شـــــــــــــــــيء محيــــــــــــــــــــر

**معلومات** **العضو** · 06-11-2007, 09:23 PM

أنا فكرت في شيء محير=سؤال أطرحه فوقه علامه
علامه للتعجب يفهمونه=كثيرمن البشر أهل الفهامه
واللي مافهم خله بحاله=مع التيار لوادي تهامـــــــه
سؤالي هالبشرراحت ضحايا=وكل بالهوىجود حزامه
وصارالحب بوابة تجاره=كل بسوقهايدورغرامـــــــه
ولاباقي من العشاق الأ=قليلاضمهم باب السلامـــــــه
واناباقي سلمت والحمدلله=نجيت وسلم قلبي من سهامه
صحيح الحب موجودولكن=يبي ناس تثبت له مقامه
تحفظه باصميم وتعتني به=وتضحي لأجل قدره وأحترامه
ويبقى سر بقلوب تضمه=مع الشريان يجري بأحتكامه
بضاعه غاليه ماهي رخيصه=ولاهي كل من جاءالسوق سامه
ويبدى الحب في دقة خفوقه=حّساس وشوق تسبقه أبتسامـــه
له شروط ومواثيق مهمه=وعلى العشاق تدفع له غرامـــــــــه
تحفظه في صناديق الصميمه=وعلى مستقبله تبنى أحلامــــــــــه
ولايبديه الأللي هو لـــــــه=أن كانه قد يحفظ له زمامــــــــــــه
فنكان الحب جانب منه جنب=وسد الباب وجود في لحامـــــــه
وقوس الماء قبل تبدى السباحه=ولاتنفع بعد غلطه ندامه
ولاتثق من جسورضعيفه= يضيع اللي بنيته في حطامـــــه
وتصبح مثل منجوم سرابه=ظلام الليل في عج وكدامه
وقبلي محمد الفيحاني اللي=براه الحب واتلف له عظامه
تحن عظامته كالمستهيمه=على اللي خدها يزهى وشامه
وثق في صاحب مابه مروه=حصد زرعه قبل يبدى صرامه
وحطم كل لبنه قدبناها=وكدر ماصفى له من منامه
صديق السوء نقال النميمه=نقلها بعد خمس من فطامه
وتحياتي وشكري وامتناني=لكل الانسان يبدي لي أهتمامه
يفكر بالمعاني ويتصفح=ويشوف النقد ويعدل نظامه
وصلاة الله على سيد البرايا=وانا ارجو العذر منكم في ختامه