هية خريص

[معلومات العضو أصمعي الدواسر]

السلام عليكم ورحمة الله وبركاته

خريص عد ماء معروف ، وهو أحد الموراد المشهورة للغييثات من الدواسر ،وفي وفي احد السنين ورد قوم من عتيبه على خريص وكان أمير خريص من قبل الدولة السعودية أنذاك منهم واسمه (شالح) وكان قد شجعهم على النزول على خريص والتحرش بأهلها فوردوا على الماء وكان عنده امرأة من الغييثات اسمها (نويّر) فقاموا أولائك القوم بكب قرب الماء اللي معها وطرحوا الصملان وطردوها من الماء فبكت البنت وصاحت واستنجدت بالغييثات .

فهبوا ابناء الغييثات القريبين منهم وصارت معركة بين الطرفين انتهت بهزيمة القوم المعتدين بقتل عدد رجال منهم وتصويب الكثيرين وطردهم من خريص.

وقد شهد هذه الهية الفارس المعروف الشيخ ناصر بن سرحان بن منيخر آل سفران العجمي (أبو كروز) رحمة الله عليه من قبيلة العجمان



الشيخ والفارس المعروف ناصر بن سرحان




ناصر بن سرحان يشرح للملك فيصل وقائع هية خريص وبادي على الملك الفرح بانتصار الغييثات.(*)



ناصر بن سرحان مع الأمير سلمان بن عبدالعزيز


فأنشد هذه القصيدة بعدما رأى ما فعله الغييثات في الأعداء اثناء المعركة.منها

ليل(ن) على (العتبان)ياليـل النـدم=ماجنبـت قوادهـا اللـي يقودهـا
صوّت ((ابن غياث)) وجو لداعيهم =وقاموا من دلالٍ كل مدغوش ٍ يرودها
روحوا (بالعتبان) صارت كسيره =قحطان والعجمان دونك من شهودها
هذا كلـه لعينـا مـزادت ( نويـّر)=وذا شرع من زار العرب بحدودها
كله لعينا صبيحا والجوف=واللي تبين من عاريات نفودها
ولا لعينا صفرا ً يوم درهمت=.اللي ما تعاين مفرودها
جلدهـم (الجـلادي) فـي مركـاظـه=مايعرف لوحهـا مـن عمودهـا
ما عاد لهم ثاير كود( شالح) =جوده على براميل ٍ علقة بعمودها
فرضاتة (ابن نويب) في المعوثه خلي =على بركة ٍ محظورة ٍ بورودها
فالمح لاد (بن غياث )في اللقاء =ربع ٍ من على الجدود تبعد حدودها
عن المهاة اللـي تقـود الجميلـة=ياشيب عيني من محاجر خدودهـا
ياللي تجون القريني عندي موتـر=مع ذودنا خمسين فـي معدودهـا
اما يعطيني شيمة العرب للعـرب=ولد حسين وفارس(ن) من اسودها
وان كـان لامعطـي ولا بـايـع=فالله يقرب رمتـه مـن لحودها
اقولها وانا من قبيلة =طرح الرجال دايمٍٍ ما يكودها

وعندما وصل خبر النصر لعبدالله بن مسفر آل عويفي الغييثات انشد قصيدة مطلعها :ـ

يوم ليل خريص نعماً بربعي في لقاه = عزه الله ليلتا شاع ذكر اخبارها
يوم دبر (شالح) شاف شي ما هواه= فزعته يم الاساتك يبي نثارها
لا وزانا مجرم توسم عصاه =عزه الله بدنتاً ما يعارض جارها
هيه ياللي نهده صغيراً في حشاه= اطمحي للي يحتمل لأشرارها

وللأسف لا يحظرني باقيها.

وعندما اتى الخبر للشيخ بداح الحطيم امير آل سلمة من الغييثات انشد هذه القصيدة:

اول كلامي قلت ياذكر الله=منشي على الخد الحيال اخيال
البارحه ماذاقت النوم عيني=من واهجاًوسط الحشى يجتال
من هيتاًتذكر على الجوبيه =قاموا ارجالٍ في وجيه ارجال
وانا احمد الله زين الله نومي =منيوم جاب العلم ابن طلال
يقول سربة لابتك نعماً بهم =في وردهم خمسة عشر رجال
يوم اعترضهم بادي وحسن =وحضرت اعيال ٍ كلهم جهال
حطوا على (( العتبان)) ليلاً مشمعل= وراح (( )) معتليه جفال
من ضربنا الكرناف همل فرده=من ضرب ربعي لطامة العال
لومي على اللي حاضراً ماجاهم=ودك يعدا منه الفنجال
وش عذرهم يوم صاحت(( نوير ))=ودموعها وسط الروي همال
تزهم بني عم ٍ غياباً كلهم = وتقول يالظفران وش ذالحال
((غييثات)) ياسعد من هم ربعه=لاجا نهار فيه قصف اجال
((غييثات)) يا ويل منهم ضده =طريحهم مايقوم كود ايشال
هذا ويدله بنا قصيرنا =عيناً فراشً له وعيناً ضلال
وياما زبن في وسطنا من مجرم =يرقد هنيناً عقب ماهو ذال
وياما عثر في وردنا من سابق =والاراعيها من ظهرها مال
وياما رتع في سدنا من هجمه =وانا ذراً لها من شمال
ولامن ذكر وسميةً في خوفه =بين القبايل مالها نزال
شدوا لها ربعي مشيراً مشيرهم =في وسطهم ماتسمع العذال
بين (المطيري) هو و(اليامي) ننزل =ونلطم شباة الشره لامن عال
ونركد الا رد البرا عميلنا =في يمته يندر نشير المال
تمة وصلى الله على سيد البشر=على محمد صفوة الازوال]

واسمحولي على القصور، وشكر خاص لمحمد آل نصار وابوجفان على التوجيه والتصحيح.

(*) ترى اللي تحت الصورة من عندي والدعوة مزح لا أحد يصدق.

منقول من العماني

 

 

 

 

[معلومات العضو الـخـيـيـلـي]

صوّت ((ابن غياث)) وجو لداعيهـم
وقاموا من دلالٍ كل مدغوش ٍ يرودها
روحوا (بالعتبان) صـارت كسيـره
قحطان والعجمان دونك من شهودها
هذا كلـه لعينـا مـزادت ( نويّـر)
وذا شرع من زار العرب بحدودهـا


كفوووووووو والله بالغييثات


((غييثات)) ياسعد من هـم ربعـه
لاجـا نهـار فيـه قصـف اجـال
((غييثات)) يا ويـل منهـم ضـده
طريحهـم مايقـوم كـود ايشـال


لا هنت يا اصعمي الدواسر

 

 

 

 

[معلومات العضو تركي ال فنيس]

كفوووووووووووووووووو بالغييثات والف نعم فيهم ماتوفيهم حقهم واشكرك يالاصمعي الدواسر

 

 

 

 

[معلومات العضو ابن غياث]

يانعم والله ياصلايب جدي
لاهنت يااصمعي على ذا الموضوع والشكر موصول للخييلي وتركي الودعاني

 

 

 

 

[معلومات العضو عبدالله الشكري]

ونعم والله بالغيثات
وعز الله انه مفخره للدواسر كلهم

ولاهنت ياصمعي الدواسر وماقصرت على النقل
ولاهنت يالعماني وبيض الله وجهك


اخوك
عبدالله الشكري

 

 

 

 

[معلومات العضو ابن محمد الودعاني]

ومليون نعم بترثة صهيب وبني عمنا الغيثات ولاهيب غل\ريبة عليهم

والله لايهينك يالاصمعي ولايهين العماني على جهده

 

 

 

 

[معلومات العضو العماني]

لاهنت اخوي الأصمعي على نقل هذه المعركة

 

 

 

 

[معلومات العضو النجم الهاوي]

((غييثات)) ياسعد من هـم ربعـه =لاجـا نهـار فيـه قصـف اجـال
((غييثات)) يا ويـل منهـم ضـده =طريحهـم مايقـوم كـود ايشـال


كفووووو والنعم فيهم

مشكوووور على المشاركه الطيبه وعن قصة هيه خريص

وعلى توثيقها بالابيااااااااااات وكذلك بالصوووور


لاهنت وبيض الله وجهك

 

 

 

 

[معلومات العضو ابو زيد الغييثي]

لاهنت يالصمعي ويسلم غاليك يالقرم

 

 

 

 

[معلومات العضو أصمعي الدواسر]

لااااااااهنتوا يا عصابة راسي على المررررور المشرف

 

 

 

 

[معلومات العضو سالم]

الحمد لله أن رجع للغيثات عدهم و رزقهم

الملاحظ أن المسألة اذا دخل فيها النخوة و استنجاد النساء للقبيلة فان النصر حليفهم أو الموت

قبل كم سنة كانت المعركة؟ وكم عدد القتلى؟؟وكيف كانت طريقتهم في القتال؟؟

أنا جعيدي و إن كنت أكاديمي ولكن يهمني جداً ذلك..

 

 

 

 

[معلومات العضو الشكري]

( والغييثات بندقهم على الشيوخ ماموره )


اصمعي الدواسر


عساك على القوه وبيض الله وجهك


وجعلك تسلم

 

 

 

 

[معلومات العضو سالم]

يبدو أنني غير مرحّب بي

 

 

 

 

[معلومات العضو العماني]

بالعكس اخوي سالم الا مرحب بك بس يمكن الاخ اصمعي الدواسر ما شاف ردك

تقبل تحياتي،،

 

 

 

 

[معلومات العضو الناشب]

اصمعي الدواسر ترا الغييثات علومهم تهول

بيض الله وجهك


الي سالم
ترا السالفه معروفه وانت وش
قصدك يوم تنشد قبل كم سنه وكيف طريقتهم وكم عدد القتلا
ترا الرجال جاب لك شهادة السفراني وقصدته وجاب لك قصيدة عبد الله بن سفر
وجاب لك قصيدة بن الحطيم

وش رايك تنشد بعد وش اسامي اللي ماتو ويش كانو لابسين
وش اشكالهم وهم اطوال ولا اقصار

اقول يا سالم لا تشكك في علوم بني عمنا
والغييثات اعلومهم اكبر من ذي بعد
واذا عندك تشكيك في علوم ربعنا مالك محل عندنا
وطريقة اسالتك فيها تشكيك
ولا تشكك في علم ربعنا
وسلام