الرد الثاني لـــ محمد بن مبارك الصخيبري الدوسري على المري

**معلومات** **العضو** · 29-08-2007, 11:42 PM

هذه قصيدة الشاعر الكبير/ محمد بن مبارك الصخيبري الدوسري

وهي رد على قصيدة المري اللذي تعرض مجال الغانمين فيها بسب عموم الدواسر

بدون ان يفصح عن اسمه .. بخلاف شاعرنا الشجاع / محمد بن مبارك الصخيبري

على العموم ما أطول عليكم :

" الرد على المري "

يقول محمد بن مبارك :

يا بريص يومنها حدتك المقادير = تبشر بميسامً على الكبد حامي
الاوله: حنا الرجال المشاهير = حنا الرجال متيهين الجهامي
أنشد وتلقا لك عن العلم تبرير = في نجد منزلنا فروع السنامي
دواسر(ن) نعرف على الشر والخير = فعولنا بالطيب شرقاً وشامي
أهل الكرم وأهل الدلال المباهير =وأهل الثمان اللي وفت بالتمامي
نقوم للعاني بحشمة وتقدير = والضيف تحشمه الرجال الحشامي
وسلومنا .............= ناسم عصاه وراح بأمن وسلامي
ترفع لنا بيضً سوات المقازير = والا انت دلوً ..............
يابريص ابا اعلمك واعطيك تقرير = علمً سوات النور يجلي الضلامي
فالسيح جيتونا تبون المعاشير = وجموعكم مثل الجراد التهامي
وسقنا لكم جمعً يهز الطوابير = ورحتوا هجيجً مثل ربد النعامي
جينا مثل سيلً يطم العثامير= وذبح المرضف في نحانا شمامي
خلي عشا للذيب والسبع والطير= ماعاد ربع الشيخ دونه تحامي
والمصطفي جانا بربعه على السير = فالتوضحيه فوقه الطير حامي
وكونن على الفرشه عجاجه معاصير = فيه العزاوي زعزعت والأسامي
منها عويضة طاح بين المناعير = من ضرب شلفً يكسرن العظامي
ويومن على ام اثله نوينا المحادير = سقنا مجاهيمً تدق الرضامي
من فعلن ربعً يحتمون المضاهير = يتلون ابن عواد حامي الجهامي
و والله ما الومك حاشرتك الحواشير= كبدك عليها علقم المر زامي
وان ما طليتك طليت الجرب بالنير = فأنا علي يا بريص منك الملامي

وسلامتكم

(( جميع الخقوق محفوظة للموقع الرسمي لقبيلة الدواسر ))

أخوكم/ عبدالرحمن سالم الشرافي

**معلومات** **العضو** · 30-08-2007, 03:55 AM

لاهنت ولاهان الشاعر وصح السانه

**معلومات** **العضو** · 31-08-2007, 02:23 AM

صح لسان الشاعر محمد بن مبارك الصخيبري

وقبيلة آل مره قبيلة عزيزه وبينا وبينهم روابط قويه من عنوه ونسب وصداقه ومهما كان هذا الشاعر لايمثلها البته ، ونرجوا عدم تأجيج الموضوع وتكبيره خصوصا كما ذكرت هذا الرجل لايمثل آل مره .

تقبل تحياتي،،

**معلومات** **العضو** · 31-08-2007, 03:27 AM

كفوووو والله يالاد صخبور وانا اشهد انه رد وافي وقوي

وال مره ما عليهم كلام ووالله ونعم الرجال وهذا الشرذمه لا يمثلهم كما قال الاخ العماني

**معلومات** **العضو** · 31-08-2007, 03:32 AM

صح ألسانه والله لايهنك ولا يهينه
بيض الله وجهك علي القصيده الرائعه

تقبل الشكر والتقدير

مبارك الخييلي

**معلومات** **العضو** · 31-08-2007, 03:43 AM

تسلم يمينك ياالشـــــــــــــــــــــرافي علي هالنقل المتميز

وصح لسان شاعرنـــــــــــــــــــــــــــا

**معلومات** **العضو** · 31-08-2007, 04:07 AM

صح الله السانك والسان الشاعر وبيض الله وجهك ووجهه

**معلومات** **العضو** · 02-09-2007, 12:29 PM

اقتباس:

المشاركة الأصلية كتبت بواسطة الصخيبري

لاهنت ولاهان الشاعر وصح السانه

ولا انت

وشكراً على المرور

**معلومات** **العضو** · 02-09-2007, 07:47 PM

ويومن على ام اثله نوينا المحاديـر=سقنـا مجاهيـمً تـدق الرضامـي

**معلومات** **العضو** · 05-09-2007, 06:56 AM

صح لسان شاعرنا الصخيبري عز الله انه وليده وبعيدا عن الدبلوماسية كفو يالصخيبري ومن حاول يدوس لنا طرف له منا المهانه كائن من كان ولازم يعرفون ان فيه حد للتعدى ومن قلل احترامه لنا لازم يعرف حدودة حتى يقطع لسانه لان الكثير يستغل احترامنا وشيمنا للصعود على اكتافنا
بيض الله وجهك يالصخيبري يقول شاعرنا الله يرحمه ان كان نسوانا في الحراذين فنسوانهم ماشرهبن للمغنيين الى اخرها اللي يقول فيها ماهم من ذبحة عويضة بناسين عويضة الادرم عقب ماقص شعر راسه حتى لا يعرفونه الدواسر وعلى فكرة عندنا من الوقائع وشوهدها من القصيد الكثير ولكن في ظل الحكم الرشيد والامن الذي نعيشه وفي ظل سياسة المنتدى المشهورة بالاحترام لانستطيع ان نذكرها لانها تخزي الكثير ممن يحاول التقليل من مجد قبيلة الدواسر الذي يعلو فوق الجباه
فايز الدوسري

**معلومات** **العضو** · 05-09-2007, 11:46 PM

بيض الله وجهك وصح الله لسان الصخيبري على الابيات الجزله وهذا الشاعر بريص حظه ردي

ذم القبايل ياردي المروه = عيب على رجلا يفوح نداه

**معلومات** **العضو** · 06-09-2007, 01:21 AM

يعقب اللي يسب الدوااااااااااااااااااسراو اي قبيله هذا حقير ومقهووووووووووووووور ولايمثل الا نفسه
وال مره ونعم ومعروفين من قدم

**معلومات** **العضو** · 13-09-2007, 12:28 AM

صح الله السانك والسان الشاعر وبيض الله وجهك ووجهه

**معلومات** **العضو** · 20-09-2007, 01:13 AM

صح الله السانك والسان الشاعر وبيض الله وجهك ووجهه

**معلومات** **العضو** · 20-09-2007, 02:35 AM

صح الله السانك والسان الشاعر وبيض الله وجهك ووجهه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اللقاء التاريخي مع الأمير علي بن محمد بن وقيّان أمير قبيلة الغياثات	الإداره	:: قسم اللقــاءات والفعاليات والتغطيات الخاصة::	57	17-04-2013 10:52 PM
التغطية المصوّرة لحفل (ترقية الشيخ محمد بن مرّان بن قويد)وحصوله على درجة الماجستير برعاية الشيخ مرّان بن متعب بن قويد (حفظه الله تعالى)	الإداره	:: قسم اللقــاءات والفعاليات والتغطيات الخاصة::	51	09-10-2011 10:09 PM
لماذا نحن متواجدون في المنتديات؟؟؟؟ (اسئلة هامة )	محمد بن حمد الشكرة	:: قسم المـواضيع الـعامــة ::	9	09-01-2011 08:37 PM
التغطية المصورة لحفل المسابقة الشعرية الأولى لموقع قبيلة الدواسر الرسمي	الإداره	:: قسم المسابقة الشعرية السنوية للموقع الرسمي لقبيلة الدواسر ::	17	11-12-2010 11:09 PM
التغطية المصوّرة لحفل إفتتاح مبرة قبيلة الدواسر الخيريّة بدولة الكويت.	الإداره	:: قسم اللقــاءات والفعاليات والتغطيات الخاصة::	16	22-11-2010 09:44 AM

الذين يشاهدون محتوى الموضوع الآن : 5 ( الأعضاء 0 والزوار 5)

		منتديات صحيفة وادي الدواسر الالكترونية