لاد العميـري العمـور المسـمـات ***سكـان تمـره والـديـار العـذيـه

**معلومات** **العضو** · 27-10-2007, 02:25 AM

السلام عليكم ورحمة الله وبركاته

هذه مجموعة ابيات قلتها في صاحبي الوافي الطيب ويستاهل هو وربعه المدح كله
شروا من يقرا

مرزوق ابن فهد العمور الدوسري

قلت هالابيات رد عليه
في ابيات ارسلها لي ولاحبيت اوصل له الرد دون اعرضها عليكم واخذ الراي من هل الراي

كانها تجمل ارسلتها وكانها ماتجمل مسحتها من الجوال ههههههههههههههههههههه

على اعتبار اني مبتدئ ولا لي بهالمجال

كل ما بغيت ارائكم الصريحه ولا تهونون ياهل الشعر

يــــاراكــب ماوردوه الولايـــــــــــــــات = جيب جديد مابعد شفـــت زيــــــه
يــــاراكب فكسار طاوي المسافــــــــات = بــلغ ســـلامي واردفه بالتحيـــــه
نصه لبن مرزوق زبن الونيــــــــــــــات = مــــن لابة معروفــه بكل هيـــــــه
عــــون الدواســــرفاليال العسيــــــــرات = ووقت الرخى عزالخوي مع خويه
لاد العميـــري العمــــــور المسمـــــــات = سكان تمره والديـــــــار العذيـــــه
ابو فــــهد مــــرزوق في كل حـــــزات = ترفعلك البيضا غصـــــب عليـــــه
وغصب على الحاسد ومن كان شمات = طرق عليهم يالخوي بالسويه
ماينكر المعروف اهل المروات = ما ينكره ياكود ولد الرديه
انت اللذي ماتجي منك زلات = وانت العزوم المردفات القويه
ان شحت يدينه فيقوللي هات = واللي بيدينه حاسبه في يديه
يقوله اللي ماسمع قول شمات = ولاطاع نمام ولاهمل خويه
من لابت تجعل الصعب سهلات = الاد ابن مسعر لهم مقدريه

اجمل تحيه للجمييييييييع

**معلومات** **العضو** · 27-10-2007, 02:52 AM

ماينكر المعـروف اهـل المـروات مـا ينكـره ياكـود ولـد الـرديـه
انـت اللـذي ماتجـي منـك زلات وانـت العـزوم المردفـات القويـه

قمه الابداع اخوي 000ارسلها ولاتشيل هم وبالتوفيق ان شاالله

**معلومات** **العضو** · 27-10-2007, 04:14 AM

كفو كفو يابن مسعر وجعل ربي يصح لسانك يالقرم وهذي القصيده اعتبر انها واهمه في درب الخيال وفي دروب المراجل تقبل مروري وأعجابي

وكل من شاعر له سحاير ناويات الغيم=وكل من شاعر عابر من عيال التومهيه

اخوك
الامبراطـــور

**معلومات** **العضو** · 27-10-2007, 05:35 AM

شوق الرياض

الامبراطور

مشكورين والله لا يهينكم وافين بمروركم الجميل وتعقيبكم الاجمل
شهادتكم وسام واعتز فيه
لكم جزيل الشكر
اجمل تحيه

**معلومات** **العضو** · 28-10-2007, 01:57 AM

ابن مشخص

صح لسانك ابيات جزلة كفو وتستاهل الناموس

تقبل تحياتي

**معلومات** **العضو** · 28-10-2007, 10:21 PM

ولسانك يابو علي مرحبابك والله لا يهينك على المرور الطيب ابيض وجه

الامبراطور

طلبتك

وش معنات واهمه في درب الخيال وددروب المراججل ترا مانيب افهم هالكلام ياخوك ههههههه هو زين ولا شين

**معلومات** **العضو** · 30-10-2007, 11:23 AM

صح لسانك يابن مشخص

قصيده رائعه تكشف لنا عن موهبه شعريه فـــلا تحرمنا من قصايدك

**معلومات** **العضو** · 01-11-2007, 10:49 PM

نايف الخيلي

ابرك الساعات مرورك وتعقيبك الطيب يشرفني

اخوك ابن مشخص

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية