تعالوا الى كلمة ٍ سواء

[معلومات العضو المنصا]

بدون مقدمات

جاني ولد اخوي فازع ومتهول يقول يا يبه هنا موقع محسوب على الدواسر وكله سب وفتن ويعلمني في الامور والقصص فاول الامر ما اهتميت قلت يمكن يبالغ وتركته قلت مهوب ذلحين وقته وانا ابوك الين بعد وقت قال يا يبه والله ان العلم كذا وكذا ويقولون كذا
وشفتنا بعيني الا هنا امورن تطير العقل واتاكد ان المنتدى يحمل اسم الدواسر الا هو يحمل اسم الدواسر

الا والله ان كان ذي امورهم اسمه الصحيح فتنة الدواسر وشي ما يعقل ولا يصح وحتا ان صح مهوب كل شي ينقال عاد كيف اذا خالطه التزييف والتحريف .

مهوب مجد ذا المجد :

ان كان يحسبونه مجد فوالله انه منقصه ولا هوب زود ومن يزاود على بني عمه نقص
وان كانك بتمجد عمرك على ربعك يعني ترديهم ولا رديتهم فالردا يلحقك لكن من عز ربعه معهم ينعز .

ان كان تبغون المجد اخذوه :

ان كان تبغون المجد لكم لحالكم لا شريك لكم فخذوه ! لكن تعزل عمرك عن من ! وتمجد عمرك على حساب من ! وتنقص في من ! ومن يبقالك ؟
وانا كلامي هنا ليس على حساب احد كلامي على اللي يسبب الفتن ويسعالها

لا تحسبونه مجد :

ان كان المجد على فعل في بني عمكم فتراه مهوب مجد وهنا سالفه اذكرها وهي في جداني مع بعض بني عمنا صار اللي صار وانا اعرف السالفه كامله مع قصيدها ويسالوني عنها عيال الجماعه وانا اقول مدري عن ذا السالفه طيب ليه ما علمتهم لان الفتن ما تجيب الا فتن وحتا لو السالفه صحيحه ويثبت قصيدها مهوب كل شي ينقال
وهم دايم يطلبوني القصيده وانا اردهم اللي اندفن لا تحرثونه .


اي تاريخ اعلم ولدي


وش التاريخ اللي راح اعلمه ولدي اللي انا عمه الفتن هذي ! ولا اقوله الدواسر يتطاحنون بينهم بين بعض ولا شفناه واقع شفته في النت وفي موقع فتنة الدواسر
ولا اعلمه تاريخ الدواسر اللي يشرف ويعرفونه القبايل حتا والله بعض الربع من باقي القبايل والله انهم يسالوني عن بعض قصص الدواسر هم يعرفونها وبعضها والله ما اعرفه
لكن يشوش راسي لانه للدواسر وانا دوسري ماهمني من هم منه المهم انها طولتهم تطولني


مجد الدواسر الصحيح

الدواسر عند القبايل تحسب لها الف حساب وتقدرها وعمرهم ما فرقو ولا تعرضو احد من رموز الدواسر
ويعرفون لقب الدواسر ومعروف عند كل القبايل مزبنة المجرم ووسامة العصا واهل الكرم
ما شفنا احد منهم تعرض للدواسر بشي ولا احد درا اني دوسري والله مايفرقون من وين
لانهم يعرفون المجد الصحيح للدواسر هذا المجد ان كان تبغون المجد شف كيف نظرة القبايل لنا ولكن للاسف شوفو انتو نظرتكم لربعكم .



لا يكون هذا عذركم :

لا يطلع احد ويقول فلان قال فينا و فلان قال ان حنا تاريخهم هو المجد اللي ماحولنا احد فيه ولا انتقص في احد تراه ناقص ومن يقلده ويسوي سواته مثله ناقص ونترفع منه ومن اشكاله ولا يمثلنا
حنا ما نرضا من يقول ذا الكلام كان من كان والله لا يحييه ولا نعترف بكلامه ولا يمثلنا .


الجميع تعالوا الى كلمة ٍ سواء :

بني عمي وعزوتي وكل من يحمل اسم دوسري والله مالي اي مصلوح ولا اي فايده يوم اخترت منتدى الدواسر الرسمي لكن ولد اخوي يقول رد عليهم عندهم ( يقصد منتدى فتنه الدواسر ) ورفضتنا وقالي مالك الا منتدى الدواسر الرسمي هو اللي ترد عليهم فيه لانه مافيه تحيز ولا عنصريه حتا ولد اخوي عرف يفرق بين المنتدى اللي يجمع واللي يفرق ووافقتنا وزبده الموضوع ترا تجمعنا كلمة الدوسري وان رفعتوها ارتفعتو معها ولا احد يقدر ينزل اسم القبيله لانه هو اللي ينزل
والدواسر عزوه للجميع اما المسفه ما يمثلون حتا عمارهم لانهم مسفه ومرفوع عنهم القلم وان كان ورد خطا منا ولا منا بدون قصد فجل سبحانه اللي ما يخطي اما اللي شغلته بس في الفتن ويحرف ويزيف على هواه ما يلزمنا
والدوسري مهيب لحد دون احد ومجدها مهوب في جذم على جذم كلها مجتمعه ومن ينقاله دوسري فهو بني عم
والدواسر مجتمعين على اسم واحد الدوسري ما سمعنا من قبل من فرق لكن شفنا من فرق وسوا فتن في موقع فتنة الدواسر .اصحاب الموقع الفتنه والله شككت انكم لا تنتمون للدواسر لان مواضيعكم وقسم كامل مافيه الا فتن وتحقير وعنصريه تولد الحساسيات وتنقيص في بني عمكم ان كنتم دواسر صحيح الغو القسم اللي شتت واصبح ساحات حرب وطعن في بعض وقصص مامنها الا التباغض على عيال عمكم ارفعو عماركم منذا السوالف عسا الله يرفع قدركم وكونو على قد اسم القبيله اللي يحمله موقعكم .
ونزلو القصص اللي ترفع من قدر القبيله وتفاخر لنا جميع واللي منه مصلوح فعساكم على القوه واللي شفتوه ضيق خطر بني عمكم ترا مالكم الا بني عمكم واتركو اللي يكدر على ربعكم وكلنا نجي على كلمة سواء تلم القبيله لا تحيز ولا عنصريه والطايله والمجد واحد وامنعو عماركم من الردا .




مهم :

الاخوان الاعزاء ارجو عدم الرد على مواضيعهم اللي تسبب فتنه لانها تجريهم وتقويهم لكن لو تركتوها اقل شي مالها صدى وتندفن محلها ولا تلقى من يهتم في مواضيعهم .

ادري انه راح يجيني شتم ومن الكلام اللي هو لكن ما يهم دام قبلي اللي احسن مني وجدانا واللي بنو مجد للقبيله ما اسلمو من التنقيص والتحقير انا وش اطلع .

لكن ان كان شتمي وسبي بيوقف الفتن اقول الله يبيحكم واشتمو على كيفكم ومبيوحين .


امنيه :

((( اتمنا انهم يردون علي حتا بردهم يعترفون للجميع انهم منتدى الفتنه . )))



في الختام

بسم الله الرحمن الرحيم

ان اريد الا الاصلاح ما استطعت وما توفيقي الا بالله

 

 

 

 

[معلومات العضو أبونواف الدوسري]

بارك الله فيك أخي المنصا على هذا الكلام الطيب...

حفظك الله ووفقك ورحم والديك...

تقبل تقديري وأحترامي ...

 

 

 

 

[معلومات العضو راشد المسعري]

الجميع تعالوا الى كلمة ٍ سواء :

بني عمي وعزوتي وكل من يحمل اسم دوسري والله مالي اي مصلوح ولا اي فايده يوم اخترت منتدى الدواسر الرسمي لكن ولد اخوي يقول رد عليهم عندهم ( يقصد منتدى فتنه الدواسر ) ورفضتنا وقالي مالك الا منتدى الدواسر الرسمي هو اللي ترد عليهم فيه لانه مافيه تحيز ولا عنصريه حتا ولد اخوي عرف يفرق بين المنتدى اللي يجمع واللي يفرق ووافقتنا وزبده الموضوع ترا تجمعنا كلمة الدوسري وان رفعتوها ارتفعتو معها ولا احد يقدر ينزل اسم القبيله لانه هو اللي ينزل
والدواسر عزوه للجميع اما المسفه ما يمثلون حتا عمارهم لانهم مسفه ومرفوع عنهم القلم وان كان ورد خطا منا ولا منا بدون قصد فجل سبحانه اللي ما يخطي اما اللي شغلته بس في الفتن ويحرف ويزيف على هواه ما يلزمنا
والدواسر مجتمعين على اسم واحد الدوسري ما سمعنا من قبل من فرق لكن شفنا من فرق وسوا فتن .

المنصا

اول شي اخوي ارحب فيك في محلك ومع اخوانك وأشكرك على هذا الموضوع الذي افتتحت به مشاركاتك معنا في هذا الصرح الشامخ بأعضائه( شرواك ) ، والذي يدل على ماتختزنه من حمية وحب غير مستغرب لأبناء عمومتك فبيض الله وجهك واالله يحييك في منتدى القبيلة الرسمي بشهادة جميع أمراء الدواسر دون استثناء ، والمنتدى مفتوح للجميع وليس لأحد دون أحد ولا نرضى بأن يكون فيه موضوع يمس أحد من أبناء القبيلة ، وإن كان هناك منتديات تحمل اسم القبيلة وهدفها إثارة الفتنة أو التحريض بين أبناء العمومة فنقول لعل الله أن يهديهم إن كانوا جهلة أو صغار سن وإن كانوا يدركون أنهم على خطأ فما نقول إلا ( حسبنا الله ونعم الوكيل ) والتمر لايخلو من الحشف.
لاهنت ياالمنصا وتقبل ودي وتقديري ،،،،

 

 

 

 

[معلومات العضو نجــــــــــديه]

حياك الله اخوي المنصا
وموضوعك ممتاز وطرحك قيم
ويجزاك خير على تنبيه من يثيرون الفتنه
وياليت يكون مكان الموضوع في المنتدى العام لاطلاع الجميع عليه
تحياتي وتقديري
دمتم بخير

 

 

 

 

[معلومات العضو الدوسري هديان]

بيض الله وجهك يالنشمي وعلى غيرتك وهاذا ما عرف عن ابناء الدواسر الشرفاء
ما نقول الا حسبي الله عليهم دنيا واخره
وصدقني اخوي ما يسوي هاذا الشي الا ناس يحسون بالنقص
والا الرياجيل اللي عندهم حميه ونخوه ما يرضون بالتفرقه والمهازل والافتراء وقصص الف ليله وليله الملفقه
ابشرك ان كل شي معروف ومخبور ولو نجاريهم لاطلعت فضائحهم المعروفه عند الكل بما فيهم شايبهم ومشرفهم راعي السوابق المشينه
ولاكن ما منعنا الا حب القبيله والستر على خلقه
وفي الاخير لن يجني صاحب الموقع ومشرفينه الا الدعوات عليهم في جنح الليل ولن ينفعهم منتدى فتنة الدواسر عند العرض الاكبر ويمكن تصيبهم في دنياهم قبل آخرتهم

 

 

 

 

[معلومات العضو المنصا]

المشاركة الأصلية كتبت بواسطة أبونواف الدوسري

بارك الله فيك أخي المنصا على هذا الكلام الطيب...

حفظك الله ووفقك ورحم والديك...

تقبل تقديري وأحترامي ...

والله يبارك فيك والطيب والله اصلك واللي انت منهم

ووالديك عساهم في الجنه

 

 

 

 

[معلومات العضو المنصا]

المشاركة الأصلية كتبت بواسطة راشد المسعري

المنصا

اول شي اخوي ارحب فيك في محلك ومع اخوانك وأشكرك على هذا الموضوع الذي افتتحت به مشاركاتك معنا في هذا الصرح الشامخ بأعضائه( شرواك ) ، والذي يدل على ماتختزنه من حمية وحب غير مستغرب لأبناء عمومتك فبيض الله وجهك واالله يحييك في منتدى القبيلة الرسمي بشهادة جميع أمراء الدواسر دون استثناء ، والمنتدى مفتوح للجميع وليس لأحد دون أحد ولا نرضى بأن يكون فيه موضوع يمس أحد من أبناء القبيلة ، وإن كان هناك منتديات تحمل اسم القبيلة وهدفها إثارة الفتنة أو التحريض بين أبناء العمومة فنقول لعل الله أن يهديهم إن كانوا جهلة أو صغار سن وإن كانوا يدركون أنهم على خطأ فما نقول إلا ( حسبنا الله ونعم الوكيل ) والتمر لايخلو من الحشف.
لاهنت ياالمنصا وتقبل ودي وتقديري ،،،،

الله يبقيك يا راشد المسعري واشكرك على ترحيبك ولا استغربه منكم
والشكر لكم انتو عسا الله يطرح فيكم البركه وشرواكم الطيب
واللي مايحب بني عمه ولا له حميا عده عده الفنجال
والله يهدي باقي ربعنا والله يشرح صدورهم وينورها والفتن ماتجيب الا فتن اكبر منها
واشكرك على تفهم وتداخلك وعسا الله يطرح فيك البركه

 

 

 

 

[معلومات العضو المنصا]

المشاركة الأصلية كتبت بواسطة نجــــــــــديه

حياك الله اخوي المنصا
وموضوعك ممتاز وطرحك قيم
ويجزاك خير على تنبيه من يثيرون الفتنه
وياليت يكون مكان الموضوع في المنتدى العام لاطلاع الجميع عليه
تحياتي وتقديري
دمتم بخير

والبقا يا النجديه
والله يجزاس مثله ويبارك فيس
ورايس احترمه لكن انا اشوفه هنا افضل
ودمتي بخير

 

 

 

 

[معلومات العضو المنصا]

المشاركة الأصلية كتبت بواسطة الدوسري هديان

بيض الله وجهك يالنشمي وعلى غيرتك وهاذا ما عرف عن ابناء الدواسر الشرفاء
ما نقول الا حسبي الله عليهم دنيا واخره
وصدقني اخوي ما يسوي هاذا الشي الا ناس يحسون بالنقص
والا الرياجيل اللي عندهم حميه ونخوه ما يرضون بالتفرقه والمهازل والافتراء وقصص الف ليله وليله الملفقه
ابشرك ان كل شي معروف ومخبور ولو نجاريهم لاطلعت فضائحهم المعروفه عند الكل بما فيهم شايبهم ومشرفهم راعي السوابق المشينه
ولاكن ما منعنا الا حب القبيله والستر على خلقه
وفي الاخير لن يجني صاحب الموقع ومشرفينه الا الدعوات عليهم في جنح الليل ولن ينفعهم منتدى فتنة الدواسر عند العرض الاكبر ويمكن تصيبهم في دنياهم قبل آخرتهم

لا وانا اخوك لا ترد عليهم ولا تجاريهم وارفع نفسك عنهم يرتفع قدرك كبهم وانا اخوك
وتحسب لك وانا اخوك يوم منعت عمرك من الرد والردا
اما والله انها قويه صحيح والله معهم شايب ! الله يصلح النيه والله احسب انهم صغار
وقلت ماحسبوها اما بينهم شايب ويشوف ذا المواضيع ولا منعهم الله المستعان
والله يهدي صاحب الموقع ويهدينا جميع للصراط القويم
واما القصص والتلفيق وانا اخوك لو بنتكلم يبغالها مواضيع مهوب موضوع ولا رد لكن امتنع عن الردا مانيب قايل بخيره وشره لان كله شر ولا منه مصلوح .

وش حصلو ان كان بني عمهم يدعون عليهم هذا اللي حصلوه والله انهم ما عينو خير لكن ادعو الله يهديهم ولا تدعون عليهم افضل وابرك.

ويشهد الله اللي لا اله الا هو اني ما اعرفك ولا اعرف من انت منه الا ان كلامك يكمل على موضوعي .

والله يكفينا شر الفتن ما ظهر منها وما بطن

 

 

 

 

[معلومات العضو ابن شمسان البدراني]

لا هنت يابن العم وبيض الله وجهك على الكلام الأكثر من رائع

فأنت تعبر عن وجهة نظر ورأي جميع العقلاء من أبناء القبيلـة

وأحب أضيف على كلامك وأقول : والله العظيم إنـي وغـيـري

من أبناء العم ممن دخلوا مواقع ( فتنة الدواسر ) اللي ذكرت

إننا نشعر بالاشمئزاز والغثيان مـن الـكـلام الـمـكـتـوب فـيـهـا

والله إن الواحد لا شاف مثل هاك المواقع إنه يكره النت بكبره

وفـعــلا تـجـيــه ضــيــقــة صــدر مــا يــعــلــم بــهــا إلا الله ..

وهذا إن دل على شيء فإنما يدل على سوء الإدارة في تلـك

المواقع وضعف أو صـغـر سـن ونـقـص عـقـل مـن يـديـرهـا ..

وهذا الأمر يجعلك بصراحه تحمد الله وتشكـره عـلـى وجـود

مثل موقعنا هذا الذي تميز ليس عن مواقع الدواسر بل عـن

جميع المواقع القبلية .. وهذا كله بفضل الله ثم بفضل وجود

إدارة واعية عاقلة متميزة بكل المقـايـيـس وعـلـى رأسـهـم

الأستاذ وابن العم الغالي (( هـايـف الـعـمـانـي )) فلهم منـا

كل الـشـكـر والـتـقـديـر والـعـرفـان والله يـبـيـض وجـيـهـهـم

ويـــــــــــجـــــــــــزاهـــــــــــم كــــــــــل خــــــــــيــــــــــر



ومثل ما قالوا : ما يعرف النعمة إلا اللي فقدها ..

فمن أراد فليذهب ويشاهد تلك المواقع وعندها

سيعلم أننـا بـنـعـمـة عـظـيـمـة ولله الـحـمـد ..




لك مني أرق التحايا أخي الغالي : المنصا ،،،

 

 

 

 

[معلومات العضو حازب الووودعاني]

المنصاااااااا مرحبابك بينا

والحمد لله عالنعمه اللي حنا فيها

والشكر موصول الى ادارة المنتدى الكريمه

تتحياتتي

 

 

 

 

[معلومات العضو ابو زابن المسعري]

ارحب يالمنصا الله يحييك تحية المطر وعلمك غانم والله يبيض وجهك
واللي يسبب الفتنه اما صغير جاهل ولا ناقص عقل عسى الله يهديهم

 

 

 

 

[معلومات العضو فارس K.S.A]

وش تقول وش بتخلي وللمعلوميه ليس موقع واحد اكثر .
ووالله اني مثلك قلت اكيد انهم جهال ولكن والله فيهم كبار سن ولكن صغار عقول
يادافع البلا هل يظنون ان كتاباتهم بترفعهم ؟ اللي له فعل عرفوه الرجاجيل
واما اللي يعد فعله على الحكي فهو كما قال احد شعرا الدواسر
لا يغرك حكايا كل متمني * كن من بان فعله قبل منطوقه

 

 

 

 

[معلومات العضو المنصا]

اشكركم وبياض وجه لا عدمتكم والسموحه وكل واحد منكم يستاهل رد بحاله والله يصلح حالنا وحال ربعنا واكتفي بردودكم وموضوعي واذكر ابيات لشاعر من الدواسر وتكفي

استمع يا عريب الجد والخالي= في بيوت منقيها ومنشيها
يا جماعه ترا الجمعه لها حالي =والتفرق يخذل اللي سعا فيها

والله يجمعنا على كلمة عز والله يقطع وارد من سعا في الفتن

 

 

 

 

[معلومات العضو سليل زايد]

فل يخسا الجبناء