يا الدواسر سبيع تنخاكم ... تكفون يالآد زايد تكفون

[معلومات العضو الدواسر والفراعنه]

يا الآد زايد تكفون
سبيع تنخاكم يا خطلان الأيدي ..

يازين فعلٍ يالدواسر فعلتوه = فعلٍ سبقتوا فيه كل القبايل
حتى لو ان الناس بعدين سووه = انتم هله من قبل وانتم الأوايل
قلتوا كلامٍ للضيوف وحميتوه = وعاداتكم بالضيف فعل الجمايل
يوم المزاين بينكم ما احتكرتوه = ما عودوا ضيفانكم بالفشايل
من كان معه مشاركه مامنعتوه = ما قيل ذا واجد وذولي قلايل
بينتوا العلم الجميل ورفعتوه = للي يحسب ادقاقها والجلايل
تستاهلون الطيب ياللي عملتوه = ويفوز بالطالات من كل طايل
ماهمكم مال العناء لو جمعتوه = ماباقي إلا الفعل والمال زايل
هذا طريقٍ للشامى رسمتوه = إلا الذي سلمه عن الطيب مايل
قررتوا الدرب الصحيح وفرضتوه = مثل القلايد في رقاب الأصايل

تكفون يا الدواسر
لنا معكم مواقف طيبه وفزعه وعلوم رجال ماتنسي من اول وتالي
وناصر الفراعنه السبيعي شاعر له مكانته الكبيره في قلوبكم وقلوب شعراءكم
ويكفي مادار بينه وبين الشاعر الكبير / خالد بن مدعث الخرفاني الدوسري من مساجلات ورفقه وحب واحترام .
يقول ناصر :

لا وربي ما نقلنا السيف ابو حدّين بطْرة"=كود لعيون الصبيّ الدوسري نطعم شباها

نبغى وقفتكم وترشيحكم لناصر
وناصر شاعر الجميع ولاهو بمحصور على قبيلة سبيع .

وفوزه فوز للقبايل كلها وللوطن كله

تكفون

 

 

 

 

[معلومات العضو عبدالرحمن النتيفات]

ناصر الفراعنه شاعر له مكانه كبيره في قلوبنا

وابشر بالسعد....

غالي والطلب رخيص

 

 

 

 

[معلومات العضو ابو زيد الغييثي]

ابشر باللي يسركـ ويسر ابو فــارس رغم

تأكدنا من عدم نزاهة هذه اللجنه

ولكن لبو فـارس مكانه خاصه عند الدواسر

واتمنى اخي ان تطلع على شريط التصويت لقناة شاعر المليون

سوف تجد الدواسر معكم قلبا ً وقالبا ً

 

 

 

 

[معلومات العضو عبدالعزيز عبدالرحمن الفوزان]

يستاهل أبوفارس شاعر محارب من الأعلام من أول ظهوره ولكن فرض نفسه بقوة شعره وغزير ثقافته

 

 

 

 

[معلومات العضو الدواسر والفراعنه]

ياعساني ما ابكيكم واحد واحد صغير وكبير
والله العظيم اني سبيعي واغلي الدواسر ولنا نسابة معهم قويه ورفقة من قديم الوقت
وبيننا مواقف الكل يحسدنا عليها

والله العظيم ما اقولها إلا صدق وبحق وحقيقه

صدق من قال انكم خطلان الأيدي ومحزم فالشدايد يا الدواسر

 

 

 

 

[معلومات العضو ابو زابن المسعري]

الاخ العزيز الدواســـر والفراعــــــنه ارحب تراحيب المطر مرحبا والله ومسهلا ابوفارس شاعر جزل مافيه كلام ومن قبيلة غاليه علينا طيب ليش مانصوت له؟؟؟ الا ان شاءالله بنصوت له والله انه يستاهل وابشر بعزك انت واياه ,

 

 

 

 

[معلومات العضو إبن دوسر]

يستاااهل ابو فارس ,, هذاك الشاعر الجزل الحقيقي !!
مافي قصيدة ماكتبتها ألا وامتعتنا بمعانيها وجرسها الموسيقي !!
ابشرر ياخوي بعزك , وان شاء الله ان البيرق له , هو من يستحقه !!
وياهلا بك بين اخوانك الدواسر ,, يشرفنا تواجدك بيننا يالقرم ,,
لا هنت يالغالي على كل حال ,,

 

 

 

 

[معلومات العضو ابن حنيش الودعاني]

تكفون يا الدواسر
لنا معكم مواقف طيبه وفزعه وعلوم رجال ماتنسي من اول وتالي !!!!!!!!!!!!!!!!!!!!
الشاعر ناصر الفراعنه شاعر سواء خذا المليون والا ماخذاه

ومواقفكم طيبه ولا غريبه منكم لكن لا تقارن العلوم الاوله في هالبرنامج الذي هدفه
مادي 100% وعلومكم طيبه معنا وعلومنا اطيب
تقبل تحياتي

 

 

 

 

[معلومات العضو مبارك الخييلي]

نسئل الله له التوفيق والسداد أن كان في ذلك خيراً له


والله يوفقه في الحلقة القادمة


لاهنت وبيض الله وجهك


وفعولنا وفعولكم لها تاريخاً يشهد


جعل يمينك دايم الدوم سالمة


تقبل شكري والتقدير

 

 

 

 

[معلومات العضو صاحب السمو]

\ / ابشـــــــــــــــــــــــــــــــــروا بالسعد يا سبيـــــــــــــــــع \ /

 

 

 

 

[معلومات العضو ابن زايد]

ابشروا بالسعد يالغلبا وابو فارس يستاهل الحر

 

 

 

 

[معلومات العضو كفى]

أبو فارس يستاهل البيرق
مع اني تميمية وأتمنى فوز الشبرمي
بس من استفزع بخوالي يبشر بسعده

 

 

 

 

[معلومات العضو فهد بن مبارك الودعاني]

أبشر و الله بالسعد

لأتزهمنا و أنا أخوكـ و لأ شيئ.

أبو فارس مصوتله أنا بنفسي قبل بداية البرنامج

وفوزهـ كا فوز واحد من قبيلتنا يالغالي.

وماطلبت شيئ و أنا أخوكـ..

أرق سنووووووووود و لأ يهمكـ يالسبيعي.


لــكــم كــل الأحــتــرام و الــتــقــديــر....

 

 

 

 

[معلومات العضو فديت الدواسر]

والله بدون لاتقول يا السبيعي

انا من ناحيتي مصوت لناصر اكثر من مره لانه شاعر جزل

بس ن شاء الله ان الجنه تكون منصفه في درجاتها

 

 

 

 

[معلومات العضو ولد ودعان]

يستاهل والله ابو فارس ويبشر بالسعد وفعلا هو الذي يستحق شاعر المليون بكل جداره