حروة القدر/رثائية

[معلومات العضو عبدالله الدوسري]

قصيدة رثاء في فقيد الخييلات و الدواسر عموما ،المرحوم بإذن الله راشد بن سعد الخييلي الدوسري و الذي وري الثرى في مدينة الجبيل صبيحة اليوم الثامن و العشرون من رمضان، غفر الله له و أسكنه فسيح جناته.

البارحه ما نمت من ضيقة الصّدر=طار الكرى و أركت علي الهمومي
ما تنومن سود الليالي من الغدر=سبحان من يعلم بغيب العلومي
مرحوم ياللي مات في حرْوَة القدر=هالوا عليه القبر دونه اردومي
ابو سعد غيره نجومٍ و هو بدر=جعله مجارٍ من لهيب السّمومي
من جاه في حاجه فزع له و لو سدر=في المقديه ما هي بحب الخشومي
مثل الجمل لا من بدا اللازم يهَدر=جعله فداه أهل النّفاق الرّخومي
يشرب من الصّافي و لا يقرب الكدر=ضاري على الطّوله و شدّ العزومي
يالله عساه بجنّة الخلد و الخِدر=و يعوضه الله في نعيمٍ يدومي
صلاة ربي عدّ ما غرّب و حدَر=على نبيّ من خطاه معصومي

 

 

 

 

[معلومات العضو العماني]

صح الله لسانك يابوصالح على هذه الأبيات المعبرّه ورحم الله راشد بن سعد الخييلي الدوسري واسكنه فسيح جناته وان شاء الله أنه من أهل الخير ، وخالص العزاء وعظيم المواساه لأسرة الفقيد وللدواسر عموم.

تقبل تحياتي،،

 

 

 

 

[معلومات العضو شافي القويسي المخاريم]

يالله عساه بجنّـة الخلـد و الخِـدر
و يعوضه الله فـي نعيـمٍ يدومـي


اللهم آمين


صح لسانك اخوي عبدالله

 

 

 

 

[معلومات العضو سالم بن صمهود]

صح الله لسانك يابوصالح على هذه الأبيات المعبرّه ورحم الله راشد بن سعد الخييلي الدوسري واسكنه فسيح جناته وان شاء الله أنه من أهل الخير ، وخالص العزاء وعظيم المواساه لأسرة الفقيد وللدواسر عموم.

 

 

 

 

[معلومات العضو بدر ابن نايف]

السلام عليكم


الله يرحمه ويسكنه فسيح الجنان ويلهمكم ويلهم اهله الصبر والسلون

وصح الله السانك

ولاهنت

 

 

 

 

[معلومات العضو تركي هذال بن نيف]

صح الله لسانك اخوي عبدالله

ورحم الله الفقيد واسكنه فسيح جناته

 

 

 

 

[معلومات العضو محمد الولامين]

الله يرحم الفقيد بواسع رحمته ويسكنه فسيح جناته

صح لسانك مليون عساك ماتهون يا عبدالله الدوسري

وبيض الله وجهك على ماقدمت

وعيدك مبارك