خطلان الأيدي ...... مصافحه أولى ..!!!!!!

[معلومات العضو محمد عفاس الغييثي]

السلام عليكم

بالبداية انا سعيد بالمشاركة في هذا المنتدى وهو حق وواجب أن اشارك فيه وأسمحولي على التقصير

صلّوا على النبي .....

بسم الله اللي كلنا نلتجيله=في يوم يجحد كل خليلٍ خليله
ماعاد ينفعنا سوى رحمة الله=يالله جنبنا دروب الرذيله
من بعد ذكره ببتدي بمدح ربعي=اهل الفعايل والسيوف الصقيله
ربعي دواسر هيبو كل غازي=عدوهم عند اللقى عزتيله
يكفي لهم وادي مسمى عليهم=يوم ان بعض الناس ضيع دليله
خطلان الايدي لابتي ياللي تنشد=اهل المكارم والسلوم الاصيله
قد عوضوا جارٍ لهم من جدارهم=في وقت فقرٍ والدراهم قليله
توسم عصى الزابن ليا من زبنهم=ويسرح مع ذوده ولحدٍ يجيله
يشهد لنا بن مطرفٍ في قصيده=يومه يجلاّ مالقى من يشيله
حنا زهينا المجد لا مازهانا=حنا كفيل اللي يدور كفيله
سلامي لبن قويد شيخ الدواسر=اللي قليلٍ بالاوادم مثيله
شيخ ٍ وتسهل في يديه الصعايب=يزرع بذور العز ويجمع حصيله
كم شايب ٍ عند القبايل تكلم=علّم عياله قبل يعلن رحيله
الدوسري إن كان تبغون خوّه=يفزع لكم بالهيّنه والثقيله
عند الشدايد ينفعك لازهمته=يرسي كما ترسي الجبال الطويله
لامن دخلت وتزهمه قلت تكفا=انشهدنه مايخلي دخيله
يموت من دونك علشان تسلم=من قبل طيحة صاحبه يرتكيله
اقولها من دون حقر القبايل=وكل ٍ يدور للمراجل وسيله

===========

 

 

 

 

[معلومات العضو أبو سعود الودعاني]

ارحب ثم ارحب ثم ارحب ثم ارحب

مرحبا والله ومسهلا ملايين يا بن عفاس

والله ان انظمامك لبني عمك في هذا الصرح الشامخ

شرف ومعزه

وصح الله لسانك يالغالي على هذه القصيدة المجمله

وفي انتظار ابداعاتك الشعريه


لاهنت وبارك الله فيك

وتقبل خالص ودي

 

 

 

 

[معلومات العضو ولد عطا]

صـح لسـانك يـ محمـد ولاهنـت على هـ الرائعـه

ونعـم بـ الدواسـر مليـون

 

 

 

 

[معلومات العضو سالم بن صمهود]

يشهد لنا بن مطرفٍ في قصيـده =يومه يجلاّ مالقـى مـن يشيلـه

ارحب يابن عفاس تراحيب المطر وصح الله لسانك

 

 

 

 

[معلومات العضو فيصل بن جزاء]

صح السانك وبيض الله وجهك على هذه الرائعه ياابوعفاس

سجلني من المعجبين بقصيدك الجزل

تقبل خالص التقدير والاحترام

 

 

 

 

[معلومات العضو ابو زيد الغييثي]

اررررررررررررررررررررررررررررررررررررررررررررررررر ررررحب
اررررررررررررررررررررررررررررررررررررررررررررررحب
ارررررررررررررررررررررررررررررررررررررررحب
ارررررررررررررررررررررررررررررررررحب
ارررررررررررررررررررررررررررحب
ارررررررررررررررررررررحب
ارررررررررررررررحب
ارررررررررحب
اررررحب
ارحب


مليووووووووووووووووووووووووووووووووون


يـــا (( بو عفاس ))


وصح اللسانك ملايين على هذه الجزله

وانّا بانتظار جديدك يالقرم


محبـــك

ابو زيد

 

 

 

 

[معلومات العضو العماني]

مرحبا بك يابوعفاس في محلك وبين ربعك وبني عمك في منتدى الدواسر الرسمي

وصح الله لسانك ملايين على القصيدة الجميلة

في انتظار المزيد من ابداعاتك الشعرية

تقبل تحياتي،،

 

 

 

 

[معلومات العضو ال سويلم النتيفات]

صح السانك وبيض الله وجهك على هذه الرائعه ياابوعفاس

في انتظار المزيد من ابداعاتك الشعرية

تقبل خالص التقدير والاحترام

 

 

 

 

[معلومات العضو عبدالله الدوسري]

محمد عفاس





أهلا بك



مصافحة رائعة



تقبل مودتي،،،،

 

 

 

 

[معلومات العضو محمد عفاس الغييثي]

ابو سعود الودعاني


الله يبقيك ويطول عمرك

لاهنت على المرور والترحيب

اشكرك جزيل الشكر على مرورك الكريم وكلامك الذوق

تقبل تحياتي

 

 

 

 

[معلومات العضو محمد عفاس الغييثي]

ولد عطا


صح بدنك وماعليك زود طال عمرك

اشكرك كل الشكر على المرور الجميل والرائع

لاهنت


تقبل تحياتي

 

 

 

 

[معلومات العضو محمد عفاس الغييثي]

سالم بن صمهود


الله يبقيك طال عمرك

لاهنت على المرور الكريم اشكرك كل الشكر على المرور والترحيب


تقبل تحياتي

 

 

 

 

[معلومات العضو محمد عفاس الغييثي]

فيصل بن جزاء


صح بدنك

واشكرك على مرورك الاكثر من رائع

لاهنت على المرور طال عمرك

تقبل تحياتي

 

 

 

 

[معلومات العضو محمد عفاس الغييثي]

يامرحبا ومسهلا يابو زيد


الله يبقيك ملاييين طال عمرك


صح بدنك واشكرك كل الشكر على مرورك الجميل والرائع


تقبل تحياتي ولاهنت يالقرم

 

 

 

 

[معلومات العضو الحصان]

صح السانك يامحمد وبيض الله وجهك