|
|||||||
24-01-2006, 07:36 AM
|
#1 | ||||
|
يقال نادو فلان وذا ما نريده&ما يقضي اللازم وخله ورا الباب
أفكرت بالدنيا على كل الأبواب=أيامها تمضي كما السفن بغباب دنيا تكدر ما صفى بركانها=لو طاب لك مشرب ولو طق لك باب فلو كنت بالأول بالأذكار تعرف=من ماكرٍ عالي رفيعٍ بالأنساب ولو كنت بالقلطات مذكور بالقا=تقلط الى هاب الردي والدخن راب دنياك لو تصفي زمانٍ تغيرت=تسقيك في كاس ٍ من السم ينذاب دارت رحاها في ثقاله وتطحن=إلا أسرجت جاتك على خيل وركاب جار الزمان بذر الأجواد وشتهر= والأيام تبطش والليالي أحجاب يقطعك دنيا شان عيشه ومشربه=صفوه تكدر بالسنين وذاب إن أقبلت يومٍ سريعٍ غدرها=تقفي على ذولا وذولا بلا سباب ترفع وتاضع وتسقي صديدها=ناسٍ غدو فيها صناديد ورباب أسقتهم السم المصفا بكاسها=عقب المعزه بالبلد صاروا أجناب تاضع بها ناسٍ أخيار وتجعله=عقب الصطاره والزعانيف ترتاب إلى طفا تمرد وطاوعه=من لا على المشروع طاعه وله جاب أطاع لشيطان والنفس والهوى=وأشرار وعوان لها أبواب قلت آه من وقتٍ دهاني وهالني=هذا زمانٍ فيه الأبطال خياب أشوف لي ناسٍ تطاول الى العلا=أرذال ناس تقدم شيوخ وأرباب راع الحسب فيها ورسمه فنا=اليوم ما يحشم عزيزٍ الى نصاب هذا زمانٍ فيه الأنظار حايره=يحتار فيه الشيخ ويشيب الشاب ما عاد في ذا الوقت مطلب معوشه=للباتع النادر ومروين الاحراب اليوم صارت للسفل والأرذال=وخساس ناسٍ تنهش العض في ناب لاشك بار اليوم من صان عرضه=يصير نيشان للا سباب منصاب بار الذهب فيها وصار نحاسها=سلم العرب ورجالها كل سرساب والمشخص الغالي يبور بسوقها=والجوهر الغالي فلا عاد ينهاب ما شوف للبالود من هز شذرته=اخذا العصا قلط على السيف واحراب والحر لو يصفق بلأجناح كلها=لو عادته يشهر على راس ماناب خانت به الجنحان والوقت عايقه=وبو حقب يشهر على كل مرقاب فازت بواشقها مع الباز والرخم=والبوم والحصني تفاخر بلاسلاب طير العشاه والحمره عاد والوزغ=وغراب وحداها تنومس بمخلاب لهن الفخر والفرسّْ عقب الخيابه=تذكر فعايلها على كل محراب أشوف أنا الأحرار ذلت وتركت=عن وكره العالي وروس الأهضاب وأسد الشرا بالغاب يبطش به الردا=فرخ الدجاج وهرها صار له ناب وراع اللسان اللي للاعراض عادته=يذم في هذا وهذا له أغتاب إن جا مجالٍ بالمجالس بحضرته=يذريك بالسانه ومدحه ونصاب تقول ذا عنتر المشهور بالوغا=ذا فارس الفرسان يشفيك بخطاب وهو أردا الملا ونشاف ريبه=اقفا وحط خيار مابه بلاسلاب ياحيف هو يخفا وتخفا سرايره=وهو العوض خلي بدل حصن الآطلاب أن جا لزوم والفلك عاد ساكن=والكون دولابه على كل الأبواب يقال نادو فلان وذا ما نريده=ما يقضي اللازم وخله ورا الباب ماهي مناظر بالمخابر وتختفي=لو هي بلأيدي ما قعد حره غراب ترا بغيض الدار لو ذل بالوطن=تندار له ولم أويشرب بلاكواب خيره تجيله بالمواعيد لرمست=سود الليالي المظلمات اعجاب لا تكترب يامن يشاكي همومه=سل بالفرج والرزق ما صك له باب لابد ما يومٍ تغير صفوها=يرقص لها الشيطان مضمون بكتاب ويبين منه بالرخا عاد قرب= الى غشا السما عج عن الشمس حجاب وتقاصروا عنها هل القول بالرخا=اطوال الألسن بالمجالس والاخياب وتبينوا فيها ضحى الكون غلمه=المستحين معجلت كل ضبضاب لاشك ما للعبد غير التواضع=للواحد الخالق ويرضى بلاسباب اسباب ما ناجه ضميري وهيضه=وابديت ما هيض ضميري وما جاب من هجس في هاجوس في ضيم ذا الدهر=من عوق منعاق له العوق نصاب من ضيم مضيوم به الضيم مختفي=من حسر ماسور زمانه فلا طاب العفو من وقتٍ على الناس جاير=الذيب منقاد على الرغم منساب يهاب من ضانه ويخشا اللبطشها=واستقدم الضرغام هيسٍ وسباب حاشاك عن ذا الوقت حاذور فاحذر=قلبك دليلك شوف الاعيان ترتاب ما شوف من يحشم ويدنا ويرتجا=كود الذي سباب بالعرض يغتاب حاشاك والحرمه شبيهه من الملا=يزهاه شده والقمر عاد ما غاب هذاك يوخذ له تمنى وسيده=عرضه ويحضبه ويرفع له انساب ومن باق يحضابه ويرفع مقامه=وتصير له حض ولو كان نهاب ومن صان منطوقه وراف بحقهم=يرخص مقامه وختزا بين الأصحاب ياصاح ما تصحى وتنضر العكسها=النحس بيّن والسعد بيّنٍ غاب تمت وصلينا على الشافع أحمد=والآل ما غرد حمامٍ على هضاب الشاعر: محمد بن سليمان اليحيا رحمه الله
|
||||
|
|
|
|
24-01-2006, 04:04 PM
|
#2 | ||||||||
|
لا تكتـرب يامـن يشاكـي همـومـه=سل بالفرج والرزق ما صك لـه بـاب لابـد مـا يــومٍ تغـيـر صفـوهـا=يرقص لها الشيطان مضمـون بكتـاب ويبيـن منـه بالرخـا عــاد قــرب=الى غشا السما عج عن الشمس حجاب وتقاصروا عنهـا هـل القـول بالرخـا=اطوال الألسـن بالمجالـس والاخيـاب وتبينوا فيهـا ضحـى الكـون غلمـه=المستحيـن معجلـت كـل ضبـضـاب لاشـك مـا للعبـد غيـر التـواضـع=للواحـد الخالـق ويرضـى بلاسبـاب الله الله الله على هذه المعلقة
المشرف القدير : النايف بيض الله وجهك على هذه النصيحة الطيبة ولاتبخل علينا بمثل هذه الروائع ورحم الله الشاعر: محمد بن سليمان اليحيا برحمته الواسعه تحياتي العطره لمقامك العالي محبك ومحب الجميع : دغش البطي
|
||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 09:07 PM
