دمــــــــــــــــــــــع القلـــــــــــــــــــــــمـ ..

[معلومات العضو الهجرس]

بسم الله الرحمن الرحيم

ايها الاحبه ..

هذي قصيده للشاعر: عبد الرحمن سعد الدوسري

احببت ان انقلهـــا لكم .. عسى ان تنال رضاكم ..

دمع القلم ينزف على خد الأوراق
.............. يكتب تفاصيل الوادع الحزينة
حيرة سهر غيرة قهر هم إرهاق
................علة شقى قلة لقى هم غبينة !
هذي حياتي من بعد هجر وفراق
................من شافني تمتم حزن ياعوينه
كلن رحم حالي عواذل وعشاق
............ وانتي يا اغلا الناس ما ترحمينه
ماهو بصدري بس من غيبتك ضاق
.................. حتى شوارع حيّنا والمدينة
من بعدها دنياي ماعاد تنطاق
...........وأصبحت لأحزاني وهمي رهينة
الفرح وشهو الفرح غير أبني العاق
...............وأشد صدمات الأبو من ضنينه
والحزن رجالٍ غثيثٍ ولزاق
................وذب الميانة حيل بيني وبينه
والحظ من صغري وأنا حظي معاق
............ يبغى الوقوف ولالقى من يعينه
والبعد قاضي حاكم بقطع الاعناق
..................والصد سيافة وأنتي عوينه
والشوق ناره تحرق ضلوعي احراق
.................. والذكريات الماضية بانزينه
والشعر لازاد الحزن صار معلاق
..............أخلع ثياب الحزن في راحتينه
أقطف من زهور الشعر كل مالاق
................... فلة وريحانه مع ياسمينه
وأسبح فبحره وآتعمق بالاعماق
.......... وأطلع وفي يدّي جواهر ثمينه
ويقول بعض الناس لك رب رزاق
................ يعوضك عن الحبيب وسنيه
وأقول له وآنا تخنق تخناق
............... وينه حل يالزين ياناس وينه
اللي جمع زينٍ على طيب الأخلاق
.............. ماغرته دنياه وأطغاه زينه
تجمعت من حوله آراء واذواق
.................. كلّن يأشر لالمحه بيدينه
سبحان ربٍ جامعٍ ليل وإشراق
......... الليل شعره والصبح في جبينه
وحمرة خدوده كنها حمرة أشفاق
.........والنحل يجني الشهد من شفتينه
ورموشه سهامٍ والاقواس الأحداق
............. كم فارسٍ أصبح ضحية لعينه
ولبيه ياخظنٍ يغرّقني إغراق
..................ولبيه ياعنقه وياخوختينه
غيره ليامن صد بألفين طقاق
...........ولاصد عذبني الخفوق وحنينه
الله يجازيهم غدى الدمع دفاق
........... وصحو بخفاقي جروحٍ دفينة
وش لون ما اشتاق لا والله أشتاق
......... شوق الصغير اللي فقد والدينه
خايف يطول البعد ويموت خفاق
.......... صرتي هواه وماه ياأكسجينه
وماينفعك لاألتفت الساق بالساق
............. تبكين من زود الندم والغبينه
وبهديك دمعة حزن في وسط الأوراق
.......... تحكي تفاصيل الوداع الحزينة .
وسلامتكم

 

 

 

 

[معلومات العضو شافي القويسي المخاريم]

صح لسان الشاعر عبدالرحمن

قصيده في غاية الروعه


الفراق والحب عذااااااااااااااااااب


لاهنت يا الهجرس على ما قدمته


تحيااااااااااااااااااتي

 

 

 

 

[معلومات العضو ابو فهد الغييثي]

الله يعطيك العافيه على القصيده الجزله وصح السانك

 

 

 

 

[معلومات العضو الهجرس]

شافي



لاهنت يالمنيعي على تشريفك لهذا المتصفح

دمت ودام عزك ..

هاه وش علوم الربع .. عسى كلش زين وانا خوك ..


تحيتي وتقديري

 

 

 

 

[معلومات العضو الهجرس]

ابو فهد الغييثي

الله يعافيك يا غالي


وصح بدنك

اشكرك على تنويرك هنا ...


الف شكر وتحيه