طبعها قدام ماترجع ورى !

[معلومات العضو نايف بن مسرع]

السـلام ورحمـة الله يالجـمـع الغفـيـر=عدّ ماواد ٍ مـن السيـل بامـر الله جـرى
والتحـيـة تنثـنـي للكبـيـر وللصغـيـر=كثـر مالـدّت وجيـهٍ تجـاه أطهـر ثـرى
والشهر مبروك... يالله عساه هـلال خيـر=جعل فيـه إلنـا عـن النـار ياربـي ذرى
وجعلنا ممن كسـب جائـزة ثلثـه الاخيـر=لاتزاحـم عنـد باب الغناويّ افـقـرا
وقفتي ذالليـل يالله عساهـا تكـون غيـر=لاحضـر فالسـوق بيـاع والاخـر شـرى
والشعر مافيـه رجـل ٍ كبيـر وذا صغيـر=كلبـو عكفـان الاشنـاب فالطيـب اخشـرا
التفاوت بينهـم... بـس فالبحـر الغزيـر=مايعومـه كـود سبـاح بامواجـه ضــرا
وماجهلت إن كل فارس معه سيـفٍ شطيـر=وادري إني شاعـر(ن) والرياجيـل اشعـرا
بـس أنـا لـي مهـرة ٍ فالملاقـا ماتنيـر=طبعهـا فـي مقـدم الخيـل ماترجـع ورى
في زمان ٍ كل من قال... قال: إنه جرير=وش بقى عندك من علوم ياوقت الـزرى ؟
إحترم شيبـة الادب لاتضاحـك بـه غريـر=ماخـذن السالفـة لعـب والسـاري سـرى
ودامنا ذالليـل جينـا علـى دعـوة سفيـر=للكرم والطيب والذوق... كان إلـه اسفـرا
مشعل إللي في سما المجد لـه بـدر ٍ منيـر=شيخته من شيخة إللي على يام أومرا
الأدب أيقـض لـه الله حييـن الضمـيـر=اكتست صحراه بازكـى الحلـل بعـد العـرا
والتحيـة فالنهايـة لهـا الجمـع الغفـيـر=من مشاعر دوسري ٍ على العليا ضرا
حفلةٍ عند المشاهير فـي اليـوم العسيـر=وكلبوكـم ياهـل المـدح فالمـدح اخشـرا

 

 

 

 

[معلومات العضو أبونواف الدوسري]

اللهم آمين

بارك الله فيك يا الغالي أبو عبدالعزيز

وفقك الله وسدد خطاك لما يحب ويرضى...

تقبل الله طاعتك...

 

 

 

 

[معلومات العضو المسعري]

والشعر مافيه رجل ٍ كبيـر وذا صغيـر=كلبو عكفان الاشناب فالطيـب اخشـرا
التفاوت بينهم... بس فالبحـر الغزيـر=مايعومه كـود سبـاح بامواجـه ضـرا
وماجهلت إن كل فارس معه سيفٍ شطير=وادري إني شاعر(ن) والرياجيل اشعـرا
بس أنا لـي مهـرة ٍ فالملاقـا ماتنيـر=طبعها في مقـدم الخيـل ماترجـع ورى

 

 

 

 

[معلومات العضو ابو فهد الغييثي]

صح السانك وعتلى شانك

قصيده في قمه الروعه

لاهنت على كل حال

تحيااااااااااااااتي

 

 

 

 

[معلومات العضو شافي القويسي المخاريم]

صح لسااااانك يا ابو عبدالعزيز
يعطيك العافيه على ما قدمته من جزل
تحيااااااتي

 

 

 

 

[معلومات العضو الحميدي الغريري]

أبوعبدالعزيز بيّض الله وجهك على هذه القصيدة الرائعة وفعلاً حضورك خلال ذلك الإحتفال كان مميّز كما إعتدنا عليك يا أبوعبدالعزيز من خلال هذه القصيدة والأخرى التي قلتها ، وفعلاً تستاهل التكريم من الشيخ مشعل بن حثلين (رئيس مجلس إدارة قناة الصحراء) خلال الإحتفال وتقبل فائق التقدير والإحترام أخوك : أبومحمــد،،

 

 

 

 

[معلومات العضو السيف دايـم]

والشعر مافيه رجل ٍ كبيـر وذا صغيـر كلبو عكفان الاشناب فالطيـب اخشـرا كفو والله وصح لسانك ملايين لاعدمناك

 

 

 

 

[معلومات العضو العماني]

الشاعر القدير بوعبدالعزيز

صح الله لسانك مدد مهوب عدد يالشامخ على القصيدة الرائعه والجزله

وبيض الله وجهك ولاهوب غريب عليك الابداع يابوعبدالعزيز فانت دائما تمتعنا بقصائد الجميلة

ويستاهل الشيخ ابن حثلين

تقبل تحياتي،،

 

 

 

 

[معلومات العضو راشد المسعري]

الأدب أيقض لـه الله حييـن الضميـر=اكتست صحراه بازكى الحلل بعد العـرا
والتحية فالنهايـة لهـا الجمـع الغفيـر=من مشاعر دوسري ٍ على العليا ضـرا
حفلةٍ عند المشاهير في اليـوم العسيـر=وكلبوكم ياهل المـدح فالمـدح اخشـرا

الشامخ صح لسانك يابو عبدالعزيز وخير من يمثلنا ، وشهادتي فيك مثل ماقال الشاعر المتميز عبدالعزيز الدلبحي(( شهادتي فيك داخل العناية المركزة ))). وعز الله أبدعت في حفل قناة الصحراء الأول والثاني مع بقية أخوانك الشعراء ، وفقكم ربي لخدمة هذا الموروث وصح لسانك مرة أخرى وتقبل مودتي وتقديري ،،،

 

 

 

 

[معلومات العضو نجــــــــــديه]

وكل عام وانت بخير
حي القصيد وراعيه
صح اللسانك مدد ماهو عدد
قصيده رائعه ووافيه من شاعر له حضور متالق اينما حل
وكما عودتنا بشعرك وإبداعك فليس بجديد عليك تلك الذائقه
دمت شامخاً تطرز القصيد بخيوط من ذهب

 

 

 

 

[معلومات العضو مشعل راشد الشايقي]

كل عام وانت بخير


بيض الله وجهك ياجزل على هذه القصيدة الراقيه



صح لسانك وعلا شانك



تقبل حضوري واعجابي


مع خالص التحية والتقدير

 

 

 

 

[معلومات العضو محمد الولامين]

شاعرنا نايف بن مسرع

صح لسانك

وبيض الله وجهك على ماقدمت من ابداع


ولا هنت على كل حال

 

 

 

 

[معلومات العضو شوق2]

	والتحية فالنهايـة لهـا الجمـع الغفيـر=من مشاعر دوسري ٍ على العليا ضـرا كفوووووووووووو يالشامخ والتحيه مثناة لك0 صح السانك ملياررررررر والله يزيدك من فضله 0 تقبل تحيتي وتقديري0

 

 

 

 

[معلومات العضو مبارك بن محيا الدوسري]

صح لساااااااااااااااااااااااااااانك


جزلة من أبو الجزلالالالالالالالالات




تحياتي و متابعتي

 

 

 

 

[معلومات العضو بنت الشايب]

صح لسانك يانايف

قصيده رائعه

دمت بود