قصيدة شافي الغباشين في مدح الحرارشة الرجبان

[معلومات العضو ناصر الغباشين]

بسم الله الرحمن الرحيم

يسرني ان اقدم اليكم هذه القصيدة ومناسبتها :


آل جزوى كانوا مع شهران، ثم رجعوا إلى وادي الدواسر.

وكان فهيد بن محمد بن جزوى الحرارشة الرجبان الدوسري له زميل شهراني أرسل له رسالة : لماذا ترجع من صف شهران.

فأرسل له فهيد قصيدة منها :

من عود لربعه فلا هوب ندمان =عيال زايد في اللقا ما تمالي

فجاراها الشاعر شافي بن محمد بن عبيد ( وثيلان ) بن مقعد بن مقيت بن سعد من آل رز من الغباشين من آل أبا الحسن من المساعرة

صور للشاعر










القصيدة :

بديت باسم المعتلي عالي الشان = الوالي العالي على كل عالي
سبحانه إله عزيز ورحمان = رب الملا يعلم ساير أعمالي
لا من ذكرت اسمه ذهب كل شيطان = وإبليس ما له في مجالي مجالي
ومن بعد هذا يوم بدع المثل زان = عبرت أنا الأمثال مما طرا لي
لا ضاق صدري يا فتى بعض الأحيان = خذيت فيها سجة لاتسالي
يطبع لها في داخل الصدر ديوان = أخذ وديها وأكب الهزال
وخير ما هيض غرامي بالألحان = قافل لافاني من ابن عم وغالي
قوله على معناه يوزن بميزان = يصرف كلام مثل نقد الريال
راعي الكلام الزين يا جعله معان = لكان هو ما خصني بالسوال
وأقول يا المنعور منتب غلطان = يا الله عساك تفداك ناس أنذال
ناس غدوا مع جملة الناس ذا هان = وولد الردي عن لابته ما يسالي
يتبع طريق الهون لو انه يهان = يصبر ويرضى بالخمل والميال
هذاك كبه واترك اللاش كبان = أشهد إنه فاشل في العيال
ويا فهيد يا المنعور يا طير حران = يا اللي رقيت مشمخرات الطوال
قولك صحيح وصدق والصدق برهان = وهذا الكلام اللي تعد الرجال
لا فيه لا زود ولا فيه نقصان = وبيوت شعرك كلبوها جزال
شاعر وقافك يا بة الجود مليان = ومن قافك المليان يستّر بالي
هات القلم نكتب على الظرف عنوان = يرسل لابن جزوى كريم السبال
سلام أحلى من لبن كل مسمان = وألذ من در البكار الهجال
لا سجت المرباع تبرال حيران = ترعى نبات غادين له أشكال
تقطف من الزلوق حلوات الألبان = حليبها لا جا على الكبد حالي
لك يا عريب الساس من روس شجعان = كسابة الناموس في كل حالي
وهم آل جزوى فعلهم بالوفا بان = أفعالهم تذكر من أول وتالي
ربعنا لنا هل الضيق في الهوش شجعان = وكل منهم للمراجل يصالي
حرارشة وافين من نسل رجبان = اللي تقيد بالحديد الجمال
ومن آل زايد مقعدة كل داقان = لا طار من قحص المهار الجلال
دواسر لا صار للحرب ميدان = نرسي كما ترسي خشوم الجبال
تامن بنا دار بها حط بستان = على النهر يرسخ ويشرب زلال
ما حط من دونه حظار وجدران = إنا ذراه من الحديد الموالي
دواسر من وقت عصر ابن بدران =اللي ذكر عنه أبو زيد الهلالي
عامر بنى مبنى وزدناه بنيان = مبنى على طول الدهر ما يزال
حصن حصين من تواريخ جدان = وملجا من صكه من الضيق جالي
وقصيرنا يلقى الكرامة والإحسان = وعن عازته نعطيه غالي الحلال
وتفرح بنا عرب مجاهيم وزيان = جرد الرقاب اللي لنا راس مال
ننجع بها العشب من حيث ما كان = بحد اليمن ولا بحد الشمال
نرعى بها جوسن على كل عدوان = ومن جا يبيها جا منها جفال
من دونها ربع على الخيل فرسان = بضرب السهوم مقصفات الاجال
ذا فعلنا والناس ماهمب رديان = وكل مضى له من القبايل أفعال
من أول وهم بغارات وأكوان =واليوم جا الإسلام والجهل زال
من فضل ربي نعمة اليوم وأمان =وكل أمسى من الخوف خالي
في ظل حكم حاكم كل الاوطان = حكم آل سعود اللي مشوا بالعدال
الله ينصرهم على كل خوان = ومن كان عاداهم عساه الزوال
ندعي لهم بقلوبنا سر وإعلان = نصر من المولى عزيز الجلال
وختمانها يوم ان للقول ختمان = صلوا على المختار واختم مقالي

القصيدة صوتيه mp3

1) http://boomp3.com/m/35491711fd38

2) http://www.7mmml.com//download.php?f...937bf6f34b.mp3

3) http://www.909u.com/index.php?action=getfile&id=22

 

 

 

 

[معلومات العضو نايف الخييلي]

ناصـــر الغباشين


صــــح لسان الشاعر شافي محمد الغباشين ويســـتاهلون المدح ال جزوى الحرارشه

ربعً نهار الضيق بالهوش شجعان = والكل منهم للمراجل يصالي
حرارشه وافين من نسل رجبان =اللى تقيد بالحديد الجمالي
ومن ال زايد مقعده كل دقان = لاطار من قحص المهار الجلالي
دواسرً لاصار للحرب ميدان = نرسي كما ترسي خشوم الجبالي

وعـــز الله انها قصيده جزله وطيبه وياليتك نقلتها كتابيه ايضــاً غير الصوتي وبيض الله وجهك على كل حال وعز الله عرفت تختار القصيده الطيبه واسئل الله لك التوفيق

 

 

 

 

[معلومات العضو ناصر الغباشين]

يعطيك الف عافيه اخوي نايف ومشكور على مرورك
وانشاء الله تشوف القصيده كتابيه قريبا
ولك الف شكر ... اخوك ناصر

 

 

 

 

[معلومات العضو ابو زابن المسعري]

الله يصح السان الشاعر ويبيض وجهه

والرجبان يستاهلون ماقيل فيهم


لاهنت يا ناصر وبيض الله وجهك

 

 

 

 

[معلومات العضو العماني]

صح الله لسان الشاعر الكبير شافي بن محمد الغباشين على القصيده الأكثر من الرائعه

ويستاهلون الدواسر الرجبان وصبيان الحرارشه كل علم طيب ولا عليكم زود .

ابن العم العزيز ناصر الغباشين

بيض الله وجهك وجعل يمينك مايجيها العطب على هذا الموضوع الأكثر من رائع والله لايهينك ، وترانا نطمح بالمزيد

تقبل تحياتي،،

 

 

 

 

[معلومات العضو ابومبارك الدوسري]

ناصـــر الغباشين


صــــح لسان الشاعر شافي محمد الغباشين

ويســـتاهلون المدح ال جزوى الحرارشه


دمت بخير

ابومبارك

 

 

 

 

[معلومات العضو مبارك الخييلي]

ناصر الغباشين الله لايهينك

وبيض الله وجهك علي ذي العلوم الزينه التي غير مستغربه منك

تقبل الشكر والتقدير

مبارك الخييلي

 

 

 

 

[معلومات العضو ناصر الغباشين]

وبيض الله وجيهكم اخواني وترقبوا المفيد والرائع

اخوكم ناصر الغباشين

 

 

 

 

[معلومات العضو ابن محمد الودعاني]

الله يصح السان الشاعر ويبيض وجهه

والرجبان يستاهلون ماقيل فيهم


لاهنت يا ناصر وبيض الله وجهك

 

 

 

 

[معلومات العضو أبونواف الدوسري]

الله يصح السان الشاعر ويبيض وجهه

والرجبان يستاهلون ماقيل فيهم


لاهنت يا ناصر وبيض الله وجهك

 

 

 

 

[معلومات العضو أمير الإحساس]

نـــاصــر



لاهــنت ياذيــبان ع الـــنقل الــقصيدة


وصــح لــسان شــاعـرها


ويــستاهـلون ربــعي وعـزوتي الــحرارشـة الــرجبان



تــقبل تــحياتي

 

 

 

 

[معلومات العضو محمد الولامين]

صــــح لسان الشاعر شافي الغباشين

ولاهنت ياناصر على الطرح الرائع وبيض الله وجهك