من ماقال الشاعر عبدالله المسعوودي رحمه الله

[معلومات العضو برقن سرى]

اخواني اعضاء منتدى الدواسر اهدي اليكم بعض من مقتطفات ديوان الشاعر اسطورة المحاوره عبدالله بن مستور المسعودي (رحمه الله ) وفيها بعض من قصائده النظم وبعض من محاوراته مع فطاحلت الشعر في ذلك الوقت , ارجووا ان تنال على اعجابكم : مافي السهر للعين غيـر الغرابيـل كم واحدآ بعد السهر باري الحـال ماسهرتي من رغبتي فيـك ياليـل لكن اعالج فيـك بعـضات الأحـوال مشغول ياكثر القلـوب المشاغيـل والنوم مايحلى لمن عنـده اشغـال وهمـوم قلبـي مقفيـات مقابيـل مدري متى نلقـاك ياراحـة البـال ياما تشوف عيوننا مـن تهاويـل وياما يشق اسماعنـا مـن تنثـال الله خلق خلقـه وراحـو تشاكيـل نحن نناظر فيهم الـوان واشكـال شكل ملبس بالحلـي والخلاخيـل ومن جوته يالله لاتكشـف الحـال وشكل يغنـي بالنميمـه مواويـل مايستطيع يعيش من غـار مـوال اذا لقى له هرجـة شالهـا شيـل وامـا لقـى دور لهـا عنـد دلال وشكلآ كما البطحاء بعد ثاني السيل يابس ثراها كـن واديـه ماسـال ومن لايعرف الراس مايعرف الذيل تعاملـه طيـب يعاملـك بـطـال ماهمي الطيب معي لـه مواصيـل واذا بغيت اصل وصلته بميصـال كم واحدآ يلبس ثيـاب الرجاجيـل واذا فتشت اقصاه ماهـوب رجـال وانا على شاشه مصور وتسجيـل والشرح والتوصيف باقي له اكمال بذلت انا المجهـود والعـذر تكميـل -والناس مايرضيهم الا بخت فـال ========== يا لساني احـذر عـن فمـي لا تعـدا *** *** قدام لا أعضك على الضـرس والنـاب احـذر تـودي هرجـة(ن) مـا تـودا *** *** إذا بـدت قالـوا لـك النـاس كـذاب اللـي تعشـا بالكـذب مــا تـغـدا *** *** واللي تعالج به مـن السقـم ماطـاب واحـذر ثـم احـذر بالـردى لا تجـدا *** *** حاجتك ما تقضا وسـرك مـع البـاب مـن يـوم مـا يفهـم حقيقتـك صـدا ** **** وأصبح يسولف بك مع الناس الأجناب عـز الله إنــي تـبـت وابتـعـدا **** ** توبة نصوح(ن) عند دروب الخطأ تـاب واحدي عن أصحـاب الـردى واتحـدا *** *** خله يقولون العـرب مالـه أصحـاب ========== ياصاحبي صاحبك مايمـرح ,,, ,, وانته يصلون العشـا وتنـام انته مخلّيها ألـم نشـرح ,,,,,, ,, وأنا على من الحـزون خيـام الليـل قضـى والنهـار أصبـح ,, وأنا مساهر والهـوى ظـلام والله يالغـشـاش ماتـربـح , , لكـن روح تجيبـك الأيــام صدقتنـي وأنامغـار أمـزح ,,, هذي مزوحي من زمـان العـام اهوى الغضب من وجهك الأصبح , واهواه من بعد الغضب بسّـام لو جتك زله من صديق اسمح ,,, ,.ما فالبلد لحـمٍ بغيـر عظـام يابو عيونـن شوفهـا يذبـح , ,صدّر علي أمـرك وانـا خـدّام يافرحـة الخاطـر متـى تفـرح ,,, خلاص يكفينا زعل واخصام معـاد لا تضـوي ولا تـسـرح ,الا بهمـك والـسـلام خـتـام =========== ومن محاوراته مع الشاعر مستور العصيمي الــــمــــســــعـــــودي مرحبا عـداد نوضـة برقهـا والا رعدهـا يشرب الشعب البعيدي ويشرب الشعب القريبي عادة التجار تشري كـل سلعـه مـن بلدهـا وان خسرنا وان كسبنا لا رجاي ولا نصيبي الـــعـــصــــيــــمــــي والبقا ياعزوة توعـد وتافـي فـي وعدهـا وش حصل من مشكله ماعندنا شي غريبـي وان نسينا الاولـه والثانيـه والـي بعدهـا مانسينا الرابعه ياراعـي الـراي الصليبـي الــــمــــســــعـــــودي السوالف ياعميل الخيـر مايحصـى عددهـا والدفاتر ماتضيـع شـيء وافهـم يالبيبـي المطيـه ماتقـدم رجلـهـا قــدام يـدهـا لو راعيها يخليهـا عشـى حصنـي وذيبـي الـــعـــصــــيــــمــــي خابر الديره حيا واليوم مدري وش حصدهـا والمريض من العلاج يطيب مدري مايطيبـي والمطيه راسها واديوسهـا فـي فـم ولدهـا مار ياذيب الخـلا بعـواك لاتقنـب قنيبـي الــــمــــســــعـــــودي ماعليه اللي ليامنـه بغـى الحاجـه وجدهـا احسن من الشجره اللي لا صبوح ولا حليبـي كانت العذرا تهوش وترفـع البيـرق بيدهـا والعشيـه هلـت العبـره وقالـت ياحبيبـي الـــعـــصــــيــــمــــي مالمحت الا الجنازه يوم طبـت فـي لحدهـا ميـر قلـي موتهـا رضـى والا غصيبـي روح ابو زيد الهلالي من نشدها من نشدهـا مير في وقت المحاسب والله لخلقـه حسيبـي الــــمــــســــعـــــودي ياهل النبـوت مايبنـي البيـوت الا عمدهـا احسبني موت وارواح العرب في وسط جيبي ليت للسلعـه مقـدر مايقلـل مـن جهدهـا لو يقولون اربعه هذلان واثنى عشر عتيبي ، الـــعـــصــــيــــمــــي كان طولت البيوت بنيها اولـى مـن هددهـا لايضيع العلـم مابيـن المنـادي والمجيبـي ثابتـه ومثبتـه بشهـودهـا واقراسنـدهـا كان مايسترك ثوبك لا تلبـس مـن ثويبـي ============= المسعودي و الثبيتي عـــــــــبــــــــــدالله ماني باجيب الفصاحه غيـر عنـد الفصيـح امشـي مـع النـاس واعطيهـا قوانينـهـا ام الصفا والصفيح اللـي مـن اول تصيـح راحت على مـوت ابوهـا حنـت ايدينهـا مــــــطــــــلـــــــق بعـض المعانـي تعنينـي وانـا مستريـح وام المـوازيـن لاتصـغـي موازينـهـا قلـب بنعمـه وقلـب مـن زمانـه جريـح قبـل امـس تقسـي وهـذا اليـوم يالينهـا عـــــــــبــــــــــدالله انا علـى مرقـب عالـي بديـت استضيـح وان ام عامـر تهـز انـصـاب سكينـهـا الهجرة اللـي يامطلـق جـات تنقـح نقيـح ايعيـش نمرودهـا ويـمـوت مسكينـهـا مــــــطــــــلـــــــق يازنـد ياللـي علـى الايـام تقـدح قديـح ليـالـك الـسـود ماتـرقـد شياطينـهـا اشوف لي شيخ فـي نعسـه وكفـه شحيـح حتـى الاوادم مشـارك فــي دكاكينـهـا عـــــــــبــــــــــدالله اشوف قربة عقيـد القـوم تنضـح نضيـح والثـوب الابيـض تفـرق بينـه وبينـهـا ابليس لـو جرهـا يمكـن عراهـا يطيـح وابليس شريـان مـن ماهـا ومـن طينهـا مــــــطــــــلـــــــق النار من تحـت قـدرك مـار عيـا يفيـح خـلا العـرب للعشـا تدنـي مواعينـهـا يقلون بـاب يجـي ياصاحبـي منـه ريـح سـده وتسلـم مـن الدنيـا ومـن دينـهـا الــــمــــســــعـــــودي ولـد الهـوى يـوم غنـى لام خـد مليـح ما احد يلومـه وهـو مفتـون فـي زينهـا الذيـب ماهـو عشـا لام اللبـن والتلـيـح ان شافت الذيب الاشهـب دنهـرت عينهـا مــــــطــــــلـــــــق ولد الهـو مبتلـش فـام الصفـا والصفيـح الـلـي لياشافـتـه رفــت كراعينـهـا ام الكباير علـى الاجـواد تضبـح ضبيـح والسوس من ظهرهـا واصـل ضلاعينهـا عـــــــــبــــــــــدالله قمريـة الفـن الاخضـر ملحهـا مايميـح الحـب فـي حلقهـا ماياصـل ابطينـهـا ان كان ابا امدحك ماينفعـك كثـر المديـح ان كـان ماجـبـت للقـصـه براهينـهـا ================== ((المسعودي وصياف الحربي رحمهم الله)) عـــــــــبــــــــــدالله يامرحـبـا بالحـاضـريـن الطيـبـيـن واكثـر مـن الترحيـب قيـلـة مرحـبـا مـن مدلـي يمنـاه امـد الــه اليمـين من يوم اشوف الواحـد اعـرف وش يبـا صـــــــــيـــــــــاف الـك البقـا ياصاحـب القلـب الذهـيـن واللـي مزيـن مذهـبـك حـلـو النـبـا مـد اليمـيـن وعنـدنـا مــد ثمـيـن ان كـان تعـرف وش يجيـك مـع الغبـا عـــــــــبــــــــــدالله يامـكـرم الـخـطـار دور للسـمـيـن وان هبـت الآزيـب تهـب لـه الصـبـا لن ثقلـت الحملـه علـى الجنـب المتيـن اللـي مثنـى لآونـس المـطـرق حـبـا صـــــــــيـــــــــاف ان كـان عنـدك للكـرم عقـل رزيــن تنظف عـروق القلـب مـن دم الوبـا مانـي طبيـب احـط للعمـيـان عـيـن مـن لاربـا نفـسـه بنفـسـه مـاربـا عـــــــــبــــــــــدالله ان كـان جالسـت الكـرم طـول السنيـن ان الجلـيـس مــن الجلـيـس مقـربـا شفت المطر يمطـر وثمـر العـود ويـن طـار الجـراد وحـل بالـعـود الـدبـا صـــــــــيـــــــــاف اتبـع طـورايـق الـرجـال الاولـيـن قـدام نـاب الـذيـب يعـلـق فالظـبـا ان كـان ذاك الـعـود قـاسـي مايلـيـن امـا اشتهـر سبـع الـخـلا والا هـبـا عـــــــــبــــــــــدالله راسي يعورنـي ولا ادنــى الكالمـيـن الا يـكـود انــه عليـهـا يغـصـبـا ليـه ضـروس تطحـن الحبـه طحـيـن وافتـح فمـي جيعـان وآكـل واشـربـا صـــــــــيـــــــــاف اليـا مرضـت ادبـل علاجـك مرتـيـن والجـسـم لايبـسـت عـروقـه يتعـبـا الياكليـت الـحـب لاتنـسـى العجـيـن مـحـد يـعـارض للبعـيـر الاجـربـا الــــمــــســــعـــــودي هذاعقيبا الذيب ختال الحصيـن هـذي الحصانـي مـن صياحـه تطربـا اثـر سعيـد فـي عيـون امـه زويــن مـن يـوم صغـره ليـن راسـه شيـبـا صـــــــــيـــــــــاف الياغفـلـت ادخــل بـيـوت الغافلـيـن تـرا الكـلام اللـي سمـعـت مصعـبـا ؟؟؟؟؟؟ ؟؟؟؟؟؟؟ عـــــــــبــــــــــدالله ماتاكـل السكـيـن غـيـر ام القـريـن واللـي بـدون ديــوس مافيـهـا لـبـا ياذيب يالـلـي لاهـديـر ولا حنـيـن تقـبـل وتقـفـي والحـمـول مصلـبـا صـــــــــيـــــــــاف لعلـهـا صـيـده لـقـوم سـارحـيـن اهيـه شبـت والا ولـده الـلـي شـبـا ماهـو بنـا اللـي يعتـرض للغاشمـيـن مـن يـوم شفـت العلـم عـنـي جنـبـا عـــــــــبــــــــــدالله شبيـت نـار الكيـف فــوق الدلتـيـن واسقيتـك الفنجـال مـن كـفـي جـبـا صيـاف مثـل الشمـس بـيـن الفيتـيـن مـدري ولـد منسـوب والا مـن سـبـا صـــــــــيـــــــــاف ارفــع دلالــك للـرجـال الغايبـيـن مالـي بهـا عـازه ومنهـا مـا اقـربـا مثـل البحـر ياصاحبـي ترطـن رطيـن وانــا سـلاحـي بالـزهـاب مزهـبـا ================== وهذي من محاوراته مع الشاعر محمد بن تويم بـــن تـــويـــــــم ملعبتكم عجزت ماهي صبيه اسعفونا يالرياجيل النشامـا ليتني بين الهدا واشعاب ليه عند ذيك الحزم واهل القداما الـــمـــســـعـــودي أنت وش معجلك ياراع المطيـه مانت ماشي يوم في ممشاك عاما مانت لاقي مثل ما تلقـى هنيـه ديـرة فيهـا يعيشـون اليتامـا بــــــن تـــويــــم يا الله اصلح كل شان وكل نيـة قبل ابرق في الحلال وفي الحراما الـــمـــســـعـــودي والله إن النار في المزبـاة حيـه لا تجون المعركه وانتـم زلامـا وانت فيك خلاف من عصر العشيه حوار ما يرضع وناقـه ماترامـا بــــــن تـــويــــم واحسوفك بعد فاتتـك الهديـه وانت مانت بشايب عيونك تواما قلت ابن مستور مشعال السريه قالوا انه ما سرى الليل الظلاما الـــمـــســـعـــودي لو قربتك من سنع هذي القضيه رحت انا واياك عدوان ترامـا يا محمد وش تبى في الاجنبيه ما عليها لا صـلاه ولاصيامـا بــــــن تـــويــــم قلت عطني من علوم داخليـه عطني علومك وخذ مني علاما ما كتب لك لا كثير ولا شويـه يا بعير عان راسك في الخطاما الـــمـــســـعـــودي يا عميل عارفه ومـرار عيـه ما يصيد الصقر صياد الحمام والله انـا مانباهـا دودحيـه بعد راحت من نصيب ابو دلاما بــــــن تـــويــــم يا عميل منكوي عشرين كيـه الغبينه لقمـه ابلعهـا قوامـا حظك اللي منسدح في جال فيه ما تحرك يوم ناديتـه وقامـا الـــمـــســـعـــودي الغبينه جتك ما تمضي عليه باعة حارت وبارت ماتساما كيف ديني يظلم الروح البريه لو نصوم الدهر ما حنا نداما ============= مطلق الثبيتي وعبد الله المسعودي 1499هـ رحمهما الله جميعا عــــبــــد الله الــمــســعــودي الــهـــذلـــي : نهاية يوم ذي الحجة بداية ليل من عاشور.. هلا يا مرحبـا والمملكـة بأحلـى لياليهـا أنا ما همني في الوقت لا مطلق ولا مستور.. مركبها على قمت جبـل وتهـز رجليهـا مــطـــلـــق الـثــبــيــتــي الـعــتــيــبــي : أنا أشوف المدافع في المحاجي والفرود تثور.. يدوم الك البقا وأنت جملها وأنـت راعيهـا تقوله وأنت محني في يديه حنيـة الباكـورو.. أنا اللي من قديم الوقت طابخها وشاويهـا الــــــــمــــــــســــــــعــــــــودي : عينت الشايب اللي لقمته ما وصلت الحنجور.. فضيحه لن تفلها وأنا بلعهـا سمهـا فيهـا من اول يا ذهبنا كنت في صندوقنا مصرور.. وذلحينـه تشالتـك االحراميـه بآياديـهـا الــــــثــــــبـــــــيـــــــتـــــــي : عينت الطرقي اللي شق قدره شعلة الدافور.. ليا جاته ضيـوف الله يـزري لايعشيهـا أنا ماني بشايل لي عصاة راسها مشقـور.. لكن التاجـر اللـي جابهـا لازم يوديهـا الــــــــمــــــــســــــــعــــــــودي : والا يا صاحبن ما تشرب الا السكر المعصور.. ديارن ما بهـا الا الشـوك لو يسيـل واديهـا تصيح الها مع المغرب وتقهرها طلوع النـور.. شدادن فـوق غاربهـا وحبـلن فـوق أذانيهـا الــــــثــــــبـــــــيـــــــتـــــــي : أنا اشوف السمن سايل من القبه ليا الزبزور.. يصلح وجهها مار الكوايـا فـي علابيهـا

 

 

 

 

[معلومات العضو شافي بن راشد النتيفات]

الله يرحمه من فطاحلة شعراء الجزيرة

لاهنت على النقل الرائع

 

 

 

 

[معلومات العضو ابو زابن المسعري]

لاهنت وبيض الله وجهك على النقل

والمسعودي شاعر مافيه كلام

 

 

 

 

[معلومات العضو مبارك بن شافي النتيفات]

الله يرحمه ولاهنت على النقل