مراسلة الشاعر حمود الجهني و رد الشاعر بن حشفل

**معلومات** **العضو** · 13-12-2009, 09:39 AM

السلام عليكم ورحمة الله وبركاته

في عام 1419 جمعت الجيرة كلاً من الشاعر حمود بن زبن الجهني والشاعر محمد بن محسن بن حشفل الخضران في احدى الاحياء السكنيه في محافظة الخرج فترة من الزمن كانت محل الحفاوه والتقدير فيما بينهم وحينها كان ابن حشفل يقوم ببناء منزله بجوار منزل والده وقد انتقل اليه وفي احد الايام لما ابطى منه جاره حمود الجهني سير عليه في بيته الجديد ولم يجده وكتب هذه الابيات واعطاها احد ابناءه.

زرتك وانا مشتاق وأبغي مقابلك=زيارة محبة ياصبي الشكاله
ابطيت عني جعل ماشي مزعلك= ومثلك يا بومحسن نحب انعناله
يا من على العليا رفبعه منازلك= جدانك اللي علموك الشكاله
حيث الوفاء والطيب مبدا تعاملك= وقصيرك القاصر تخفي خماله
الله بتدبيرة وحسناه يمهلك= جمعت بين المعرفة والاصاله
أقولها لك حق ماني مجاملك= افخر بمثلك كل ما جاء مجاله
تحية خصٍ من حمود تاصلك= حيثك تساوي بالمعزة عياله

و رد الشاعر محمد بن محسن على قصيدة حمود بن زبن الجهني

يامرحباً في منزل ٍمن منازلك= ازيارتك عيدٍ بدالي اهلاله
مجمل ٍياحمود والله مجملك= مجمل ٍياللي تحب الجماله
اتنزهك عن كل لوم ٍفعايلك= يالنادر اللي كاسبٍ كل طاله
واللي بقلبي مالغلا ضامنه لك= عندي ضمان ٍله وعندي كفاله
مشاغل ٍياحمود ماهيب تجهلك= ولا ان مثلك ماندّور بداله
من قاصرك ياكسب الطيب حصلك= بالقدر تسعى دايم ٍبالوفاله
ياحمود من حوض الجمايل مناهلك=فيك الوفا فيك الصخا والجزاله

**معلومات** **العضو** · 13-12-2009, 08:56 PM

الله يعافيك يابو حمود على طرح المساجلة
وصح لسان حمود الجهني ومحمد ابن حشفل الخضراني

**معلومات** **العضو** · 15-12-2009, 03:28 AM

.
.
•
سلم النآقل .. والمنقول ..

فعلآاً ..
مُتصفح .. رآق

**معلومات** **العضو** · 16-12-2009, 01:38 PM

حياك الله أخوي رماد

وأشكرك على مرورك

لكن أرجو من الإدارة تعديل الأبيا الأول لأنها كتبت بعكس القافية وكان هذا هو الخطأ

**معلومات** **العضو** · 16-12-2009, 01:42 PM

أشكرك أخوي نايف على مرورك العطر
لكن أرجو من الإدارة تعديل الأبيا الأول لأنها كتبت بعكس القافية وكان هذا هو الخطأ

**معلومات** **العضو** · 16-12-2009, 04:04 PM

صح لسانك يابو حمود وبيض الله وجهك على المساجلة مع الشاعر الجزل ابو محسن وعز الله إنكم جزلين ياثنين ولاهيب غريبة عليكم العلوم الغانمة وتستاهلون الطيب ،،،

**معلومات** **العضو** · 16-12-2009, 04:11 PM

صح لسانك يا بو حمود ولا هنت على النقل المتميز من الشاعرين .

أخوك / درعان بن عبدالله بن عريعر بن درعان

**معلومات** **العضو** · 16-12-2009, 08:54 PM

صح لسانك يابو حمود وبيض الله وجهك على المساجلة الجزله

وصح الله السان الشاعر الجزل ابو محسن

وتعم تعديل الابيات

وتقبل مني التقدير والاحترام

**معلومات** **العضو** · 16-12-2009, 09:02 PM

الله يعافيك يابو حمود على طرح المساجلة
وصح لسان حمود الجهني ومحمد ابن حشفل الخضراني

**معلومات** **العضو** · 17-12-2009, 09:16 PM

شكرا يابو حمود على ما قدمت بيض الله وجهك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية