يالله ياوالــي على كل والـــي&&

[معلومات العضو فالح بن فهاد]

يــــــــا الله يا والي على كل والي=يا خير من يدعا لكشف الجليله
المالك المعبود محصي الرمــــالي=الكون والدنيا وما به فهي له
ما كان أول له وما كان تالي=ملكه يدير به على ما يجي له
يقضي ويمضي قـــادر ما يبالي=والخلق ما تفعل بلا امره فعيله
ما له شريك جلَّ فوق متعالي=علمه أحاط ابدقها والجليله
أشهد فلا غيره إلـــــــه ولا لي=ربٍّ سواه أخشاه وأرجي لنيله
يا واحدٍ فوق السموات عالي= من سطوته كلَّ الخلايق ذليله
يا فارج الشده بضيق الحوالي=إفرج لعبدك يا منجي خليله
وانظر بعينك يا با الافراج حالي=فرد غريب والمصافي قليله
وحيد مالي غير ظلك ظلالي=ذليل مالي غير عزك وسيله
يا راحم أرحم شيبتي وأنخذالي=يا جابر اجبر عثرتي والفشيله
والطف وناظر يالولي في سؤالي=لا تواخذني فيما مضى لي من فعيله
لا اخوان لا عمان لا من خوالي=ولا من صديق في الورى نشتكيله
لو كان ما يجلى سوا الله جالي=ما شفت عبد هرجته لي جميله
تقطعت وذم العرى والمدالي=من جملة الخلان والمستخيله
وقضيت من المخلوق ما حد بقالي= إلا انت يا للي ما يخلي عميله
عادوني كل الناس شرق وشمالي=ولا بقا غيرك ذرا ألتجي له
شافوني مذلول ٍ وحيدٍ لحالي=ولا لي من الفزعات مومي شليله
وأنا بعون الله امتانٍ احبالي=متجودٍ بحبال منشي المضيله
لو كان كل ٍ له صديق اموالي=اقراب واخوان واللي قبيله
أنا لي اللي زابنه ما يسالي=جزل العطا مبري الجسوم العليله
إلى دعو حبانهم فز بالي=رفعت طرفي له وقمت أشتكي له
ويلا تنادو بينهم للنوالي=ناديت باسمك يا منشي المخيله
ومن لا ذبك ما صار بالضيق تالي=يصير الاول ولو كانت أعظامه هزيله
ونا دخيلك يا عزيز الجلالي=حاشا كرم جودك يضيع عميله
بريت من غيرك بحالي ومالي=وزبنت أنا بحماك عن كل ميله
من شر خلقك لا يذ بك ولا لي=غيرك ملاذٍ شامخٍ ينعي له
يا رب مالي غير جدواك والي=ون كان خليتن فلا لي عقيله
يا عالم بالمخطيه والعدالي=تشوف مالي غير عدلك وسيله
فلا تواخذني بما ضي فعالي=ياساتر العورات مضفي جميله
لو كان ذنبي راجح بالجبالي=عفوك عظيم ليس ذنبي عديله
أطلبك تقبل توبتي عن خمالي=واطلبك عني كل كرب تزيله
واطلبك تغفر لي وتصلح اعمالي=يا مزبن الخايف إلى باد حيله
مولاي لا منجا ولا ماتجا لي= إلا انت ياللي ما يذير نزيله
يا فزعة المظلوم منشي الخيالي=يا فارج الشدات لو هي ثقيله
أفرج لمن بالحبس دونه رجالي=وابواب واقفال وحصونٍ طويله
في وصط دبابٍ غريب الحالي=أظلم ولا أدري وش نهاره وليله
متروك مالي من يرد المقالي=لا حد يبي قولي ولا حد يشيله
ولا احد غيرك عليه اتكالي=إلا انت يا منجي دريك الدبيله
ما دام تنظرني وتسمع مقالي=ما خاب عبدٍ يدري انك وكيله
يا سامع بالليل حسَّ النمالي=وصوت يونس في البحور الطويله
الماء وضرب الموج مثل الجبالي=فوقه اجيبت دعوته وتهليله
يا مصرف الايام هي والليالي=في قولته كن يجر القلم بتعديله
أدعوك باسماك العظام الجزالي=وابحق ما خصيت لك من فضيله
وابحق عظمة قدرتك والجلالي=وابحق نورك والفعال الجميله
وابحق ما نزلت من أول وتالي=تجيرني من شر خلقك طويله
وتنزل كربات علينا اثقالي=تغطلست مالي سوى الله دليله
أمن على قلب يجتول اجتوالي=يا مسكن الروعات سكن جفيله
أسرع علينا يا قريب النوالي=لا تجعل الشده علينا طويله
يا فارج الكربه بضيق الحوالي=أومر لعبدك بالفرج وتعجيله
واجل الأمور المعظله والجلالي=عني وكل عبد مسلم يندعي له
وصلاة ربي عد رمل السهالي=على نبي وضح الله دليله
صفوة قريش اللي مشى بالعدالي=نبينا المعصوم عن كل ميله

منقــــــــوله

 

 

 

 

[معلومات العضو ابو زيد الغييثي]

هذه القصيده هي قصيده معروف باسم ( توبه العوني )

وهو محمد بن عبد الله العوني من قبيلة شمّر والذي يدل على ذالك قوله يسندها

=نطاحـت الكـايد كبـار الوهـايـل
=من زاعـج الغربى حدر له شعايـل
=عصـم الروايـا مقحميـن الدبايـل
=غوش الجبل خزنى غلاميـن حايـل

ولد العوني في بريده حوالي سنة 1261هـ ، ولم يكن من عائلة مشهورة بل كان والده يعمل بالبناء ، ولكن نبوغه بالشعر بوأه مكانة كبيرة لم يكن يحلم بها فعرفه الناس وأصبح له شأن كبير بينهم.
نشأ العوني في وقت كانت تسوده الحروب والفتن فتأقلم مع وقته ووظف شعره لخدمة الفريق الذي يميل معه ضد الآخر وقصائده الحماسية لها صداها بين الناس ، ويكفينا من شعره قوة تأثيره حتى أنه سحب (عقيلاً) وهم أصلاً من أهل القصيم سحبهم من الشام ليحاربوا ابن رشيد في القصيم بقصيدته المشهورة (الخلوج) والتي استوحى فكرتها من صوت ناقة (خلوج) مات ولدها في قصر المغفور له الشيخ مبارك الصباح حين كان لاجئاً عنده . . . ولما سمع صوت الناقة استوحى فكرة قصيدته تلك وبعث بها إلى أهل القصيم بالشام فما كان منهم إلاّ أن قتموا بتصفية تجارتهم وتوجهوا لحرب ابن رشيد بالقصيم بعد سماعهم للقصيدة والتي منها هذه الأبيات:

قل داركم من عقبكـم تنـدب الثـرا=تبكـي علـى الماضيـن واعزتالـها
لعبوا بـها الأجنـاب لا رحم حيكـم=والبيـض بالبلـدان شتـت لحالـها
شيبانكم تضـرب على غيـر موجـب=من عقب كبـر الجاه تنتـف سبالـها
أولاد علـي اليـوم ذا وقـت نفعكـم=لا رحـم أبو نفـسٍ تتاجـر بمالـها
أولا علـي أن الليـالـي قصيــرة=ولا للفتـى غيـر الثنـا من نـواها
أولاد علـي اليـوم ما هـو بباكـر=قوموا بعـزم الليث ماضـي افعالها

أما سبب القصيده المعروفه بالتوبه هي


انه كان مسجون بسبب قصائده التي يثير بها الناس فسجنه المغفور له الملك عبدالعزيز

في الرياض ثم نضم هذه الابيات ( التوبه ) فجائه الاعفاء

ثم مات بعده بعدة اشهر



أخوك / ابو زيد

 

 

 

 

[معلومات العضو العماني]

لاهنت اخوي الامبراطور على الاختيار الرائع وشكرا ً لبوزيد على التوضيح والاضافه والمعلومات القيمه.

تقبلوا تحياتي،،

 

 

 

 

[معلومات العضو فالح بن فهاد]

المشاركة الأصلية كتبت بواسطة ابو زيد الغييثي

هذه القصيده هي قصيده معروف باسم ( توبه العوني )

وهو محمد بن عبد الله العوني من قبيلة شمّر والذي يدل على ذالك قوله يسندها

=نطاحـت الكـايد كبـار الوهـايـل
=من زاعـج الغربى حدر له شعايـل
=عصـم الروايـا مقحميـن الدبايـل
=غوش الجبل خزنى غلاميـن حايـل

ولد العوني في بريده حوالي سنة 1261هـ ، ولم يكن من عائلة مشهورة بل كان والده يعمل بالبناء ، ولكن نبوغه بالشعر بوأه مكانة كبيرة لم يكن يحلم بها فعرفه الناس وأصبح له شأن كبير بينهم.
نشأ العوني في وقت كانت تسوده الحروب والفتن فتأقلم مع وقته ووظف شعره لخدمة الفريق الذي يميل معه ضد الآخر وقصائده الحماسية لها صداها بين الناس ، ويكفينا من شعره قوة تأثيره حتى أنه سحب (عقيلاً) وهم أصلاً من أهل القصيم سحبهم من الشام ليحاربوا ابن رشيد في القصيم بقصيدته المشهورة (الخلوج) والتي استوحى فكرتها من صوت ناقة (خلوج) مات ولدها في قصر المغفور له الشيخ مبارك الصباح حين كان لاجئاً عنده . . . ولما سمع صوت الناقة استوحى فكرة قصيدته تلك وبعث بها إلى أهل القصيم بالشام فما كان منهم إلاّ أن قتموا بتصفية تجارتهم وتوجهوا لحرب ابن رشيد بالقصيم بعد سماعهم للقصيدة والتي منها هذه الأبيات:

قل داركم من عقبكـم تنـدب الثـرا=تبكـي علـى الماضيـن واعزتالـها
لعبوا بـها الأجنـاب لا رحم حيكـم=والبيـض بالبلـدان شتـت لحالـها
شيبانكم تضـرب على غيـر موجـب=من عقب كبـر الجاه تنتـف سبالـها
أولاد علـي اليـوم ذا وقـت نفعكـم=لا رحـم أبو نفـسٍ تتاجـر بمالـها
أولا علـي أن الليـالـي قصيــرة=ولا للفتـى غيـر الثنـا من نـواها
أولاد علـي اليـوم ما هـو بباكـر=قوموا بعـزم الليث ماضـي افعالها

أما سبب القصيده المعروفه بالتوبه هي


انه كان مسجون بسبب قصائده التي يثير بها الناس فسجنه المغفور له الملك عبدالعزيز

في الرياض ثم نضم هذه الابيات ( التوبه ) فجائه الاعفاء

ثم مات بعده بعدة اشهر



أخوك / ابو زيد

ابوزيد لاهنت يالقرم على المشاركه الطيبه التي لاتزال له في الماضي وقوع

 

 

 

 

[معلومات العضو فالح بن فهاد]

المشاركة الأصلية كتبت بواسطة هايف العماني

لاهنت اخوي الامبراطور على الاختيار الرائع وشكرا ً لبوزيد على التوضيح والاضافه والمعلومات القيمه.

تقبلوا تحياتي،،

هايف العماني تشرفت بمرورك العالي مكان ومقام لاهنت يالقرم على المرور

 

 

 

 

[معلومات العضو راعي الأجرب]

جعلك ذخر ياحفيد الذييييييييييب على النقل الرااااااائع

 

 

 

 

[معلومات العضو فالح بن فهاد]

المشاركة الأصلية كتبت بواسطة راعي الأجرب

جعلك ذخر ياحفيد الذييييييييييب على النقل الرااااااائع

ومن يقول يالقرم جعل ربي البيت يرفع مقامك على مرورك المميز

 

 

 

 

[معلومات العضو كرباج]

ياسلاااااام عليك يالامبراطور..
بصرااااحه جبتها للذكرياات, ذكرتني
يومني صغيّر وانا اسمعها من صوت
عبدالعزيز الاحمد الله يحفظه
جزيت خيراً وكفيت شراً وزوجت بكراً

 

 

 

 

[معلومات العضو فالح بن فهاد]

المشاركة الأصلية كتبت بواسطة كرباج

ياسلاااااام عليك يالامبراطور..
بصرااااحه جبتها للذكرياات, ذكرتني
يومني صغيّر وانا اسمعها من صوت
عبدالعزيز الاحمد الله يحفظه
جزيت خيراً وكفيت شراً وزوجت بكراً

الله الله سلمت لنا ذكرياتك ياحفيز القروم لاهنت على المرور المتميز

 

 

 

 

[معلومات العضو @الجابر@]

لاهنت اخوي الامبراطور على الاختيار الرائع وشكرا ً لبوزيد على التوضيح والاضافه والمعلومات القيمه.

تقبلوا تحياتي،،

 

 

 

 

[معلومات العضو فالح بن فهاد]

المشاركة الأصلية كتبت بواسطة @الجابر@

لاهنت اخوي الامبراطور على الاختيار الرائع وشكرا ً لبوزيد على التوضيح والاضافه والمعلومات القيمه.

تقبلوا تحياتي،،

	الجابر لاهنت يالقرم على مرورك المميز

 

 

 

 

[معلومات العضو الزين]

لاهنت ياالامبراطــــــــــور


علي القصيدهـ الرائعــــــــــه تسلم يمينك علي النقل الطيب



وبيض الله وجه ابو زيــــــد علي الاضافه الطيبــــــــــــــه

 

 

 

 

[معلومات العضو فالح بن فهاد]

المشاركة الأصلية كتبت بواسطة الزين

لاهنت ياالامبراطــــــــــور


علي القصيدهـ الرائعــــــــــه تسلم يمينك علي النقل الطيب



وبيض الله وجه ابو زيــــــد علي الاضافه الطيبــــــــــــــه

	ولاهنتي يالزين على المرور الجياش تجاه المنبر المتميز بالمجهره

 

 

 

 

[معلومات العضو غلا نجد]

رحم الله شاعرها واسكنه فسيح جناته

بارك الله فيك على النقل الرائع

سلمت ولا هنت

 

 

 

 

[معلومات العضو فالح بن فهاد]

المشاركة الأصلية كتبت بواسطة غلا نجد

رحم الله شاعرها واسكنه فسيح جناته

بارك الله فيك على النقل الرائع

سلمت ولا هنت

	امـــــين ولاهنتي يالغلا على المرور المتميز والدائم نحو العلا