دره للشاعر خالد بن مدعث

[معلومات العضو الجوهر الصحيح]

السلام عليكم ورحمة الله وبركاته:-

أعزائي

تعودت أن لا أئتي بما يأتي به الأخرين ؛ وتعودت أن لا أطل على أحبتي إلا بما هو جديد ومفيد

وها أنا اقدم لكم قصيده جديده للشاعر المبدع / خالد بن مدعث الدوسري

قالها في صاحب السمو الملكي الأمير / سعود بن عبدالرحمن بن عبدالعزيز آل سعود

الهاجس اللي كل ما حانت مواعيده حضر = حقً علي أن ما ورد عدً قراحً منهله
المدح بشتً ما يليق إلا على طوال العمر = اللي مع حضرة مراجلهم تضيع المرجله
وأنا ليا مني طرقته في يسر ولا عسر = عيبً علي أن كان لاقلته ما نصيته هله
ولولا المشاعر تدفع الشاعر على بدع الشعر = ما كان سقت لسيدي أطيب قصيدي وأجزله
وسعود ماعنا وعن مدحه ولا منه عذر = الله على بذل الجميل مجّّمله ومكّمله
يا سيدي من لاشكركم ما شكر رب البشر = من طيبكم ظل مهوب ظلالكم ظل عبله
أكبر عطاياكم يضيق بها الفضا قبل البحر = وأصغر عطاياكم عليها يضربون الأمثله
أنت الذخيره والذخر لأفتّر وأغبّر الدهر = وأنت الجزيل وراعي الجزله وراعي الأوله
و أنت الفخر وأبن الفخر ومرافقتك أكبر فخر = وأنت المكارم والكرم وأعلا المنازل منزله
و أنت الأماره والنعاره والنداره والظفر = وانت الشبل لأبطل بطل حل ونزل في مدهله
و أنت المغيث اللي يغيث المستغيث من الخطر = وانت الحجا والملتجى رجوى الكبود الممحله
يمينك الروض الخضر وأيسارك الموت الحمر = من يجمع الثنتين جازى كل واحد بعمله
صميدعً بأول شبابك ذكرك وقدرك كبر = ف عيون حكامً تعدك لليال المقبله
شافوا بعيدين النظر في نظرتك بعد النظر = وأستبشروا بالحاظر اللي يبشّر بمستقبله
والعز ما نستغربه من بيت عزً معتبر = و أبوك زيزوم السنين التاليه والأوله
من هيبته تبّطح أيدين الغضنفر والنمر = وله وقفةٍ منها الجبل يهتز رأسه وأسفله
عن واجبه ما قد قصر طال الزمن ولا قصر = وريث ليثً ما خذً ملكه بسيفه وجمله
منجّبً على النجايب ينحر البيداء نحر = مع كل فجً خاليً ما عاش ذيبه وثعله
يتلها صقر الجزيره للممات أو النصر = أما بداية مرحله ولا نهاية مرحله
وحوّل بها في ليلةً من وقعها كنها شهر = ليلة حكم مهيب لحية كسب ذود وحنشله
الوقعه اللي من بعدها مجد أخو نوره ظهر = هجد بها راس الحريب و وسده جذع نخله
بالسيف قرّت وأستقرت نجد والحكم أستقر = للعزوه اللي من قديم الوقت له معها صله
ومن ماكر صقور الجزيره جيتنا يا أطيب صقر = حرً تسلسل من سلايل ندّرً متسلسله
والله يعّز وينصر الأسلام و ولاة الأمر = ويديم حكمً مانبي غيره ولا نرضى بدله
وأقبل تحيات الضمير اللي على مدحك صخر = قافً يشرّف وأنت يا أمير السعد تستاهله

 

 

 

 

[معلومات العضو ناصر بن فهد]

:::
::
:


صــ ح لسآنُ الشآع ــر وصــ حُ لسانكُ
ولآهنتُ يالقرمٌ ع ـلى ماتاتيُ بهُ ..
...[تقبلُ تقديري ودي]..

 

 

 

 

[معلومات العضو ابو حسين الدوسري]

صح السان ابن مدعث وتسلم يمينك

يالجوهر الصحيح

خالص التقدير

 

 

 

 

[معلومات العضو نايف الخييلي]

الله يعافيك يالجوهر الصحيح

قصيده جزله لشاعر يغرف من بحر

صح لسان الشاعر الحقيقي خالد بن مدعث

واشكرك على الاختيار الرائع

 

 

 

 

[معلومات العضو راشد محمد المقابله]

صح اللسان الشاعر الجزل خالد بن مدعث

ولاهنت على نقل هذه الأبيات

 

 

 

 

[معلومات العضو محمد بن حمد الشكرة]

صح الله لسان الشاعر الجزل خالد بن مدعث ولاهنت على نقل هذه الأبيات

 

 

 

 

[معلومات العضو ابوبدر المصارير]

الله الله صح السان الشاعر الجزل ابو مدعث والله يعطيك الف عافيه اخوي الجوهر على ايراد القصيده وننتظر المزيد من جزل القصيد لبو مدعث لاهنت

 

 

 

 

[معلومات العضو عديم]

قصيده اقل ما يقال عنها عصماء

اما كذا ولا بلاش من القصايد والقصيد

قصيده تدل على ان الشاعر وصل الى اعلا درجات التمكن الأبداعي وما زلنا نطمع بالمزيد من هذا البحر العذب

 

 

 

 

[معلومات العضو عقاب بن هذال ال بريك]

و أنت الفخر وأبن الفخر ومرافقتك أكبر فخـر
وأنت المكارم والكرم وأعلا المنـازل منزلـه
و أنت الأماره والنعـاره والنـداره والظفـر
وانت الشبل لأبطل بطل حل ونزل في مدهلـه
و أنت المغيث اللي يغيث المستغيث من الخطر
وانت الحجا والملتجى رجوى الكبود الممحلـه

الله علييييييييك يابومدعث مبدع !!

الجوهر مبدع ولا هنت أخوي ,, وصح لسان الشاعر ابن مدعث ..

 

 

 

 

[معلومات العضو يحيى الودعاني]

نقل مميز

بيض الله وجهك

وصح لسان الشاعر خالد بن مدعث

 

 

 

 

[معلومات العضو شافي بن راشد النتيفات]

صح لسانك ولسان خالد بن مدعث واشكرك على النقل الرائع

 

 

 

 

[معلومات العضو ابومبخوت الدوسري]

ياسلام على الشاعريه العذبه

تسلم يمناك ياجوهر وبيض الله وجهك

شكراً لك ياذيبان على هذه الجزله والكايفه


تقبل تحياتي وتقديري