يامل قلبن هيضه حس الأنغام

[معلومات العضو برقن سرى]

يامل قلبن هيضّه حس الأنغام = في جلستن حضارها زينوها=
هاض وتوقّض هاجسن فيه لاقام = قامت معه مجموعته كلبوها=
كن فالحشا لجّة حنين وتكلام = بدوٍ جفت لرض إبلهم واشلعوها=
معا جراهيدن أدهورن لها أعوام = فكّوا لها مقهورها واندبوها=
حتى غدا مشي المعاشير درهام = وفطيرها وبعيرها هملوها=
مقدم طفيح اعجومها زبدها عام = واللي قعد منها ورى فاختوها=
اشفوا غلايلها وهي هيم وسقام = ومن الرقاق الجرهديّ اشبعوها=
ياما علا ارض الواقعه صارت أفلام = يوم أعرضت عند الرجال اكشفوها=
من يرتجي ريشٍ ورى الناس ماحام = حتى لو انها كلمة ً ما انطقوها=
لا أشغلك ربي فالأوادم والأيام = كم فرصةٍ جات النشاما وجوها=
وان عشت يومك بالتمني والأوهام = غيرك نواميس الغنايم خذوها=
بندقك ثارت قبلةٍ والهدف شام = وأهل المحازم بالسلاح اطرحوها=
مع الي اعرف منك رح سج الأقدام = اللّي طويلات المسافه مشوها=
لا ما أنفعت فيك التجارب والأعلام = حكّوا معادن صفرتك واضهروها=

منقووول

كلمات : مطحس بن حمد الدوسري

 

 

 

 

[معلومات العضو ابومبخوت الدوسري]

صح لسانك الشاعر مطحس بن حمد الدوسري يعطيك العافيه على النقل الطيب ولاهنت تقبل تحياتي

 

 

 

 

[معلومات العضو راشد المسعري]

من يرتجي ريشٍ ورى الناس ماحام = حتى لو انها كلمة ً ما انطقوها=

الله الله

بيت حكمة وجزالة في نفس الوقت

يامرحبا يابرقن سرى وصح لسانك ولسان ابو حمـــــد

قصيدة ثمينه وجزلة من شاعر عودّنا على الجزالة

تقبل ودي وتقديري ،،،،

 

 

 

 

[معلومات العضو حمد ابن فهد]

برقن سرى دائما تأتي بالجزالة والابداع نجدها بقصائدك لاهنت وبيض الله وجهك