يا هل المعرفة لغزن جديد يبي من يحله

**معلومات** **العضو** · 13-08-2007, 03:15 AM

السلام عليكم ورحمة الله وبركاته

هذا لغز سهل بالحيل

بس عساه مهوب مكرر

أنشـدك عـن قصـر قديـم ولازالولاأحد لمس جدران سوره بأياديه

ماهو بناء مهندس ولا بناء عمـالولايحق لك قبل الثمانين تاتيه ؟!!

في انتظار الحل..

تحياتي,,

**معلومات** **العضو** · 13-08-2007, 03:27 AM

ارحب يا محمد

و مشكور على اللغز

و الحل : (( القصر في الصلاة ))

لا يكون إلا بعد 80 كيلو

و شكراً

**معلومات** **العضو** · 13-08-2007, 03:45 AM

ارررررررررحب يا مسفر

ما شا الله عليك ,,,,, قدها وقدود

الله لايضرك .. الجواب صحيح

وبيض الله وجهك

وبعطيك ذا اللغز القديم ولحدن حله

يلعب فيه الاطفال ويكرهه الملوك-تحبه النسا ويكرهه الرجال-يعيش في القصور وينام في القبور-يعيش على التمر والماء-يبدا بحرف الميم-موجود في القران الكريم-ماهو؟؟؟

بانتظار الحل يالقرم,,

لك تقديري وتحياتي,,

**معلومات** **العضو** · 13-08-2007, 05:22 AM

محمد الشكره

الله يبقيك

ما عليك زود طال عمرك

و با النسبه للغزك الثاني

فيه رمعه لكن مدري

وش رايك في (( المطر = المزن ))

و شكراً

**معلومات** **العضو** · 13-08-2007, 02:21 PM

بيض الله وجهك يا بن عمي مسفر

على التفاعل ,,

ولكن كيف ان المطر والا المزن يكرهه الرجال ؟؟

وكيف ان المطر والا المزن يعيش على التمر والماء ؟؟

وكيف انه يسكن القصور ويرقد القبور ؟؟

للمعلومية هذا لغزن قديم ولذلحين ما لقيت له حل

تقبل تحياتي ,,

**معلومات** **العضو** · 13-08-2007, 04:47 PM

و الله يا محمد مدري لكن هذي رمعه

يقولون أن الاطفال يفرحون اذا جاء المطر يلعبون فيه و خاصه اذا

جاء معه برد او ثلج يتحاذفون به

و يسكن القبور قلت إن الحين اللي بيرثي أحد يقول مثلاً :

عسى السيل يسقي قبر فلان

و في القرآن ذكر : (( المزن ))

و هذا اللي عندي

لكن مدري

تقبل تحياتي أخوك : مسفر المصارير

**معلومات** **العضو** · 15-08-2007, 03:31 PM

والله يا مسفر انت شاعر

والشاعر ابخص مني

وانا ذا اللغز ما لقيت له حلن لذلحين

والكلام اللي قلته اقرب من غيره

ويوم انك حليت اللغز ابعطيك هذي :

انشدك عن بنـت مـع النـاسمعلقـه اعيالهـا فـي ارقبتـهـا
اعيالها يجون اشكال واجناسولـولا اعيالهـا انـاس مابغتهـا

بيض الله ووجهك على المتابعة ,,

بانتظار الحل ..

تحياتي لك ,,

ابومحمد الشكره

**معلومات** **العضو** · 15-08-2007, 05:06 PM

الأخ : أبو محمد الشكره

مشكور و الله لا يهينك

و ماشاء الله عليك كل شوي جايب لغز

لكن خذ راحتك عطنا اللي تبي و حنا أن قدرنا عليه حليناه

و أن ما قدرنا الشكوى لله

و با النسبه للغزك عندي رمعه لكن مدري :

وش رايك في : (( الميدليه حقت المفاتيح ))

و شكراً

لي عوده

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شاعر جديد وجديد شاعر ؟؟	شبيه سهيل	:: قسم أخبــار الشـعر والشـعراء ::	5	21-06-2011 11:15 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية