اشتروا عقل النيامس وصيروا والمين..دون حد الهضب يازين مد رقابها....لعويد المخاريم

**معلومات** **العضو** · 06-12-2008, 12:44 PM

هذه القصيدة للشاعر : عويد بن عيد الشروخ المخاريم الدوسري

انزلتها قبل ذلك ولكن كان هناك خلل في طريقة عرضها مما يجعل المقارئ يتملل من القراءة وطلبة من الإدارة الموقرة التعديل ولكن لم يصلني الرد فأنا اعيد كتابتها مرة اخرى

قالها في وقعة (الضيرين) بين (المخاريم والشيابين)عام (1394هـ)تقريباً
وهي تعبر عن نفسها:

اشتروا عقل النيامس وصيروا والمين = دون حد الهضب يا زين مد رقابها
ما يخلى حدها كود بناس صاملين = تمنع الشافات لحسبت لحسابها
لا بتي نعم بهم يوم جونا معتدين = يوم جونا واقتبس بينا شيطانها
يوم جا ضرب المشوك ومدينا اليمين = وهضبة الهضب كثر العشا لذيابها
ياسلامي يا غمار بعزم صاملين = من ورى حدانها نطّلت بثيابها
من وقايعهم يشيلون (.......) كوين = أنا فدى اللي بندقه مكنت مضرابها
(......) مقدم الخبره اللي نايرين(1) = حولوه عيالنا من طويل أهضابها
عقب شاف الدم من ضربنا كب الفتين = همّل الضيرين معاد له بترابها
ديرتي كلٌ يبيها وحنّا معتصين = هيشة بسودها من بغاها هابها
والله لو لا الحاكم اللي يشيب الغافلين = الأسود اللي يقص الضهر مضرابها
أمرهم لجا علينا فحنّا طايعين = عادل بين القبايل يحل انشابها
أمنت لسلام بالعزم والرأي السمين = واخشرت ناس مع الناس مايدرى بها

(1). نايرين : أي هاربين

تحياتي للجميع
وزير2020

**معلومات** **العضو** · 06-12-2008, 01:17 PM

صح لسان الشاعر عويد المخاريم

وبيض الله وجهك على طرحك

ونتظررررر جديدك

**معلومات** **العضو** · 17-12-2008, 10:41 PM

صح لسان الشاعر / عويد بن عيد الشروخ المخاريم الدوسري

ولاهنت وزير 20 20 على طرح القصيده وبيض الله وجهك

**معلومات** **العضو** · 18-12-2008, 07:09 PM

بيض الله وجهك ياوزير 2020 وصح لسان الشاعر الكبير عويد بن عيد
كفو لاد المنيعي الي أعرفه إن لشاعر الكبير عويد بن عيد قصائد كثيره تكفا ياوزير 2020 لا تبخل علينا بها إن وجدها
وتقبل تحياتي

**معلومات** **العضو** · 20-12-2008, 06:27 PM

مانع الولماني

يسعدني مرورك والله لا يهينك

**معلومات** **العضو** · 20-12-2008, 06:30 PM

محمد الولامين

مرور مشرف ولاهنت

**معلومات** **العضو** · 20-12-2008, 06:34 PM

ابو فهد 35

ووجهك ابيض ولا تهون يالقرم وغالي والطلب رخيص

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية