تغطية حفل الشيخ : عبد الله الفصام لقبيلتي البقوم والاشراف

[معلومات العضو حسن مسرع الدوسري]

أعد التقرير ونسقه وصوّر الحفل
الاستاذ : حسن مسرع الدوسري (المتشارالاعلامي للموقع)
الأستاذ : غازي المسعري (عضو الموقع)


إخواننا أعضاء وروّاد منتدى قبيلة الدواسر الرسمي
السلام عليكم ورحمة الله وبركاتة

يسرنا ان نقدم لكم التغطية الخاصة لموقع قبيلة الدواسر الرسمي للحفل الذي اقامة سعادة الشيخ / عبد الله بن فهاد الفصام وذلك لعدد من شيوخ واعيان قبيلتي البقوم والاشراف وذلك يوم الجمعة الموافق 1/6/1429هـ وذلك بمزرعته بوادي الدواسر وقد كان هناك تغطيات وتواجد اعلامي مكثف لقناة الواحة وقناة الصحراء ومنتدى قبيلة الدواسر الرسمي ومنتديات صوت الخليج الادبية (موقع الشاعر سلطان المسعري) وقد قدم الحفل الاستاذ : جابر صالح المسعري كما كان هناك حضورغفير


الشيخ : عبدالله بن فهاد الفصّام

حيث بدئ الحفل بأياتٍ من القران الكريم ثم القاء الشيخ عبدالله الفصام كلمة رحب فيها بالحضور وبعد ذالك توالت فقرات الحفل والتي اشتملت على قصائد ابدع 38 شاعرأ حيث بدا الشاعر سلطان ابن محسن ال ابو سباع الدوسري قصيدة نالت على استحسان الجميع حيث قال فيها [/COLOR]

بسم منهو على خلقه رقيب=رافعن سبعن سمكها بلا عمدانها
مرحبا ترحيبه العز واحلى من الحليب=برجال اهل الوفا اللي رفيعن شانها
مرحبا بلي لفا من بعيد من قريب=عد ما هلت قنوفن همل ودانها
في محل اللي بفعله يزيد الطيب طيب=مرحبا ترحيبه راجحٍ ميزانها
عند شيخا بالمسير يهلي مايغيب=ورايته بالطيب كل العرب يقرانها
ذاك ابو فها والمدح في مثله مصيب=المدايح فيه تطرق علي بيبانها
ذاك هو الفصام مخلص طليب من طليب=راعي الفزعات والناس ما ينسانها
عند عبد الله راعي الجود والراي الصليب=استو بدع المثايل وابتدى محيانها
استوى بدع المثايل وانصت يالبيب=واقبلت شرد القوارع وجبت اسمانها
نفتخر بحظوركم ليلة الحفل العجيب=يوم زانت فرصه غايبا شاطانها
شرفونا بزيارة هل الساس الرفيع=الرجال اهل الوفا اللي طوال ايمانها
البقوم اهل الفعايل منزحت الحريب=لا بةً تاريخها الي مظى برهانها
لا بةً تارد الموت الاحمر ماتهيب=في نها المعركة لشتبك دخامها
بالهنادي لمتطو سرج موميت السبيب=كم عقيدٍ راحو بهجمته يشعانها
مزبن الخايف الي من شكا حر الهيب=كالجبال اللي تذري بزود اكنانها
في اللقا تكسر شبا الضد وتعز الصحيب=وفي ليالي العسر تفرح بها ضيفانها
الكرم ويا الشجاعة مع النطق البيب=خصلة باهل الوفا من على جدانها
كل منهم بالنواميس له قدر ونصيب=يشترون الطيبة لو تزيد لثمانها
في فعايلهم يعجز المورخ والاديب=ما يوفي فعل قوم رفيع شانها
ذا وانا من لاد زايد مدلهت الغريب=لابتي بالسلم تاسم عصا جيرانها
لابتي يوم الحرايب مهديت الصعيب=لعتلو من فوق قب الرمك فرسانها
كم جريح من سببنا جروحه ماتطيب=ضربنا تدعيه الاعادي على عدوانها
يومها كانت قوامات وسبور ورقيب=في ذرانا الدار محدن طمع حدانانها
بالمشوك كم حرمنا حيب من حيب=وان لحقنا البل تعود على حيرانها
هل صخاف الشور لا من عوا ذيب لذيب=عزوة يوم الجهل ما قتضا ديانه
من زبنا طاب حظة وطلابه يخيب=نرخص الارواح دونه بقل اثمانها
دون نقص بالقبايل وكلن فيه طيب=وكل قوم راجح بالوفا ميزانها

بعدها القى الشاعر محمد ابن سيف الرجباني قصيدة قال فيها

يا هجوسي في القوافي تنقي واستمي=من خفوق شردها النادرة يفطلها
ساعديني يا هجوسي وهلتي واسلمي=والقوافي هلها يا لساني هلها
ابردي جاش على طيب المعنى ضمي=غيمه الشعر ابرقت ورعد زلزلها
نوها فكري اوادق مطرها من فمي=تبهج قلوب ومسامع مهيب اتبلها
مع هل الجزلات يعرف مقامي وعلمي=مهجتي زينات الا مثال مدهاللها
مرحبا ما لاح برق رعوده ترزمي=في ضيافت من تسموا المراجل كلها
عند فصامٍ خذ الطيب ما جاله سمي=سمعته بالمجد ترقى وهو كفولها
امدحه والمدح له من فعوله ينتمي=يوم ابو فهاد له وقفه في حلها
عاشق صعب المراجل وحاميها حمي=ومطرب قوم وقوم يذود غلها
ومرحبا ياروس قوم تعز وتكرمي=البقوم اللي على الطيب ميقافلها
يا بقوم الكم بالفعال حاظر وقدمي=في السنين الشهب يوم السنين وسلها
يفتخر واحدكم بالفعل لاقيل ابقمي=وتفخر اتربه وحظانها وضلعانلها
مرحبا باسم الدواسر وعند الحاتمي=ابلج من صار في ضيافته ما ملها
مرحبا ما حاج مكة ولبى واحرمي=بالحظور وزاد تشريفنا شوف لها
مرحبا للعود للزرق وبنٍ وشحمي=فعل عطران الشوارب وهو يفعل لها
وسط وادي مالكينه وكلٍ يعلمي=الدواسر هم حماته وهو وادي لها
قد كتب فيه الخلاوي كلام يفهمي=والجريسي والهلالي على وقت لها
فالفظاء بين النفايد يرحب بالضمي=سورة اللي تقمع الضد ما يصلها
الدواسر دون حده يخوضون الدمي=والقبايل وافيه ما نقص حق لها
هل جهام سود والغرس ليل مظلمي=والمهار اللي يسوق العدى دكلها
فوقها بمزرجات وسيف اصرمي=في الملاقا دون دق البكار وجلها
من خيار الشول زينات ني ومقدمي=والرقاب من النسانيس كنك تلها
طفح اللحيان وعراض خد وخشمي=تعجبك طول العرانين وسباللها
كنهن عروق غرس ظهر ما كممي=مع تقدم الاذن مع خراطيم لها
والجروم الوافيه والعظام الجسمي=والخفاف اللي من القاع دوب تشلها
زين شوف عنوقها والظهور الردمي=شمخ العرب ولا ينذكر عيز لها
والفحول اللي بالطراف قامت تزجمي=زينها لا جات تبرا مقاهير لها
زينها في خايع زاف جوه غيمي=في فياض جعل غر القنوف تعلها
من سحاب انساق بامر الكريم الاعظمي=من شين لجة رعوده بتسبحلها
كنه يقرا في طهاه الكتاب المحكمي=مدت زود مكاييل مكياللها
مردف لا قلت هدى شوي يحتمي=يرتفع نزه من القاع ويحول لها
لين يا خذ شهر ماشيف شمس ونجمي=رحمه ترجع بها الارض من محللها

بعد ذالك قال الشاعر / سعد فهي ال بريك الدوسري قصيدة رائعه قال فيها

اليا دن نجر القاف في راس ابن موطان=نخيت القصيد او قض الشعر شيطانه
قصيد يطول وجه راعيه بالميدان=ايشوش براسي لا تهيت لي لحانه
فليمن سمعتوني الشعر والتبيان=بتقولون دون شعور صح الله لسانه
اجيبه وانا واثق واحنه من النقصان=وانا عارف بان لفتى السانه احصانه
افوح دلاله داخل الصد وليا زان=اصبه بفنجال معانيه رويانه
فاذا دقت الساعة وقت الحمايا حان=وجا وجب ربوعي تعوصبت قيفانه
حظرت الحظور اللي يشرف رفيع الشان=حظور ينومس كل ربعي وله خانه
لاني اخو حمسا ولي وقفه ولي برهان=الا جيت جيت شاعر جا في محيانه
ورجلا ما ياقف دون ربعه ترا خسران=عليه الملام يساق من اقرب اخوانه
وانا دون ربعي كيف ما صهل صهيل حصان=ابرحب بزوار داري وضيفانه
اقول ارحبو يابقوم من صافي الوجدان=تراحيب تربع بنجد وخدانه
نيابه عن الفصام وربوعي الضفران=في وادي الدواسر وادي عرف سلطانه
هلا مرحبا لونكم منتم بضيفان= تراكم من اهل الدار ومن اهل سكانه
غلاكم هنا بالقلب كنه غلا الاخوان=اخوان بدين الله وبشرعه وبا حسانه
لانكم كفو يا بقوم والحق غصب يبان=ولان روسكم بالطيب والعز عمرانه
تواريخكم تحفل بما يروي الضميان=حفا كاتب التاريخ ما صك ديوانه
لكم مجد مبجل وتاريخ ما ينهان=مشيد على العليا اساسه وعمدانه
حديكم لو انه عاش عمره وهو فقران=ما يشحذ ولو يجوع حتى من اخوانه
وليا جاه ضيفه يكرمه والكريم معان=ولو يذبح من الجود للضيف ورعانه
كان المفاخر يمكم ساقت الركبان=وكان المديح لصوبكم حث ركبانه
ظهور السواني للتقا للظفر فرسان=وكل يبي يمنع دياره وعربانه
سهوم المنايا كل ما قفى الزمان وشان=وسيل النحا لاكلح الشر نيبانه
اذا جات عين بعين وانعقدت الحجان=يجون البقوم ا وحوش والروس طنخانه
قبيلة اليا اصتك المواجه على الحدان=ولا جت ساعة الصملة فلا هيب خسرانه
بهم حكمة العاقل اذا للعقل ميزان=وبهم فزة الصامل وبطشه وطغيانه
فيا مرحبا ترحيبة البدو بالبدوان=بها العود الازرق فاح عوده ودخانه
زيارتكم تشرف هل الوادي الشجعان=دواسر خذو من غبه العز مرجانه
لنا وقفه تذكر قبل عصر بن بدران=زبنا الدخيل وسلم من عثب خذلانه
هل الابل اسخاف الشول من سالف الازمان=حمينا الجهام بفظل ربي وبا مانه
اعصاه قساه نرفظ الضعف والخذلان=وسدنا بفظل الولي جل في شانه
سلامي على الفصام تسليمه الشيخان=ابن عمي اللي طوع المال واهانه
تقولون طنخة راس ولا سطر كرمان=تقولون به مثله حسى يا كبر شانه
شوفوا لزود يسعاله من الود والصفطان=وشو فو العز يرضخ له لان ربي اعانه
فإذا للفخر وجهه ومبدأ وله جدران = على الحرام انه من كبار جدانه
لانه معنز من خواله ومن العمان=طحاطيح قوماً حازوا المجد واركانه
ترا جده مفصم دروع العدا كحيلان=سبر للعدو لين العدو زادت احزانه
وقف عن خواله وقفه تبري الوجعان=مواقف شيخ لا اعتزا ضاعت اقرانه
فإذا احدا يبي يشوف الكرم في شكل انسان=يجيني ويسالني وبقول له عانه

بعدها ابدع الشاعر سلطان حسين المسعري بقصيدته التي نالت استحسان الجميع وتصفيق الجمهور

يالله يـا عالـم خفـا كـل مابهـا=دعوة بسيطـة مايضـرك جوابهـا
طالبك توفيقك وعفـوك ورحمتـك=لا وقفت العالـم بساعـة حسابهـا
ولا وانـا حـيِ ملكـت القناعـة=مـا غرنـي دنيـا سريـعِ ذهاهـا
يكفيني انـي بيـن ربعـي مقـدر=واقدم الحسنـا ولا ارجـي ثوابهـا
افخر بربعي مثل مـا تفتخـر بـي=اخضع لشايبهـا واقـدر شبابهـا
وما دامني شاعـر وامثـل قبيلـة=قبيلـة بيـن العـرب يندعابـهـا
وقدمت في حفلة طـوال اليمانـي=ربعي على حلو الليـال ومصابهـا
مطلوب امثلهم واصـون القصيـدة=والمبتـدأ بالله ليـا فتـح بابـهـا
عيبِ علـي لـن كـان ماجملتنـي=وعيبَ على ان كـان ماينحكابهـا
يوم اجتمعنا عند راعي النبأ الحسن=شوق الهنوف اللي تنقش اخضابها
عبدالله الفصام وان قلت ويش اقول=الشعر يقصـر والمعالـي رقابهـا
لو كثرت الهقوات ماهيـب تعجـزه=خـلا الرديـة والثمينـات جابهـا
دخل قلوب الناس بالصدق والوفـا=رايه حكيم...وكلمته فـي صوابهـا
بسمه هلا ترحيبةَ تجلـي العمـس=في سلمنا وسلم العـرب يبتدابهـا
يا مرحبـاَ ياللـي عنيتـو لدارنـا=وجموعكم يـا ربعنـا مرحبابهـا
اهـلا هـلا عـد ماتخظـر الديـر=واهلا وسهلا عـد بـدوِ رعابهـا
واهلا هـلا نعجـز وحنـا نقولهـا=يالابـة رووس القبايـل تهابـهـا
انتم لكم في صفحة الطيب مكتبـة=افعـال للتاريـخ كــل قرابـهـا
افعالكـم مثـل النجـوم المطـلـة=ومن تاه عن عسر الطريق اقتدابها
بقوم يـوم النـاس فيهـا وفيهـا=اسم وفعل ترقـا مراقـي سحابهـا
مكرمين الضيف والجـار والخـوي=سلمِ لكم وجدودكـم قـد مشابهـا
وتعرف فعايلكم ليـا ثـور الكـدم=لا ثـارت الهيجـا وزاد اشتبابهـا
تردون حوض الموت لاحان واجبه=والعديه الاولى مـع مـن عدابهـا
كم من هنوف فرقت عـن حبيبهـا=من فعلكم قامـت تشقـق ثيابهـا
وانتم فعايلكم مـا تحتـاج مدحـي=شعري قصـر ولا يوقـي نصابهـا
لنكم فعايلكم على النـاس ظاهـرة=وقصيدتي شمس طبيعـي غيابهـا
واقولها وانا على الطيـب والنقـا=دواسـر قـام الفخـر واحتفابهـا
يشهد وقت الجهل وسمـت العصـا=من شالها يبغـا النجـاة ونجابهـا
وتشهد لنا قصة جريـس اليمانـي=القصـة اللـي كـل حـي درابهـا
كم هجمه صدت وكم هجمـه لـنا=وكم روس قوم قام ينعـق غرابهـا
ما نذبح الا الشيخ في ساحت الوغى=لعيون سود مثـل نابـي هضابهـا
حامينـا بالسيـف ونـورد القنـا=ومن دونها الجدعان ترخص شبابها
نارد كما ابو زيـد والزيـر سالـم=وكليب والضربـة بشلفـا ذيابهـا
وكل القبايل ما نرخـص حقوقهـا=الله عطاهـا والسبايـب سعابهـا
في كل لابه حقهـا مـن رجالهـا=تحفي على درب المراجـل ركابهـا
ومن يفعل الناموس يعرف ويشتهر=والطيبة من حـظ منهـو سعابهـا
هذا وحنا اليوم فـي ديـرة الرخـا=ولابه عصبية عسـى مـا غدابهـا
في ظل اخو نورة ذرانـا حزامنـا=لا كشرت سـوت الليالـي بنابهـا
عبد الله ابو متعـب اللـي رقابنـا=في قمة كـل الـدول مـا رقابهـا
جزاه عنـا الخيـر دنيـا واخـرة=حيثه تعب في دولتـه واعتنابهـا
هـا لشعبـه مـا يوفـر سعادتـه=وحقق لشعبه مفخرة مـا حلمابهـا
الله يديمـه ذخـر ويديـم نايـبـه=سلطان سعد اللي شكت من عذابها
هداج تيمـا مـا تعـدد وصايفـه=فارج كروب الناس معتـق رقابهـا
غلاه في قلـب الصغيـر وشايبـه=كم دعوة له في الظـلام الهجابهـا
ولابد نذكر في المدح راعي المـدح=اللي سكن في نجد وانـو ترابهـا
سلمان راعي المجد تكفيك نظرتـه=عين الحرار اللي تشوف العشا بها
سيف العدالت فيه من كـل ميـزه=وكل المزايا سيـدي خصنـا بهـا
الله يديم اخوان نورة علـى الحكـم=شجرة وفا ما خاب منهو التجابهـا
الله ينصرهـم علـى كـل معتـدي=والله يخـرب نيـه اللـي نوابهـا
واختامها صلو عدد رايـح الهـوى=علـى نبـي سيرتـه يحتذابـهـا

كما القى الشاعر الشاب : جهز بن شجاع المسعري قصيدته التاليه:

ارحبو ياطيور شلوى قبل قول السلام=ارحبو ترحيبة مزحها من جدها
مرحباً حياكم الله عدد وبل الغمام=من هجوسٍ ساقها الشوق لقصا حدها
في محل ابو فهاد خيال الجهام=اتشرف بالتراحيب يوم اعدها
في محل اللي بوسطة ميانة واحترام=من كرم راعيه كفي كريم ٍ مدها
والرجال الهام مواقف وكلٍ له مقام=وقفتي تمثيل ربعي وراسي قدها
شاعرٍ موهوب وازها المواقيف الجسام=وادحم القوم والنايبات اسدها
ون بغيت الشعر بارد مواريد الحيام=في بحورٍ عارفٍ جزرها من مدها
والشعر مثل الفشق والفشق ملى الحزام=والمشاعر من ولها تبيح بسدها
والقريحة هاضت اليوم بالمعنى شمام=وقالت الضيفان ياعشها ياغدها
ليلة تجمع هل العرف مافيها ضلام=بالفرح نور سماها وشعشع خدها
مرحبا ترحيبة اكرام بالناس الكرام=عد ماهبت هبوب وذعذع ندها
مرحبا يا اهل الفعايل رفيعين المقام=يا بقوم من على الماضيات نودها
ياحرار كسبت العز لنفسها مرام=يوم لنفس كل نفس على ماودها
يابقوم قبل هذا حلال وذا حرام=كل ماعدت زحول الرجال نعدها
نفتخر فيكم وحنا لكم درع وحزام=يوم دورات الليالي وقسوه شدها
بيننا خوة ورفقة وعهد ما يظام=خوة اللي لا بركت به خويه ردها
كلبونا من خناذف ولا فيها كلام=جمع ورده خزاها على مرتدها
انتفرق في الرخا ونتجمع في الزحام=ون وقفنا للمصايب لعنا جدها
نقلب الدنا بساعة ليا ثار العسام=لعتلينا كل قب ٍ نينومس هدها
مثل ما قمنا على الترك في يوم الصيام=يوم نودي في الخناذف وزعزع جدها
احتظرناها لعيون زاهيه الوشام=كل شلفا من غضبنا ملينا حدها
لين قيل الطق في جثه الميت حرام=وبينت بيض المواقيف من مسودها
ذي فعايلنا وصولاتنا في كل عام=قبل لا شبه الجزيرة يرسم حدها
وبعد ما جاها معزي وطوقها السلام=كلبونا جند دولة وضد لضدها
نرحم الايتام وندق خشمٍ به عرام=والعيون لعليات النجوم نلدها
شعب واحد مانحب الخيانه والملام=مثل يمنا ما خطرها بيلمس خدها
غرب ولا شرق ولا يمين ولا بشام=طاعة ال سعود لابدها لابدها
لهم يزيد الولا ما ينقص كيلو جرام=تشهد افراد المناطق وروس اعمدها
تحت رايتهم ونمشي بقانون النظام=والمعلية راسها ما يعض بدها
في الرخا نمشي وكلن على ماهو يرام=-والروابع والمزاجات ما نحتدها
مير لا كبرت وجا في بعض الاريا عسام=شدها الا خلها الا خلها الاشدها
راي ابو متعب كما السيف بتار العظام=قمه صعب العبايب تعجز تهدها
حاكم ثبت شداده على ظهر السنام=واحتمى صعب المشاكل وحل اعقدها
وحن كما صف المصلين والقايد الامام=و ي ركعه يبو متعب تبيها بدها
والله إنا معك من الامام اليا الامام=سربة تقضى على الجمع لا جا ندها
وان طلع فينا منافق وخوان خمام=صف اهل الاسلام ما مثله مرتدها
نجزره في السوق ولا لعله لرحام=مثل جزر الشاه لا وسدوها يدها
والختام اقول يالله في مسك الختام=جعل نفسي من الخطايا سريع صدها
يا صلاة الله على وجه من دل الانام=للهدا من عقب ما هوب ضايع كدها

كما القى الشاعر : معيوف بن مبارك ال بو سباع قصيده حازت على استحسان الجميع

بعدها ابدع الشاعر : فهد بن هادي الخظراني في قصيده جزله نالت استحسان الجميع

كما شارك كل من الشعار في الحفل:

محمد بن محي البقمي
مبارك سعيد الغامدي
شبيب مشرع البقمي
عايض سفير البقمي
على بن قيقان العنزي
مرزوق بن غازي السلمي
سعد بن خالد الحربي
شباب بن ذياب السبيعي
علوش بن بجاد البقمي
ناصر بن على الجعيدي

صور من الحفل










من اليمين الشيخ عبد الله الفصام وجانبه مقدم الحفل جابر المسعري والمشرف للحفل الاستاذ : عقاب بن سلمان بن قويد(نائب المدير العام لقناة الواحة)

وفي الختام نتمنى ان تكون هذه التغطيه نالت على استحاسنكم واعجابكم

ونتمنى لكم التوفيق

 

 

 

 

[معلومات العضو فيصل بن جزاء]

الاعلامي حسن بن مسرع الدوسري

بيض الله وجهك على نقل احداث الحفل الكبير

وبيض الله وجه الشيخ عبدالله الفصام وشعراء الحفل جميع

ويستاهلون البقوووم والاشرااف

لاهنت والله يعطيك العافيه

 

 

 

 

[معلومات العضو ابو زابن المسعري]

بيض الله وجه ابو فهاد ويستاهلون شيوخ واعيان قبيلتي البقوم والاشراف

وبيض الله وجه الاستاذ : حسن مسرع الدوسري (المتشارالاعلامي للموقع)
والأستاذ : غازي المسعري (عضو الموقع)

 

 

 

 

[معلومات العضو حسن مسرع الدوسري]

ارحب يبو جزاء
لاهنت وبيض الله وجهك
تقبل مودتي

 

 

 

 

[معلومات العضو حسن مسرع الدوسري]

ابو زابن المسعري
اررررررررحب
لقد شرفتناء بمرورك
مودتي

 

 

 

 

[معلومات العضو جهز المسعري]

حسن مسرع لاهنت على التغطيه وبيض الله جهك ودايما مبدع يابو فيصل

وشكر خاص لشيخ عبدالله الفصام اللي مواقيفه تشرف بني عمه وتنومسهم جعله فالوجود


تحياتي

 

 

 

 

[معلومات العضو @الجابر@]

الله يعطيك العافية يابو مسرع على التغطية الجميلة

وكذلك الشكر موصول للأخ غازي المسعري

 

 

 

 

[معلومات العضو ناصر الفرجان]

اشكرك اخي حسن مسرع ولله لايهينك ع النقل ولله يطول عمر الشيخ عبد لله الفصام


و بيض وجيه شعارنا المبدعين بصراحه قصايد جزله من جزلين

كلبونا من خناذف ولافيها كلام - جمع ورده خزاها على مرتدها
انتفرق فرخا ونتجمع فزحام --- ونوقفنا للمصايب لعنا جدها

صح السانك اخوي جهز المسعري والسنه الشعار جميع ولو اكتب كل بيت يعجبني كتبت قصايدكم كلها

 

 

 

 

[معلومات العضو شالح المساعره]

اشكرك اخوي حسن وبيض الله وجهك ووجه الشيخ ابو فهاد

 

 

 

 

[معلومات العضو محمد القباني]

شكرررررررررررررررررررررررررررررررررا



جزيلا

يابو سعود جعلك فالوجو لاهنت ولاهان ابو فهاد واشكر اخواني الشعر على ماقدموه

 

 

 

 

[معلومات العضو راشد المسعري]

بيضك الله وجهك اخوي ابو سعود على هذا النقل الرائع ونشكرك على هذا الجهد الذي تقوم به ، وكل الشكر والتقدير للشيخ عبدالله بن فهاد الفصام على إقامة هذا الحفل وتكريم الأجناب والقيام بواجبهم وعادة ابو فهاد دايماً يرفع روسنا ويكفي ويوفي.وصح الله السنة الشعراء الكرام على قصائدهم المميزة.

 

 

 

 

[معلومات العضو حسن مسرع الدوسري]

جهز المسعري
لاهنت ع المرور
كل الود

 

 

 

 

[معلومات العضو حسن مسرع الدوسري]

الجابر
بيض الله وجهك والله لا يهينك ع المرور
مودتي

 

 

 

 

[معلومات العضو حسن مسرع الدوسري]

ناصر الفرجان
شكرأ ع المرور
لاهنت

 

 

 

 

[معلومات العضو حسن مسرع الدوسري]

الاخ شالح المسعري
لاهنت يالغالي ع المرور
شكرأ