8 في 1 ( الجزء الثاني )

[معلومات العضو فراج بن فهد آل تركي]

السلام عليكم ورحمة الله وبركاته :

أما قبل :

أتمنى من الإخوة الذين تشرف جوالي بإحتوائه على أسمائهم أن يرسلوا
لي أرقامهم عبر الخاص فقد فقدت جوالي على يد أحد اللصوص سامحه الله

أما بعد :

فهذه مجموعة من القصائد منها الجديد ومنها القديم أتمنى أن تحوز على بعض رضاكم
وأعتذر عن الإطالة :


(( نحن وبغداد وأسعار الأرز))

بغداد لاترجين مـن قومنـا تْفـز=صرخة جروحك ماوصلنا صداهـا
فيك الشرف ينهان والروس تجتز=وأمٍ ترمّـل ثـم يُذبـح ضنـاهـا
لادمعـةٍ طاحـت ولاقلـبٍ اهتـز=ماتـت مشاعرنـا ومتنـا وراهـا
تبكين من جور العدو يوم يبتـزّ..=أرضك , وقواتـه تغطّـي سماهـا
وتبكين عـودٍ بالعصـاة ايتعكّـز=بعد اقصفوا داره وسـاوت ثراهـا
جثث عياله تحت الأنقـاض تبـرز=ومما رأت عينـه تمنـى عماهـا
وتبكين عذراً في الزنازين تِحجـز=ثيابهـا تِنـزع ويوجـع ابكـاهـا
تصيح وتنادي وتنخى .. ونعجز ..=نصغـي لهـا وألا نلبـي نداهـا
قولي لها لاتذكـر المجـد والعـز=هـذي أساطيـرٍ وكـلٍ نسـاهـا
إنا قضيتنا : غلا ( كيسة الـرز)=الله ياخذ من سعـى فـي غلاهـا

هذه قصيدة وجهها إلي قبل أسبوعين
الأخ الشاعر خلف بن غصاب آل فراج الشكره :

أنا أشوف وضع الحبل فوق الغوارب طال=وروسٍ تهزهـز خـوفٍ تقـول منهبلـه
مرتهم غدت رجال وتهوش هوش ارجال=كديش العرب عنتر وهـي كنهـا عبلـه
زمـانٍ ورثنـا خوفـه وقمعتـه واذلال=ندور بفضى فاضي وضيقٍ كمـا الدبلـه
تقول اندثرنا من الوجود وغدينا أطـلال=غدا الأبلـه العاقـل وراع الغنـم بإبلـه
كتمت المشاعر عدة أشهر وضاق البـال=وأبشكي علـى فـراج والكبـد مندبلـه
تسلط علينا الفرسـي الساقـط الزبـال=غدا العالم أخرس وأطيب الناس صار أبله
غدا يومنا سرمد وليل العنـا بـه طـال=عقب مارحل أسدٍ وقبلـه رحـل شبلـه
ويش الحل يا مشكاي هل يذكرون رجال؟=وهل به أمل بنعدي الشوك مـن حبلـه؟

وهذا جوابي لقصيدة أبوغصاب :

بيوت الجزالة مثـل غيـثٍ عقـب الإمحـال=تكاشف ابروقـه فـي الدجـا وانحـدر وبلـه
لذا ياخلف معذور مـن هـو شكـى الغربـال=وقـام ايتمنـى أبياتـك اليـوم تنسـب لـه
وأنـا والله أنـي ياخـلـف فـاقـدٍ هــذال=ومشعـي وأبـونـواف وأيامـنـا القبـلـه
وأنـا كلمـا برّقـت فـي حاضـر الأجـيـال=رأيـت السعـادة طاحـت زهورهـا الذبـلـه
أشوف العرب مابين الأسهـم وسـوق المـال=وهـذا علـى عـوده والآخـر علـى طبلـه
ما أظن النصر ممكن وحنـا علـى ذا الحـال=ياكـون انخضـع للـي جعـل بيتـه القبلـه
لامنّا قضبنـا الديـن فابشـر بطيـب الفـال=ونصـرٍ مـؤزّر مــاش بـعـده ولاقبـلـه
وإذا صال " ابن متعة " فقل له : بلاش اخبال..=على الهـون ياهبلـه علـى الهـون ياهبلـه
بيلقى السبـاع الضاريـة تحتمـي الأدغـال=ويرجـع كسيـرٍ مختـلـط حبـلـه بنبـلـه
لكـن لإستمرينـا علـى سابـق المـنـوال=فلاترتجـي شــوف الزمالـيـق والربـلـه
رجانا عسـى الله ياخلـف يصلـح الأحـوال=بعـد مـا تجرعـنـا المرارات مندبـلـه
بنصبـر يـا أبوغصـاب ويحلّهـا الـحـلاّل=ولـو وقتنـا بكبـودنـا يلـعـب السبـلـه

(( الدجاج الفرنسي))

ياذا البخيل اللي مع النـاس منسـي=بالك تلوم الناس لاصـرت مقمـوع
على حسب الأفعال قبل أمس وأمسي=تلقى جزاك اليوم والشـك مرفـوع
الطيّب يجلّس علـى أعـز كرسـي=وألا الردي ياقف ورى الباب ملطوع
وفعايلـك ماغيـر حكـيٍ وهلسـي=وأغلب أحاديثك ضعيفٍ وموضـوع
تمضي ثلاث سنين وأربع وخمسـي=ماقلّط بمجلسك ضيـفٍ ولا اربـوع
وإن احصلت : جيت بدجاجه وببسي=وإن كثّرت : كيلو سمك قد له أسبوع
أما الذبيحـة كنهـا قلـع ضرسـي=أصعب على شرواك من حب كرسوع
الله يبارك فـي الدجـاج الفرنسـي=لولاه قد ماتوا عيالك مـن الجـوع

(( كنّا وكنّا ))

فيما مضى كنّا على الأرض حكام=ترضخ لنا كل الدول والشعوبي
من حد (صنعاء) لين بوابة ( الشام)=ومن ( طنجة) ( لماليزيا) في الجنوبي
على (جبل طارق) لنا عروش وأعلام=وعلى( بلاد السند ) حاكم ولوبي
كان (الرشيد) يخاطب السحب : " قدام...=صبّي وياتيني خراج الصبوبي
كنا دعاة الرحمة ووصل الأرحام=وبعد الله الملجا لشاكي الكروبي
كنا صناديد الشجاعة والإقدام=تشهد لنا ساحات غبر الحروبي
كنا وكنا وانتهت ذيك الأيام=صارت لنا مثل السراب الكذوبي
صمّ الجبال الراسخة راحت احطام=يهزّها حتى نسيم الهبوبي
اليوم في ظل احتلالات الأقزام=عشنا المذلة واختلاف القلوبي
نصبح على دمع الثكالى والأيتام=ونمسي على العرض الشريف امغصوبي
والمشكلة ماعاد لجروحنا آلام=ماتت مشاعرنا بكثر الخطوبي
بعد تهاونّا بتعاليم الإسلام=شمس المعزة حوّلت للغروبي

(( رسالة مختصرة إلى شيخ مزيف ))

ياشيخ أو ياللي يسمونك الشيخ=عن شيختك ياشيخهم مادرينا
مدري من الهندوس وألا من السيخ=بس الوكاد أنك غريبٍ علينا
لنتب من اللي يصنعون الصواريخ=ولنتب ياابن الأجواد منا وفينا
ياجاهلٍ قدر العرب والتواريخ=لاتجهل فنجهل على الجاهلينا
بأفعالنا نسقي العدا سم زرنيخ=ونقلط الصاحب لسمن وسمينا
من هان نفسه ذاق حسرة وتوبيخ=ومن شاف نفسه هانه العاقلينا
خلك وسط واترك طريق المفاضيخ=شفهم يسار الخط متقلبينا
مانحترم غير الرجال المطانيخ=كسابة النوماس دنياً ودينا
ومانحتقر غير الخفافيش والذيخ=قناصة الفيران في ( برّ سيناء)
ناسٍ من ثياب المروة مفاصيخ=الله يعافيهم ولايبتلينا

قبل عامين حصلت على بعثة لأمريكا وتركتها وأنصح إخواني المبتعثين بالبحث
عن بديل وهو متوفر بكثرة ولله الحمد :

ياابوجزاء تقدر تشاهد جوازي=تأشيرة أمريكا عليه امختومه
بعثة دراسية من أحدث طرازي=أخذتها والله يعز الحكومة
وبكامل الرغبة وكل اعتزازي=عرّضتها صفق الرياح الصرومة
ماطاعني ساقي على أرض المخازي=محاربة الإسلام وأكبر اخصومه
رزقٍ وراها ماعليه اعتيازي=لو متّنا من الجوع مارحت أسومه
مانيب لاتاجر ولابرجوازي=لاشك نفسي كل عزٍ ترومه
ضاريٍ على قنص السمان الجوازي=ماهمني حر الزمان وسمومه
من يطلب العليا وروس النوازي=لاترتخي عند الشدايد اعزومه
الله خلق حرٍ وبومٍ وبازي=والفرق شاسع بين حرٍ وبومه

قصيدة كتبتها مع بداية أحداث التفجير في المملكة
و خلطت فيها الجد بالمزح لتلطيف الجو في هذا الموضوع الحساس :

حبّ الوطن لأهل الجيوب المليّـة=أهل اللكاسز والفلـل والملاييـن
أما الذي مثلـي افلوسـه رديّـة=مستويةٍ عنده ولوعاش في الصين
أقوله أمـزح قبـل تنـوون نيّـة=يافرقة ( عليشة ) صعوط المجانيين
أنا سعودي وأفتخر بالهوية=ولافيه مثل(المملكة)فـي البلاديـن
مهبط وحي وبلاد خيـر البريّـة=(الأمين ابوالقاسم)شفيع المصلّين
وموطن هل التوحيـد والحنبليّـة=يكفيك(ابن باز الحبر والعثيميـن)
الله عطى(آل سعود)حبّ الرعيّـة=وإنّا نبايعهم على العسـر والليـن
مانستمع(سعـد الفقيّه)وخويّـه=الحاقد الأهوج عديم المضاميـن
لوعندهـم للديـن خيـر وحميّـة=ماإستوطنوا(لندن) بحضن المعادين
نخشى الوعيد بميتـة الجاهليّـة=لونخلع البيعة ونجفى السلاطيـن
وإن شفتنا بعض الأمـور الدنيّـة=لاقايلـن زيـنٍ ولاقايلـن شيـن
قد شفت ( أبومتعب) على (العربية)=يقول ويصرّح بروس العناوين :
بأضرب بكفٍّ من حديـدٍ عتيّة=على الذي مايلتزم بالقوانيين
لذلك بنسكت على مكرهية=العافية زينة ولنّاب عجلين
وقصة هل الإرهاب قصـة خفيّـة=فيها جوانب غامضـة للفهيميـن
بسّ الأكيد إنهـا جريمـة قويّـة=ترويـع للآمـن وقتـل البريّيـن
أحيان أظنّ اللي حـدث مسرحيّـة=بشاعته فاقـت خيـال الكثيريـن
شباب في عمر الزهـور النديّـة=راحوا ضحيّة للغلـو والشياطيـن
بالرغم من ذلـك تراهـا خطيّـة:=نقطع لهم بالنار هجسٍ وتخميـن
فتوى هل العلـم بخطاهـم جليّـة=قالوا خوارج والخوارج مسلميـن
تجريمهم واجـب عليـك وعليّـه=وتكفيرهم يحتاج رأي الخبيريـن
رأي المشايخ فاهميـن القضيّـة=هم قادة الأمّـة بشتّـى المياديـن
الله يحفظ الدار مـن كـل سيّـة=من بوش وإجنود اليهود الملاعين
والله يـردّ القـدس والقادسـيّـة=وترجع لنا البصرة وترجع فلسطين

يقول الرسول صلى الله عليه وسلم : (( ‏ ‏من أصبح منكم آمنا في ‏ ‏سربه
‏ ‏معافى في بدنه عنده قوت يومه فكأنما ‏ ‏حيزت ‏ ‏له الدنيا بحذافيرها ))
قصيدة حول هذا المعنى :

أحدٍ إقصوره فـي شمـال (العليّـا)=وأحدٍ (بمنفوحة ) خذا غرفتينـي
وأحـدٍ مصيفـه في العطل (ماربـيّـا)=وأحدٍ مصيفه بين طعسٍ وطيني
وأحدٍ معـه فكسـار وارد (إدبيّـا)=وأحـدٍ (كـورلاّ ) خبّطـت مرتيـنـي
وأنـا وربٍّ باعـث أحـمـد نبـيّـا=مـاوالله أحسدهـم وعقلـي رزينـي
بالعكـس يحزنّـي عُصاةٍ تفـيّـا=فـي وارف ظـلال النعـم فاسقينـي
مايشكـرون الله عظـيـم العطـيّـا=اللـي وهبهـم كـلّ شـيٍّ حسينـي
المسعد اللـي يملـك المـال وأيّـا..=أفعالٍ تنومس وديـنٍ متيـنـي
ينفق مثـل عثمـان سمـح المحيّـا=وأبوبكـر عـون الكهـل والجنينـي
وإن جـاوه الضيفـان رحّـب وهيّـا=أقـل مايلقـون كـبـشٍ سميـنـي
أمـا الـذي قصـره ينـوش الثريّـا=وهو على نفسـه مـن المجرمينـي
هذا يسمّـى خبـل مابـه إغبـيّـا=مفروض يرمى في المصحّه سجينـي
قلته وأنـا اللـي قانـع بكـلّ شيّـا=وكنز القناعة أشهد أنه ثمينـي
لاصار عنـدي قـوت يومـي إمهيّـا=وجسمـي إمعافـا والأهـل وامنينـي
كنـي ملكـت الكـون كلـه إهنـيّـا=مـن دار بوش ايلين دار الخمينـي
ليـه الطمـع فـي رزق هـذا وذيّـا=وهــذا وذيّــا كلهم راحليني
ويبقى مـن الأعمـال حسـنٍ وسيّـا=وصحايـفٍ تعطـى يسـار ويمينـي
فـيالله بالتثبيـت (مادمـتُ حـيّـا)=وإن متّ عفوك ياأرحـم الراحمينـي

 

 

 

 

[معلومات العضو عامر النتيفات]

الأخ العزيز والشاعر القدير / فراج بن فهد
السلام عليكم ورحمة الله وبركاته:
يسعدني ان اكون من اول المتصفحين لتلك الدرر الثمينه من جديديك وقديمك
والذي مهما قلت فشهادتي فيك مجروحه . وحتى لو اقول فماذا عساني ان اقول القول في شعر امثالكم
صعب وليس بالسهوله . فأنا من طلابك الذين استفاد منك فائدة كبيره ومجاراتي ومساجلاتي الكثيره
معك زادتني قوه وثبات وصقلة شاعريتي واستفدت منها فائدة كبيره
اتمنى ان تعود تلك الليالي الملاح والمساجلات الرنانه التي نفتخر بها ونعتز
.
ابو فهد اجدها فرصه لتهنئتك بقرب الشهر الفضيل شهر رمضان المبارك واسأل الله ان يبارك لنا في شعبان وبلغنا رمضان
.

 

 

 

 

[معلومات العضو أبونواف الدوسري]

الأخ العزيز الشاعر فراج بن فهد

كل الشكر والتقدير علي هذه المجموعه الشعريه المنوعه...

عسي الله سبحانه وتعالي يوفقك ويرحم والديك

ويتقبل طاعتك في الشهر الفضيل ولا يحرمك أجره...

تقبل تقدير وأحترام

أخوك أبو نواف الدوسري

 

 

 

 

[معلومات العضو نايف بن مسرع]

المشاركة الأصلية كتبت بواسطة فراج بن فهد

السلام عليكم ورحمة الله وبركاته :

أما قبل :

أتمنى من الإخوة الذين تشرف جوالي بإحتوائه على أسمائهم أن يرسلوا
لي أرقامهم عبر الخاص فقد فقدت جوالي على يد أحد اللصوص سامحه الله

أما بعد :

فهذه مجموعة من القصائد منها الجديد ومنها القديم أتمنى أن تحوز على بعض رضاكم
وأعتذر عن الإطالة :


(( نحن وبغداد وأسعار الأرز))

بغداد لاترجين مـن قومنـا تْفـز=صرخة جروحك ماوصلنا صداهـا
فيك الشرف ينهان والروس تجتز=وأمٍ ترمّـل ثـم يُذبـح ضنـاهـا
لادمعـةٍ طاحـت ولاقلـبٍ اهتـز=ماتـت مشاعرنـا ومتنـا وراهـا
تبكين من جور العدو يوم يبتـزّ..=أرضك , وقواتـه تغطّـي سماهـا
وتبكين عـودٍ بالعصـاة ايتعكّـز=بعد اقصفوا داره وسـاوت ثراهـا
جثث عياله تحت الأنقـاض تبـرز=ومما رأت عينـه تمنـى عماهـا
وتبكين عذراً في الزنازين تِحجـز=ثيابهـا تِنـزع ويوجـع ابكـاهـا
تصيح وتنادي وتنخى .. ونعجز ..=نصغـي لهـا وألا نلبـي نداهـا
قولي لها لاتذكـر المجـد والعـز=هـذي أساطيـرٍ وكـلٍ نسـاهـا
إنا قضيتنا : غلا ( كيسة الـرز)=الله ياخذ من سعـى فـي غلاهـا

هذه قصيدة وجهها إلي قبل أسبوعين
الأخ الشاعر خلف بن غصاب آل فراج الشكره :

أنا أشوف وضع الحبل فوق الغوارب طال=وروسٍ تهزهـز خـوفٍ تقـول منهبلـه
مرتهم غدت رجال وتهوش هوش ارجال=كديش العرب عنتر وهـي كنهـا عبلـه
زمـانٍ ورثنـا خوفـه وقمعتـه واذلال=ندور بفضى فاضي وضيقٍ كمـا الدبلـه
تقول اندثرنا من الوجود وغدينا أطـلال=غدا الأبلـه العاقـل وراع الغنـم بإبلـه
كتمت المشاعر عدة أشهر وضاق البـال=وأبشكي علـى فـراج والكبـد مندبلـه
تسلط علينا الفرسـي الساقـط الزبـال=غدا العالم أخرس وأطيب الناس صار أبله
غدا يومنا سرمد وليل العنـا بـه طـال=عقب مارحل أسدٍ وقبلـه رحـل شبلـه
ويش الحل يا مشكاي هل يذكرون رجال؟=وهل به أمل بنعدي الشوك مـن حبلـه؟

وهذا جوابي لقصيدة أبوغصاب :

بيوت الجزالة مثـل غيـثٍ عقـب الإمحـال=تكاشف ابروقـه فـي الدجـا وانحـدر وبلـه
لذا ياخلف معذور مـن هـو شكـى الغربـال=وقـام ايتمنـى أبياتـك اليـوم تنسـب لـه
وأنـا والله أنـي ياخـلـف فـاقـدٍ هــذال=ومشعـي وأبـونـواف وأيامـنـا القبـلـه
وأنـا كلمـا برّقـت فـي حاضـر الأجـيـال=رأيـت السعـادة طاحـت زهورهـا الذبـلـه
أشوف العرب مابين الأسهـم وسـوق المـال=وهـذا علـى عـوده والآخـر علـى طبلـه
ما أظن النصر ممكن وحنـا علـى ذا الحـال=ياكـون انخضـع للـي جعـل بيتـه القبلـه
لامنّا قضبنـا الديـن فابشـر بطيـب الفـال=ونصـرٍ مـؤزّر مــاش بـعـده ولاقبـلـه
وإذا صال " ابن متعة " فقل له : بلاش اخبال..=على الهـون ياهبلـه علـى الهـون ياهبلـه
بيلقى السبـاع الضاريـة تحتمـي الأدغـال=ويرجـع كسيـرٍ مختـلـط حبـلـه بنبـلـه
لكـن لإستمرينـا علـى سابـق المـنـوال=فلاترتجـي شــوف الزمالـيـق والربـلـه
رجانا عسـى الله ياخلـف يصلـح الأحـوال=بعـد مـا تجرعـنـا المرارات مندبـلـه
بنصبـر يـا أبوغصـاب ويحلّهـا الـحـلاّل=ولـو وقتنـا بكبـودنـا يلـعـب السبـلـه

(( الدجاج الفرنسي))

ياذا البخيل اللي مع النـاس منسـي=بالك تلوم الناس لاصـرت مقمـوع
على حسب الأفعال قبل أمس وأمسي=تلقى جزاك اليوم والشـك مرفـوع
الطيّب يجلّس علـى أعـز كرسـي=وألا الردي ياقف ورى الباب ملطوع
وفعايلـك ماغيـر حكـيٍ وهلسـي=وأغلب أحاديثك ضعيفٍ وموضـوع
تمضي ثلاث سنين وأربع وخمسـي=ماقلّط بمجلسك ضيـفٍ ولا اربـوع
وإن احصلت : جيت بدجاجه وببسي=وإن كثّرت : كيلو سمك قد له أسبوع
أما الذبيحـة كنهـا قلـع ضرسـي=أصعب على شرواك من حب كرسوع
الله يبارك فـي الدجـاج الفرنسـي=لولاه قد ماتوا عيالك مـن الجـوع

(( كنّا وكنّا ))

فيما مضى كنّا على الأرض حكام=ترضخ لنا كل الدول والشعوبي
من حد (صنعاء) لين بوابة ( الشام)=ومن ( طنجة) ( لماليزيا) في الجنوبي
على (جبل طارق) لنا عروش وأعلام=وعلى( بلاد السند ) حاكم ولوبي
كان (الرشيد) يخاطب السحب : " قدام...=صبّي وياتيني خراج الصبوبي
كنا دعاة الرحمة ووصل الأرحام=وبعد الله الملجا لشاكي الكروبي
كنا صناديد الشجاعة والإقدام=تشهد لنا ساحات غبر الحروبي
كنا وكنا وانتهت ذيك الأيام=صارت لنا مثل السراب الكذوبي
صمّ الجبال الراسخة راحت احطام=يهزّها حتى نسيم الهبوبي
اليوم في ظل احتلالات الأقزام=عشنا المذلة واختلاف القلوبي
نصبح على دمع الثكالى والأيتام=ونمسي على العرض الشريف امغصوبي
والمشكلة ماعاد لجروحنا آلام=ماتت مشاعرنا بكثر الخطوبي
بعد تهاونّا بتعاليم الإسلام=شمس المعزة حوّلت للغروبي

(( رسالة مختصرة إلى شيخ مزيف ))

ياشيخ أو ياللي يسمونك الشيخ=عن شيختك ياشيخهم مادرينا
مدري من الهندوس وألا من السيخ=بس الوكاد أنك غريبٍ علينا
لنتب من اللي يصنعون الصواريخ=ولنتب ياابن الأجواد منا وفينا
ياجاهلٍ قدر العرب والتواريخ=لاتجهل فنجهل على الجاهلينا
بأفعالنا نسقي العدا سم زرنيخ=ونقلط الصاحب لسمن وسمينا
من هان نفسه ذاق حسرة وتوبيخ=ومن شاف نفسه هانه العاقلينا
خلك وسط واترك طريق المفاضيخ=شفهم يسار الخط متقلبينا
مانحترم غير الرجال المطانيخ=كسابة النوماس دنياً ودينا
ومانحتقر غير الخفافيش والذيخ=قناصة الفيران في ( برّ سيناء)
ناسٍ من ثياب المروة مفاصيخ=الله يعافيهم ولايبتلينا

قبل عامين حصلت على بعثة لأمريكا وتركتها وأنصح إخواني المبتعثين بالبحث
عن بديل وهو متوفر بكثرة ولله الحمد :

ياابوجزاء تقدر تشاهد جوازي=تأشيرة أمريكا عليه امختومه
بعثة دراسية من أحدث طرازي=أخذتها والله يعز الحكومة
وبكامل الرغبة وكل اعتزازي=عرّضتها صفق الرياح الصرومة
ماطاعني ساقي على أرض المخازي=محاربة الإسلام وأكبر اخصومه
رزقٍ وراها ماعليه اعتيازي=لو متّنا من الجوع مارحت أسومه
مانيب لاتاجر ولابرجوازي=لاشك نفسي كل عزٍ ترومه
ضاريٍ على قنص السمان الجوازي=ماهمني حر الزمان وسمومه
من يطلب العليا وروس النوازي=لاترتخي عند الشدايد اعزومه
الله خلق حرٍ وبومٍ وبازي=والفرق شاسع بين حرٍ وبومه

قصيدة كتبتها مع بداية أحداث التفجير في المملكة
و خلطت فيها الجد بالمزح لتلطيف الجو في هذا الموضوع الحساس :

حبّ الوطن لأهل الجيوب المليّـة=أهل اللكاسز والفلـل والملاييـن
أما الذي مثلـي افلوسـه رديّـة=مستويةٍ عنده ولوعاش في الصين
أقوله أمـزح قبـل تنـوون نيّـة=يافرقة ( عليشة ) صعوط المجانيين
أنا سعودي وأفتخر بالهوية=ولافيه مثل(المملكة)فـي البلاديـن
مهبط وحي وبلاد خيـر البريّـة=(الأمين ابوالقاسم)شفيع المصلّين
وموطن هل التوحيـد والحنبليّـة=يكفيك(ابن باز الحبر والعثيميـن)
الله عطى(آل سعود)حبّ الرعيّـة=وإنّا نبايعهم على العسـر والليـن
مانستمع(سعـد الفقيّه)وخويّـه=الحاقد الأهوج عديم المضاميـن
لوعندهـم للديـن خيـر وحميّـة=ماإستوطنوا(لندن) بحضن المعادين
نخشى الوعيد بميتـة الجاهليّـة=لونخلع البيعة ونجفى السلاطيـن
وإن شفتنا بعض الأمـور الدنيّـة=لاقايلـن زيـنٍ ولاقايلـن شيـن
قد شفت ( أبومتعب) على (العربية)=يقول ويصرّح بروس العناوين :
بأضرب بكفٍّ من حديـدٍ عتيّة=على الذي مايلتزم بالقوانيين
لذلك بنسكت على مكرهية=العافية زينة ولنّاب عجلين
وقصة هل الإرهاب قصـة خفيّـة=فيها جوانب غامضـة للفهيميـن
بسّ الأكيد إنهـا جريمـة قويّـة=ترويـع للآمـن وقتـل البريّيـن
أحيان أظنّ اللي حـدث مسرحيّـة=بشاعته فاقـت خيـال الكثيريـن
شباب في عمر الزهـور النديّـة=راحوا ضحيّة للغلـو والشياطيـن
بالرغم من ذلـك تراهـا خطيّـة:=نقطع لهم بالنار هجسٍ وتخميـن
فتوى هل العلـم بخطاهـم جليّـة=قالوا خوارج والخوارج مسلميـن
تجريمهم واجـب عليـك وعليّـه=وتكفيرهم يحتاج رأي الخبيريـن
رأي المشايخ فاهميـن القضيّـة=هم قادة الأمّـة بشتّـى المياديـن
الله يحفظ الدار مـن كـل سيّـة=من بوش وإجنود اليهود الملاعين
والله يـردّ القـدس والقادسـيّـة=وترجع لنا البصرة وترجع فلسطين

يقول الرسول صلى الله عليه وسلم : (( ‏ ‏من أصبح منكم آمنا في ‏ ‏سربه
‏ ‏معافى في بدنه عنده قوت يومه فكأنما ‏ ‏حيزت ‏ ‏له الدنيا بحذافيرها ))
قصيدة حول هذا المعنى :

أحدٍ إقصوره فـي شمـال (العليّـا)=وأحدٍ (بمنفوحة ) خذا غرفتينـي
وأحـدٍ مصيفـه في العطل (ماربـيّـا)=وأحدٍ مصيفه بين طعسٍ وطيني
وأحدٍ معـه فكسـار وارد (إدبيّـا)=وأحـدٍ (كـورلاّ ) خبّطـت مرتيـنـي
وأنـا وربٍّ باعـث أحـمـد نبـيّـا=مـاوالله أحسدهـم وعقلـي رزينـي
بالعكـس يحزنّـي عُصاةٍ تفـيّـا=فـي وارف ظـلال النعـم فاسقينـي
مايشكـرون الله عظـيـم العطـيّـا=اللـي وهبهـم كـلّ شـيٍّ حسينـي
المسعد اللـي يملـك المـال وأيّـا..=أفعالٍ تنومس وديـنٍ متيـنـي
ينفق مثـل عثمـان سمـح المحيّـا=وأبوبكـر عـون الكهـل والجنينـي
وإن جـاوه الضيفـان رحّـب وهيّـا=أقـل مايلقـون كـبـشٍ سميـنـي
أمـا الـذي قصـره ينـوش الثريّـا=وهو على نفسـه مـن المجرمينـي
هذا يسمّـى خبـل مابـه إغبـيّـا=مفروض يرمى في المصحّه سجينـي
قلته وأنـا اللـي قانـع بكـلّ شيّـا=وكنز القناعة أشهد أنه ثمينـي
لاصار عنـدي قـوت يومـي إمهيّـا=وجسمـي إمعافـا والأهـل وامنينـي
كنـي ملكـت الكـون كلـه إهنـيّـا=مـن دار بوش ايلين دار الخمينـي
ليـه الطمـع فـي رزق هـذا وذيّـا=وهــذا وذيّــا كلهم راحليني
ويبقى مـن الأعمـال حسـنٍ وسيّـا=وصحايـفٍ تعطـى يسـار ويمينـي
فـيالله بالتثبيـت (مادمـتُ حـيّـا)=وإن متّ عفوك ياأرحـم الراحمينـي

ابوفهد
والله إنك تظلم قبيلتك أولاً ثم شخصك الكريم ثانياً بغيابك عن نشر مثل هذه الروائع !!

والسبب: أنك من المبدعين القلائل ، والإبداع حق لا تملك الاحتفاظ به لنفسك ، فلكل متذوق للشعر الحقيقي الذي قال فيه الشاعر العربي :

إذا الشعر لم يهززك حين سماعه=فليس حري أن يقال له شعر

حق في أن يمتع ناظريه ويشنف آذانه بقراءة وسماع مثل هذه النصوص الراقية ، ذات العاطفة الصادقة ، والأسلوب الجميل

وأمام ماقرأت من روعة الشعر ، لا أزيد على قول (( أطال الله عمرك على طاعة ، ودمت مبدعاً كما عهدناك ))

 

 

 

 

[معلومات العضو منذر بن رشود]

أرررررررررررررحب تراااااااااحيب المطر يابوفهد

يشهد الله بمحبتي لك يابوفهد

بعض الرجال تحبهم من سمعتهم وانت ماتعرفهم ومن تمسكهم بدينهم

وانت جمعت الثنتين وزودٍ على هذا أبن عم افتخربك جدآآآ يابوفهد

صح لسانك أنا من أحد الذين يتعطشون لقصائدك للاستفاده والطرق علىنهجك دمت سالم وغانم

ابوفهــــد ((راجع تلفووووونك)) (نغزها مع طيب نيه)

ههههه


لاهنت يالذيب

 

 

 

 

[معلومات العضو ابوفيصل الدوسري]

صح لسانك والله والله يعطيك العافيه ولاتنسانا بجديدك

 

 

 

 

[معلومات العضو أحمد الغاطي]

ألا 8 قصائد عن 8000 قصيده

صح لسانك يافراج الشكره وياحلو لمسات الدين الواضحه بقصايدك

أنت وعبدالله بن راجس مع أن ودي تسفهون شوي وتغزلّون بغزل عفيف لو بقصيده وحده

على شانّا وحملّوني ذنبها يبوفهد

 

 

 

 

[معلومات العضو نايف الخييلي]

الشـــاعر فــراج بن فهد

صـــح لسانكـ وأعتلى شأنك على هذه القصايد الجزله والأبيات الرائعــه

وكـــل وحده تستحق ان توضــع بموضوع لحالها


بيض الله وجـــهك على إتحافنا بها

 

 

 

 

[معلومات العضو فراج بن فهد آل تركي]

الأخ الشاعر عامر النتيفات :

شهادة أعتز بها من شاعر في مثل منزلتك

وماقلتَ ماقلت إلا من كرم أخلاقك وتواضع ذاتك

والشهر علينا وعليك يتبارك جعلنا الله وإياكم ممن يقومه إيماناً واحتساباً .

تقبل خالص شكري وامتناني .

 

 

 

 

[معلومات العضو فراج بن فهد آل تركي]

الأخ العزيز أبونواف

والله أن الدعوات التي ضمها تعليقك تساوي لدي ملأ الأرض من
قصائد ودواوين وكلمات ثناء ومديح وإطراء
أسأل الله أن يوفقنا وإياكم لصيام وقيام هذا الشهر الفضيل
عاجز عن شكرك أخي الكريم

 

 

 

 

[معلومات العضو فراج بن فهد آل تركي]

شاعرنا الكبير نايف بن مسرع :

منذ قرأت ردك لأول مرة وإلى الآن وأنا أبحث عما يليق به من عبارات الشكر
والإمتنان ولم أجد
كلماتك النابعة من قلب صادق كان لها أعظم الأثر وأبلغه
في قلب أخيك المحب لشعرك وشخصك الكريم

وثق ياأبوعبدالمحسن أن نشري لقصائدي بين أبناء عمومتي وإطلاعهم
عليها يعادل في نظري كل وسائل الإعلام المسموعة والمقرؤوة بدون مبالغة مع احترامي
وتقديري للجميع

لاهنت ياأبوعبدالمحسن على كرم المرور والتعليق

 

 

 

 

[معلومات العضو ماجد بن رويه]

الشاعرالمبدع فراج بن فهد


صح السانك وسلم بنانك


بحق مدرسه



قرأت واستمتعت واستفدت



تقبل تحياتي

 

 

 

 

[معلومات العضو فراج بن فهد آل تركي]

ابن العم الغالي منذر بن حمد :

الشهر عليك مبارك ياأبوحمد
ولاعليك زود فيما قلت
وافي جعلك تحيا في جميع الأمور مرجلة وشهامة وقصيد وغيرها
رغم تقصيري في حقك إلا أن طيبك وكرمك يجعلك تصفح وتتجاوز عن التقصير

تقبل خالص شكري وتقديري

 

 

 

 

[معلومات العضو فراج بن فهد آل تركي]

أخي أبوفيصل الدوسري

صح بدنك والشهر عليك مبارك

وتستاهلون الجديد الذي يتشرف بمصافحة أنظاركم له

تقبل شكري وتقديري

 

 

 

 

[معلومات العضو فراج بن فهد آل تركي]

أخي العزيز أحمد الغاطي :

لقد قرأت ردك هنا وردك هناك في قصيدة أخي عبدالله بن راجس
فلم أجد والله إلا نقاء السريرة وصدق العبارة وكرم المشاعر
والإخوة التي أعتز بها وبصاحبها
وأعذرني على عدم التعليق على ماكتبته هناك في حق أخيك الفقير
إلى عفو ربه فقد نسيت وماأنسانيه إلا الشيطان وجل من لايسهو .
وبخصوص قصائد الغزل لانتهى رمضان وتعيدنا على خير
فلناب مختلفين وإياكم إن شاء الله
لكن بشرط تكون البداية من عند أبوراجس



شكري وتقديري لك أخي أحمد على مرورك الكريم والشهر عليك مبارك .