يا ألله فوقي من الأوزار من غير مااطاق

[معلومات العضو حمد ابن فهد]

يالله ياللي نرتجي منك الأرزاق = ياكاشف الكربات يافارج الضيق

يارافع سبع السماوات الأطباق = ومرسي أراضي بالجبال الشواهيق

يامرسل عيسى والأسباط وإسحاق = ومنجي عبده من أهل المجانيق

ياللي بطشت بقوم صالح هل الناق = وجعلت يوسف بالنبيين صديق

ياللي جعلت جموع الأحزاب تنعاق = ومزقتهم عن خاتم الرسل تمزيق

وجعلت نوره بين الأفاق شعاق = ياللي بعثته رحمة للمخاليق

ألطف بحال اللي عليه الفظا ضاق = يسوقه الهوجاس غرب وتشريق

من كثر هم مرهق فكري إرهاق = أفيق منه أحيان وأحيان ماافيق

وروابع تلعب بي أشكال وارناق = حطن لهن بين المعاليق اراويق

ما أنام لين نور الفجر ينساق = سبة هواجيس تحش المعاليق

مهوب من كثر الطرب وإلا الاشواق = ولا غرام معلقات العشاريق

طوق علي الذنب من كل الآفاق = وروابع سدت علي الطواريق

فوقي من الأوزار من غير مااطاق = أثقل عليه من دقينات وطويق

ارجيك ترحمني إلى قيل من راق = لاصرت ماعاد استطيع ابلع الريق

لاجا الوعد والتفت الساق بالساق = وأتلى الكلام الغرغرة والتشاهيق

يالله عسانا يوم نشفات الارياق = من خلقك اللي من جهنم معاتيق

اغفر خطايانا إليا كشف عن ساق = أليا من خلقك قربوا للتحاقيق

أليا أنورت وجيه الأبرار بإشراق = من رحمة المولى وحسن التوافيق

أبهم جنان الخلد تفرح وتشتاق = ويسقون فيها من لذيذ المواذيق

يعطون مايهوون مع كاس ديهاق = ويطوف غلمان عليهم بااباريق

ممــا راق لــي

 

 

 

 

[معلومات العضو ابكي واجامل]

اخوي حمد ابن فهد صح الله لسانك

 

 

 

 

[معلومات العضو حمد ابن فهد]

المشاركة الأصلية كتبت بواسطة ابكي واجامل

اخوي حمد ابن فهد صح الله لسانك

هلا بك وغلا تشرفت بمرورك الاجمل

 

 

 

 

[معلومات العضو راشد المسعري]

الله الله يابو فهد

قصيدة وعظية مميزه كتميز ناقلها

صح لسانك ولك ودي وتقديري ،،،

 

 

 

 

[معلومات العضو حمد ابن فهد]

المشاركة الأصلية كتبت بواسطة راشد المسعري

الله الله يابو فهد

قصيدة وعظية مميزه كتميز ناقلها

صح لسانك ولك ودي وتقديري ،،،

ارحب يابومحسن مرورك تشريف لي لاهنت