قصيدة لـنمر بن عدوان

[معلومات العضو سلمان بن فارس بن قويد]

قصيدة لـنمر بن عدوان
--------------------------------------------------------------------------------


انا سمعت هالقصيده بصوت راشد الماجد فأثرت فيني فأتمنى انها تعجبكم

اتركم مع القصيده

البارحـة يــوم الخـلايـق نيـامـا=بيحت من كثـر البكـا كـل مكنـون
قمت اتوجد وانثـر المـاء علـى مـا=من موق عين دمعهـا كـان مخـزون
ولـى ونـة مـن سمعهـا ماينـامـا=كني صويب بين الأضـلاع مطعـون
وإلا كمـا ونـت كسـيـر السـلامـا=خلـوه ربعـة للمعـاديـن مـديـون
فـي ساعـة قـل الرجـا والمحامـا=في ما يطالـع يومهـم عنـه يقفـون
وإلا كمـا ونـت راعبيـة حمـامـا=غـاد ذكرهـا والقوانيـص يرمـون
تسمـع لهـا بيـن الجرايـد حطامـا=من نوحها تدعـي المواليـف يبكـون
وإلا خـلـوج سـايـبـة للهيـامــا=على حوار ضايع في ضحـى الكـون
وإلا حــوار نشقـولـه شـمـامـا=وهـي تطالـع يـوم جـروه بعيـون
يـردون مثلـه والظوامـي سيـامـا=ترزمـوا معهـا وقـامـو يحـنـون
وإلا رضـيـع جـرعـوه الفطـامـا=توفـت امـه قبـل اربعينـه يتمـون
عليـك يـا شـارب لكـاس الحمامـا=صـرف بتقديـر مـن الله مــأذون
جاه القضاء من بعـد شهـر الصيامـا=صافي الجبين بثانـي العيـد مدفـون
كسوه من بيض الخـرق ثـوب خامـا=وقاموا عليـه مـن الترايـب يهلـون
راحوا بهـا حـروة صـلاة الامامـا=عند الدفـن قامـوا لهـا الله يدعـون
برضـاه والجنـة وحسـن الختـامـا=ودموع عينـي فـوق خـدي يهلـون
حطـوه فـي قبـر غطـاه الهـدامـا=في مهمة من عرب الامـات مسكـون
يـا حفـرة يسقـي ثـراك الغمـامـا=مزن مـن الرحمـة عليهـا يصبـون
جعـل البخـري والنفـل والخـزامـا=ينبت على قبـر بـه العـذب مدفـون
مرحـوم يالـي مـا مشـي بالملامـا=جيران بيتـه راح مـا منـه يشكـون
يا وسع عذري وأن هجـرت المنامـا=ورافقت من عقب العقل كـل مجنـون
أخـذت أنـا ويـاه سبعـة اعـوامـا=مع مثلهـن فـي كيـف مالهـا لـون
والله كنة يـا عـرب صـرف عامـا=يا عونة الله صـرف الأيـام وشلـون
وأكبر اهمومـي مـن بـزور يتامـا=وإن شفتهم قـدام وجهـي يصيحـون
وأن قلـت لا تبكـون قالـوا علامـا=نبكـي ويبكـي مثلنـا كـل محـزون
لاقلـت وش تبكـون ؟ قالـو يتـامـا=قلـت اليتيـم ايـاي وانتـم تسجـون
قمـت اتشكـا عنـد ربـع اعدامامـا=وجوني علـى فرقـا خليلـي يعـزون
قالـوا تجـوز وانـس لامـه بلامـا=ترى العذارى عـن بعضهـم يسلـون
قلـت إنهـا لـي وفقـت بالـولامـا=ولـو حمعتـم نصفهـن مـا يسـدون
مـا ظنتـي تلقـون مثلـه حـرامـا=ايضا ولا فيهن علـى السـر مامـون
وأخاف أنـا مـن عاديـات الذمامـا=اللي على ضيـم الدهـر مـا يتاقـون
أوخبـلـة مــا عقلـهـا بالتمـامـا=تضحك وهي تلذغ على الكبد بالهـون
تـوذي عيالـي بالنـهـر والكـلامـا=وانا تجر عني مـن المـر بصحـون
والله لــولا هالصـغـار اليـتـامـا=وخايف عليهم مـن السـكـه يضيعـون
لقـول كـل البيـض عقبـة حرامـا=واصبر كما يصبر على الحبس مسجون
عليـه منـي كـل يــوم سـلامـا=عدة حجيج البيـت واللـي يطوفـون
وصلـوا علـى سيـد جميـع الانامـا=على النبي يللـى حضرتـوا تصلـون

تقبلوا تحياتي,,

 

 

 

 

[معلومات العضو بليهي الودعاني]

قصيـــدة جميلة مؤثرة ومعبرة عـن مشـاعـر تكسوها الحزن والأسى

وفـعـلاَ تعـتبر من أروع القصــائد الرثـائيـــة 00

 

 

 

 

[معلومات العضو ابومبارك الدوسري]

ابوفــارس

اختيااااااار رووووعة

وصح لسان قايلها

تسلم فديت على النقل

وربي يعطيك العافية

 

 

 

 

[معلومات العضو سلمان بن فارس بن قويد]

الأستاذ/ بليهي الودعاني

الأستاذ/ ابومبارك الدوسري

شكرا علي المروركم وتقبلوا تحياتي

 

 

 

 

[معلومات العضو بنت الاشراف]

لاهنت اخوي على القصيدة الرائعة.. تقبل مروري..

 

 

 

 

[معلومات العضو ابو زابن المسعري]

اشكرك على فل هذه القصيده الجميله يابو فارس
بيض الله وجهك

 

 

 

 

[معلومات العضو دوسري في دينتون]

لاهنت يبن اقويد على نقل القصيد الجمــيله
وصح لسان قايلها

 

 

 

 

[معلومات العضو ولد ودعان]

لاهنت على القيصيده المؤثره يابن قويد

تقبل تحياتي