولاء
كلشن يفنى ياكون الردى والا الجميل=هاذي الثنتين تبقي يقوله الاولاء
وفي ختام القول صلو على الهادي الدليل=الرسول المصطفي عد برق(ن)يشعلاء

 

 

 

 

[معلومات العضو ابوبدر المصارير]

الغياثـات السلاطيـن مرويـن الصقـيـل =الرجال أهـل الشجاعـه مقابيـس البـلاء
لا اعتلو من فوق قب(ن)لها عج وصهيـل= ياردون الموت فـي الحـرب ورد النهـلاء
ومن زبنهم عاش فأمن وفي ضل(ن)ضليـل=والحزين اليا نصاهم مـن همومـه سـلاء
الثمـان أنتـو اهلهـا وهـذا أكبـر دليـل= يشهد التاريـخ فعـل (ن)وقول(ن)ينقـلاء

كفوووووووووو والله ومليار نعم بالغيثات
صح الله السان الشاعر الكبير / مفرج بن ناصر المخاريم على القصيده الجزله

ويستاهل الشيخ / شبنان بن فهد بن صليل الغياثات الناموس والمدح

وبيض الله وجهك اخوي صداام على ايراد القصيده

تحيااااااااااااااااااااااتي

 

 

 

 

[معلومات العضو ابو زيد الغييثي]

الاخ / صــدام


لاهنت على نقل هذه الابيات وجعل يمناك

ما يجيها العطب ،،، وصح السان مفرج المخاريم

مليون ولا يوفون ويستاهل بو سلطان كل خير

صبي الجود ..

ــــــــــــــــــــــــــــــــــــــــ

الحبيبي10 ما عليكم زود يالمصارير



أخوك / ابــو زيـــد الغييثي

 

 

 

 

[معلومات العضو محمد الولامين]

صح لسان الشاعر مفرج بن ناصر بن جنبان المخاريم الدوسري ويستاهل الشيخ شبنان بن فهد بن صليل الغياثات والله يبارك له في حلاله وماله ولاهنت ياصدام على ماقدمت وبيض الله وجهك

 

 

 

 

[معلومات العضو ابو عسكر الغييثي]

صح الله السان مفرج المخاريم على القصيده الرائعه

ومليون نعم في لاد المنيعي ولا عليهم زود

ولاهنت ياصداام على الطرح المميز

ولاعليكم زود يلاد الحبيبي

 

 

 

 

[معلومات العضو نايف الخييلي]

كفوا بالمالك شبنان بن فهد

ويستاهلون المدح والله الغياثات

لاهنت على طرحها ياصدام

 

 

 

 

[معلومات العضو شافي القويسي المخاريم]

الغيـاثـات السـلاطـيـن مـرويــن الصـقـيـل
الرجـال أهــل الشجـاعـه مقابـيـس الـبـلاء

كفووووووووووو ياصبيان الغياثات
وصح لسان الشاعر مفرج المخاريم على القصيده الجميله
ويستاهل ابو سلطان الناموس
تحياااااااااااااتي

 

 

 

 

[معلومات العضو يحيى الودعاني]

صح لسان الشاعر

و بيض الله و جهك على النقل

لاهنت

 

 

 

 

[معلومات العضو صداام]

الله لايهينكم على المرور ويبيض اوجيهكم جميع
وترقبوااانا
بكل ماهو جديد ان شاء الله
وفي صالح الجميع

 

 

 

 

[معلومات العضو تركي ال جريس]

الغيـاثـات السـلاطـيـن مـرويــن الصـقـيـل
الرجـال أهــل الشجـاعـه مقابـيـس الـبـلاء

كفووووووووووو ياصبيان الغياثات
وصح لسان الشاعر مفرج المخاريم على القصيده الجميله
ويستاهل ابو سلطان الناموس
تحياااااااااااااتي

 

 

 

 

[معلومات العضو ابن الّمنع]

البل صفر جعلك تحيا
صح لسان ابن جنبان و يستاهل الغييثي المدح

 

 

 

 

[معلومات العضو الزين]

وانت من ربعن لهم عندنا قدر(ن)جليل=لابة(ن)للمرجله والمكارم تفعلاء
الغياثات السلاطين مروين الصقيل=الرجال أهل الشجاعه مقابيس البلاء
لا اعتلو من فوق قب(ن)لها عج وصهيل = ياردون الموت في الحرب ورد النهلاء
ومن زبنهم عاش فأمن وفي ضل(ن)ضليل=والحزين اليا نصاهم من همومه سلاء
الثمان أنتو اهلها وهذا أكبر دليل=يشهد التاريخ فعل (ن)وقول(ن)ينقلاء
والدواسر تاج راسي مزبنة الدخيل=جارنا توسم عصاته ومعنا يهملاء
ولازبنا خايف(ن)يشكي الحمل الثقيل=يبشر ابعزه وهمه من الصدر انجلاء
ودارنا حامينها بالسيوف وبالفتيل=والعدو لامال بالسيف الارخم عدلاء

لاهنت وصــ لسان ــــح شاعرهــــــــــــا

 

 

 

 

[معلومات العضو مبارك الغييثي]

أخوي صدام لاهنت على النقل وصح لسان الشاعر ويستاهل أبو سلطان

 

 

 

 

[معلومات العضو ناصر بن فهد]

.
.
•
صح لسآن الشاعرٌ: مفرج المخارٍيمٌ..
ويستاهل المدحٌ أبوٍفهدً
ولاهنت على النقلُ وبيض الله وجهكُ