|
|||||||
19-05-2005, 01:17 AM
|
#1 | |||||||||||||||||
|
من يامن الدنيا وهذا فعلها
قصيده للشاعر شلعان بن ظافر الودعاني الله يرحمه ويسكنه الجنه
عفا الله عن عين يزيد عناها = ويفيض من بين البريمين ماها ولا تفضي بالنعاس اجفونها = من هاجس بالليل يركض وراها لانام خال البال قامت تحوفني = هواجس جور الليالي دعاها تقبل وتقفي كفى الله شرها = مثل السباع اللي تدور عشاها دنيت انا القرطاس واشرت بالقلم = بسجلةٍ يطرب لها من قراها فيها نظمت القاف مما طرالي = ومن الروى والعايبات حماها مثايل تطري على البال كنها = صافي الجواهر على مشتراها اصونها بفنونها ثم لأقولها = والناس تعرف طيبها من رداها او ما شاعر بالكون جاله قصيده = الا نقاد العرب من وراها اما خذوا الرجال منها الفوايد = والا بصندوق الزباله رماها واقول من نيران قلبه تسوقه = وتقلب الدنيا بلاها وراها تكبر وتصغر بالضماير جروحي = ويزيد من بين الضلوع سناها دنيا الغرور مضيعه كل جاهل = ما هوب فاهم وش عواقب عطاها إلى عطت عامين فلعام الاخر = غيرك غداها وانت وجبة عشاها عكف مخالبها جداد سنونها = تجيك غضبانه طوال خطاها كم دمرت ما عمرت من مباني = على جميع الخلق تومي عصاها غدارهٍ خوانهٍ جوارهٍ = مثل الرحى بالناس يطحن جماها حمر مضاربها وساعٍ طعونها = قضاعةٍ تمشي على ما طراها ان اقبلت احسب حساب إقفايها = لابد ما تعطيك يومٍ قفاها من يامن الدنيا وهذا فعلها = مجنون من يامن عواقب رداها لاتموت يا مسكين وانت مغفل = قدم لنفسك قبل ياتي قضاها لك يوم ما ينفعك مالٍ ولا ولد = والنفس من دنياك خاب رجاها عزلت منها عارياً ومفصخ = والكاتب انهى والسجله طواها تروح باعمالك وحظك ينالك = لاعمدت الابصار صوب سماها تشوف ما عملت في حياتك = قدام عينك كشف منها غطاها يا غافل إدر ان ما على الله خافي = جميع خملاتك ترى الله يراها إذكر عذاب الله وارحم نفسك = واصبر ورد النفس عن هواها تراك في دنياك مثل الوداعه = ووداعة الله لابغاها خذاها هذا وقبل اشيب القاف عندي = نصيحه للناس يصرخ نداها الاوله منع النفس من الهوى = ترى هوى الشيطان من هواها والثانيه دينك ينور جبينك = وأد الفروض الخمس واحسن اداها والثالثه بالوالدين مروفه = واعرف جمايلهم ولا تنساها ترى عليك لوالدينك واجب = وترى رضا الرحمن من رضاها امك بزتك وشالتك في بطنها = باسالك انا بالله ويش جزاها وسلامتكم
|
|||||||||||||||||
|
|
|
|
19-05-2005, 04:27 AM
|
#3 | ||||||
|
الله يرحمه بواسع رحمته
|
||||||
|
|
|
|
19-05-2005, 04:57 AM
|
#4 | |||||||||||||||||
|
اخواني ابن غياث ونايف
|
|||||||||||||||||
|
|
|
|
19-05-2005, 11:44 PM
|
#5 | ||||||||||||||||
|
اقتباس:
لا هنت والله أخوي على ذا القصيده القمه!
|
||||||||||||||||
|
|
|
|
20-05-2005, 04:10 AM
|
#6 | ||||
|
الله يرحمه ويسكنه الجنه
|
||||
|
|
|
|
20-05-2005, 08:20 AM
|
#7 | ||||||||
|
السلام عليكم ورحمة الله وبركاته
|
||||||||
|
|
|
|
23-05-2005, 01:42 AM
|
#8 | |||||||||||||||||
|
العماني
|
|||||||||||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ◊◊۞◊◊ الإبتـــــــلاء سنــة الله فــي خـلقــه ◊◊۞◊◊ | علي بنيه الغييثي | :: القسم الإسلامـــي :: | 6 | 04-01-2011 09:54 PM |
| الدنيا ممر والآخرة هي المقر | زبـن العــمور | :: القسم الإسلامـــي :: | 8 | 11-12-2010 07:08 PM |
| الدراسة التفصيلية الكاملة لشعر المحاورة | عقاب بن هذال ال بريك | :: قسم المــحــاورة والألــغـاز:: | 8 | 09-10-2010 08:54 PM |
| رمضان بين الصبر و الشكر | صادق الود | :: الخيمة الـرمضـانـية 1431هـ :: | 5 | 29-08-2010 08:30 PM |
| اضحك ترا الدنيااا ماتسوى | جنوون أنثى | :: قسم الـشعر العــام :: | 2 | 09-06-2010 11:44 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 12:34 AM
