هديه خاصه للمنتدى والقبيله وارجو السموحه - الصفحة 4

**معلومات** **العضو** · 03-02-2006, 10:36 PM

اقتباس:

المشاركة الأصلية كتبت بواسطة مطلق الحصان آل عمار

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

مساكم الله بالخير
يسرني ان اقوم بطرح هذه القصيده بين ايديكم وقد قلتها خلال الشهر الماضي خلال كتابه قصائد الا انني لم اقم بنشر هذي القصيده فاحببت ان اهديها للمنتدى ومن فيه وللقبيله عامه وارجو السموحه .

ابتدي باذكار ربي آله العالمين= خالق(ن) ماكان وحده ولله الدوام
جلّ شانه دايم الدوم لجله ساجدين= نرتجي عفوه بيوم(ن) لنا فيه ازدحام
يوم هولات البصر والخلايق موقنين= ومن يقدم بالحساني لقا فيها السلام
وانثني بالقاف للي لهم فعل(ن) حسين= يوم قافي يستوي لي على مدح الكرام
كل قول(ن) ساسه الفعل له حبل(ن) متين=يعتلي بالعز مبناه ما جاه الهدام
لابتي غيث(ن) تنشى من الغربي رزين= بارقه لمع الهنادي اليا جا الاحتدام
لااستهاج وهاج صوته برعاده دنين= يشلع الروس العنيده ويجلى للعسام
لا انهمل بالغيث سيله عقب ماهو محين=يستظيق الضلع منّه ويصفق بارتطام
لاانتحا يصفق بجاله وغادي له عكين=كل ضلع(ن) زام طوله عليه السيل طام
من مقاديم السعد جاك وعلاج الحزين =الفرج عقب الدهر فيه غادي له علام
يروي الظامي ويجلى عطش غبر السنين=وتنجلي به كل كبد(ن) مغطيها الكدام
وينفرج به كل دمع(ن) بمحجر كل عين=الفرج عقب السهر يوم حاربها المنام
وتنطلق كل كفّن حداها الوقت شين= قصرّوها مبعدين الهقاوي بالسهام
ويعتلي به كل منهو بحرّابه غبين=يعتلي بالطايله فوق رايات العدام
ويرتقي به كل منهو لجا صوبه زبين= من دخل به قام لعداه يصفق بالبهام
الدواسر مجدهم كاتبينه باليدين=حبره الدم الحمر يوم وقفات الزحام
لآدزايد مضرب العز حامين العرين= ولآد تغلب منبع الجود عآقات الخصام
يوم جول الخيل والرمح والسيف السنين=واشهب البارود عجه يثوّر له كدام
والعزاوي والهقاوي وروغات الذهين= والمناوي حدها السيف من دون الكلام
لا اعتلو من فوق صفر(ن) عليها مسرجين= واردفو من فوق جيش(ن) يبوج(ن) الظلام
واستوت وحده ولا عاد فيها خيرتين= يوم خيرات الذليل الحياه ولو يظام
نارد الموت المحتم وجينا مقبلين=نارده يوم الحرايب مثل ورد الحيام
كسبنا يوم الحرايب من الكسب الثمين= القلايع والخزايز لنا يوم اللحام
ريشه الشعلان كسب(ن) من سيوف اليمين=جابها اللي بالفعايل رقا فوق المقام
مع ربوع(ن) لا استهاجت وجاوك واردين= كل جمعن قد نطحهم يجي فيه انقسام
كم طريح(ن) بالهنادي لكبده شالعين= قام عج الخيل فالقاع يبرمه ابترام
وكم صويبن ينزف الدم واضحى كاسرين= مانفع طب المداوي ولو عشرين عام
وحن سناد اللي من الحيف ما عيّن زبين= نعتلي به ويتعلاّ الى حد الغمام
يوم جا ابن مطرّف(ن) ثم قفاه اللي ظمين= الشريف بعدته كملوها بالتمام
حولو به لابتي فاللقا متسابقين= ثم رغا من عقب ما هوب غادي له رزام
لين كد القاع وامسى على قوزه دفين=واستمت باسم الآسامي على من كان هام
وفي ثرانا يشبعّن الضواري مطعمين= وفي ثرانا كل طير(ن) على العدوان حام
يشهد جريس اليماني وحنّا المحتمين = ما نعينه من طليبه وربعي له حزام
يستظّل بظل رمح(ن) يظل الخايفين= ويتذرا في ذرا السيف قصّام العظام
وقد شهد بالفعل برك(ن) وحنا خابرين= يوم ابن بدران للحرب قاده واستقام
نثني نمنع ونارد وحنا قادمين= لين نروي حربه السيف من كبد الخصام
وكل فعل(ن) قد ذكرته على ساس(ن) متين=يشهد التاريخ دايم وهو خير احتكام
والقبايل وافيه بالوفا طول السنين= مانغط فعول منهم على العليا كرام
والصلاه ختام قولي عدد مر السنين= للرسول اللي بهديه جلى عنا الظلام

وســــــــــــــــــــــــــلامتكم

وارجو السموحه اذا كان هناك خطأ املائي اونقص او زياده حرف ولكم بالغ شكري

اخوكــــــــم/

مطلق بن عبدالله الحصان آل عمـــار الدوسري

(((وسّــــــــــام)))

__________________________________________________ _______-


	لاهنت على الهديه وحقك علي التأخير بالرد لأن مثلك وشرواك يتنومس الواحد بالأستمتاع بقصيدهم الفذه خالص الود والتقدير

**معلومات** **العضو** · 25-02-2006, 02:40 AM

اقتباس:

المشاركة الأصلية كتبت بواسطة فهد الغريري


	الدواسـر مجدهـم كاتبيـنـه باليـديـن=حبره الدم الحمـر يـوم وقفـات الزحـام لآدزايد مضـرب العـز حاميـن العريـن=ولآد تغلب منبع الجـود عآقـات الخصـام يوم جول الخيل والرمح والسيف السنيـن=واشهب البارود عجـه يثـوّر لـه كـدام والعزاوي والهقـاوي وروغـات الذهيـن=والمناوي حدها السيف مـن دون الكـلام لا اعتلو من فوق صفر(ن) عليها مسرجين=واردفو من فوق جيش(ن) يبوج(ن) الظلام واستوت وحده ولا عـاد فيهـا خيرتيـن=يوم خيرات الذليـل الحيـاه ولـو يظـام نـارد المـوت المحتـم وجينـا مقبليـن=نارده يـوم الحرايـب مثـل ورد الحيـام كسبنا يوم الحرايب مـن الكسـب الثميـن=القلايـع والخزايـز لنـا يـوم اللـحـام ريشه الشعلان كسب(ن) من سيوف اليمين=جابها اللي بالفعايـل رقـا فـوق المقـام الشاعر والمبدع الكبير " مطلق الحصان آل عمار " حيه وحي مجاب والخير على اقدوم الواردين صح الله السانك وعتلا شانك وزادك الله شموخٍ في سماء الشعر على هذي القصيده التي تخطف الاباب وتأسر القلوب وتشرح الخاطر كتبت فأبدعت جعل عمرك طويل على طاعته ومن يقراء نهني انفسنا بقدومك الميمون على هذا المنتدى الكريم وعسى الله يطرح في فكرك وقلمك واحساسك المرهف البركه عز الله يامطلق انها قصيده تجبر القارئ لتوقف عند اسطرها.. والمتأمل في معانيها والمتذوق الشعر الشعبي بالاعجاب في سلاستها... ارررررررررررررحب يامطلق مره اخر وحياك الله وبارك الله فيك وفي مساعيك تقبل تحياتي وتقديري واحترامي واعجابي في قلمك النير اخـــــوك / فــــهــــد الــغــــريــري,,,

الاخ العزيز / فهد الغريري

صح بدنك ملايين واعتلا شانك

فكل مقال وحرف كتبته وسام شرف اتقلده على صدري

ولاهنت على مرورك الرائع الذي له لونه وطعمه

واتشرف بتواجدي معكم في هذى الصرح الشامخ

واتشرف بك وبامثالك العمالقه

وارجو المعذره على تاخري على الرد فكانت هناك ظروف اجبرتني

ولك بالغ شكري وتقديري

**معلومات** **العضو** · 25-02-2006, 02:42 AM

اقتباس:

المشاركة الأصلية كتبت بواسطة مخاوي سهاد

بيض الله وجهك على القصيدة الجميلة الفخرية
التي لاتنقص بل تزيد اتت من فكر واعي وحذق
مطلق الحصان آل عمار
صح لسانك
دمت بخير وعافية
اخوك مخاوي سهاد

اخي العزيز / مخاوي سهاد

اشكرك جزيل الشكر على كل حرف كتبت

واتشرف بمرورك الرائع في هذه الصفحه المتواضعه

وصح بدنك ملايين

وارجو السموحه على تاخري في الرد فهناك ظروف اجبرتني

وتقبل خالص شكري وتقديري

**معلومات** **العضو** · 25-02-2006, 02:45 AM

اقتباس:

المشاركة الأصلية كتبت بواسطة راشد النتيفات

الدواسـر مجدهـم كاتبيـنـه باليـديـن = حبره الدم الحمـر يـوم وقفـات الزحـام
لآدزايد مضـرب العـز حاميـن العريـن= ولآد تغلب منبع الجـود عآقـات الخصـام

الشـــــــــــــاعر مطلق الـــــعمـــار

صح لسانك على القصيدة الطيبة جعلك تحيا

دائماً الجزالة حليفه للشاعر مطلق

لا تحرمنا من أمثال المدوية

لك خالص تحياتـــي

اخي العزيز / راشد النتيفات

صح بدنك ملايين ولاهنت على ماكتبت

واشكرك على مرورك الرائع في هذه الصفحه

وارجو السموحه على تاخري في الرد

ولك بالغ شكري وتقديري

**معلومات** **العضو** · 25-02-2006, 02:48 AM

اقتباس:

المشاركة الأصلية كتبت بواسطة عاشق سراب

__________________________________________________ _______-


	لاهنت على الهديه وحقك علي التأخير بالرد لأن مثلك وشرواك يتنومس الواحد بالأستمتاع بقصيدهم الفذه خالص الود والتقدير

الاخ العزيز/ عاشق سراب

لاهنت على ماكتبت

واشكرك على مرورك الرائع

ونعتز بامثالك

وارجو السموحه على تاخري في الرد

ولك بالغ شكري وتقديري

**معلومات** **العضو** · 25-02-2006, 06:45 PM

الشاعر مطلق الحصان ال عمار

صح الله لسانك على هذه القصيدة وابياتها الرائعة
قصيدة جزلة من شاعر جزل
ومشكور على هذا الأهداء و ننتظر جديدك

**معلومات** **العضو** · 25-02-2006, 11:15 PM

صح اللسانك يالعماري

**معلومات** **العضو** · 27-02-2006, 02:47 PM

اقتباس:

المشاركة الأصلية كتبت بواسطة أباسليمان الودعاني

الشاعر مطلق الحصان ال عمار

صح الله لسانك على هذه القصيدة وابياتها الرائعة
قصيدة جزلة من شاعر جزل
ومشكور على هذا الأهداء و ننتظر جديدك

اخي العزيز / ابا سايمان الودعاني

صح بدنك اخوي

ولاهنت على ماكتبت

ولك بالغ شكري وتقديري

**معلومات** **العضو** · 27-02-2006, 02:48 PM

اقتباس:

المشاركة الأصلية كتبت بواسطة البريكي11

صح اللسانك يالعماري

صح بدنك يالبريكي

وحياك الله

**معلومات** **العضو** · 27-02-2006, 03:52 PM


	صح السانك يابن عمار على الابيات الجزله الالفاظ 0والقويه المعاني0 ومثل ماقال الوالد: وتقبل مني كل الشكر والتقدير

**معلومات** **العضو** · 11-03-2006, 02:58 PM

اقتباس:

المشاركة الأصلية كتبت بواسطة شوق2


	صح السانك يابن عمار على الابيات الجزله الالفاظ 0والقويه المعاني0 ومثل ماقال الوالد: وتقبل مني كل الشكر والتقدير

الاخت شوق 2

صح بدنك ولاهنتي على مرورك

وصح لسان الوالد على البيت الرائع

ولك بالغ شكري وتقديري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية