الصقر لو ينجرح يبقى صقر !؟

[معلومات العضو غيوض]

[B][align=center]يامعاذ اسمع كلامي واستجيب =واحفظه يا بوك شطرن مع شطر

لا يضيع الوقت يالحر النجيب = انتبـه له لا يجي كله هدر

وانتبه للدين من قبل المشيب =العمر يركض على متنه قبر

انتبه يابوك واحذر لا تغيـب =عـن حياتك في سفر وألا حضر

الصلاه اللي بها الدنيا تطيب = والحياة بدونها ضيقة صدر

من غفل عنها ترى ماله نصيب = بالسعادة لو سكن بأجمل قصر

ولو ظهر لك بالبلد شكله مهيب = لا يهمك من حقاره في حقر

ومن تهاون في طهارتها عطيب = تعرفه من بينهم وجهه ودر

من تخلف عن جماعتها كئيب = وماربح من كان ينقرها نقر

هي تجارة من إلى ربه منيب = وفي ظلام الهم هي نور البدر

وباقي الاركان هي نبع القليب = وهي اساس الدين ما منها عذر

وللحقوق اخضع ولو راسك صليب = لا تجي من دونها عجز وصدر

ولا تزعزع لأصبح الموقف صعيب = الصقر لو ينجرح يبقى صقر

والنسب خله مثل ماهو عريب = انت من ناسن لهم عز وقدر

الخوال اعزاز واعمامك لهيب = بالمراجل بين بدوان وحضر

وبالكرم خلك مثل حاتم رهيب = لا نصوك اللي لهم عندك وقر

قم بواجبهم ترى مثلك لبيب = يفهم المعنى بلا شرح وهذر

والردي لو كان لك اقرب قريب = لا تحطه يالسنافي لك ذخر

يرتخي لحتجت في الوقت العصيب = فزعته والخاتمه يطلع بزر

وكل حاجه تندرج تحت المعيب = قدرها مهما تعاظمها حدر

والأدب خلك مع الجاهل اديب = ومع جميع الناس فضلا لا أمر

قمة الأخلاق والصدر الرحيب = خلها ديدنك مع عزم وصبر

والأمل بالله لا يمكن يخيب = لو لعقت الأرض من جوع وفقر [/align][/B]

 

 

 

 

[معلومات العضو نايف]

صح لسان الشاعر ومشكووووره ياغيوض على الاختيار الجميل

تقبلي تحياتي,,,,

 

 

 

 

[معلومات العضو الجوهره]

يا سلامي والله ... قصيده أعجبني كل بيت فيها .. منسوجه من الحكمه ومغزوله بالرزانة والعقل... لاهنت يا غيوض ومرحبا بك مليون وألف على انضمامك للمنتدى وبانتظار باقي مشاركتك...

النادره

 

 

 

 

[معلومات العضو صقرالجميعةالدوسري]

لاهنت اخوي غيوض على هالقصيدة , مشكور ماقصرت , الصقر لوينجرح يبقى صقر عزالله انك صدقت.

أخوك صفر بن مطلق

 

 

 

 

[معلومات العضو بن مشخص المسعري]

صح لسااااانك ياذيب
قصيده جزله مليئه بالمعاني

لك مني كل التحيه

 

 

 

 

[معلومات العضو العماني]

لاهنتي اختي على الاختيار الطيب

تقبلي تحياتي،،

 

 

 

 

[معلومات العضو محمد البدراني]

شكراً لك اخي الكريم على هذا المقال

 

 

 

 

[معلومات العضو العاصف 15]

[align=center]اختي الغيوض

صح لسانكس على النصيحة القيمة التي لاتقدر بثمن

لقد وفقتي في الاختيار

Arabic,6,red,normal,normal" bkcolor="transparent" bkimage="backgrounds/20.gif" border="inset,4,blue" type=2 line=0 align=center use=ex num="0,black"]
يامعاذ اسمع كلامي واستجيب =واحفظه يا بوك شطرن مع شطر
لا يضيع الوقت يالحر النجيب = انتبـه له لا يجي كله هدر
وانتبه للدين من قبل المشيب =العمر يركض على متنه قبر
انتبه يابوك واحذر لا تغيـب =عـن حياتك في سفر وألا حضر
الصلاه اللي بها الدنيا تطيب = والحياة بدونها ضيقة صدر
من غفل عنها ترى ماله نصيب = بالسعادة لو سكن بأجمل قصر
ولو ظهر لك بالبلد شكله مهيب = لا يهمك من حقاره في حقر
ومن تهاون في طهارتها عطيب = تعرفه من بينهم وجهه ودر
من تخلف عن جماعتها كئيب = وماربح من كان ينقرها نقر
هي تجارة من إلى ربه منيب = وفي ظلام الهم هي نور البدر
وباقي الاركان هي نبع القليب = وهي اساس الدين ما منها عذر
وللحقوق اخضع ولو راسك صليب = لا تجي من دونها عجز وصدر
ولا تزعزع لأصبح الموقف صعيب = الصقر لو ينجرح يبقى صقر
والنسب خله مثل ماهو عريب = انت من ناسن لهم عز وقدر
الخوال اعزاز واعمامك لهيب = بالمراجل بين بدوان وحضر
وبالكرم خلك مثل حاتم رهيب = لا نصوك اللي لهم عندك وقر
قم بواجبهم ترى مثلك لبيب = يفهم المعنى بلا شرح وهذر
والردي لو كان لك اقرب قريب = لا تحطه يالسنافي لك ذخر
يرتخي لحتجت في الوقت العصيب = فزعته والخاتمه يطلع بزر
وكل حاجه تندرج تحت المعيب = قدرها مهما تعاظمها حدر
والأدب خلك مع الجاهل اديب = ومع جميع الناس فضلا لا أمر
قمة الأخلاق والصدر الرحيب = خلها ديدنك مع عزم وصبر
والأمل بالله لا يمكن يخيب = لو لعقت الأرض من جوع وفقر

تقبلي تحياتي