قصيدة نايف أبا الخيل الخييلي في فهيد بن مصيبيح المساعرة

[معلومات العضو ابو فهد الخييلي]

قصيدة الشاعر نايف بن محمد أبا الخيل الخييلي في فهيد بن مصيبيح المساعرة

يا فهيد ما يمدح من الناس رجال =إلا وهو كفو للامداح يا فهيد
ولا الردي يافهيد ما حاله بحال=هرية تنقر على ساقة الصيد
لا والله إلا عنزوبك على خال =عمانك اللي يبعدون المقاصيد
الاد مسعر لاعتزى كل خيال =بالصخاف شول عند أهلها متاليد
كنه إلا حول على القوم محوال =حر على ربد العشار الملابيد
وإنا بعد نذكر على كل مشوال =وهجن بنا تومي مع نازح البيد
لاد الخييلي مقدم الجمع لا مال =خيالة الشرفا سعد عينك وعيد
الطيب يبغي من مداليه طوال =لا ورد له جمن على الوارد بعيد
جذب الدالي اللي تحادم على الجال=ياقفلها اللي مابعد خانه الجيد
ابن مصيبيح ومثله إن جاكم يسال=أحد على الطيب فقولوله فهيد

 

 

 

 

[معلومات العضو محمد بن حمد الشكرة]

صح الله لسان الشاعر/نايف أبا الخيل الخييلي ويستاهل فهد بن مصيبيح المساعرة ولاهنت ياابو فهد الخييلي

 

 

 

 

[معلومات العضو نايف الخييلي]

ابو فهد الخييلي

الله يعافيك على الطرح المميز وبيض الله وجهك

وابو محمد شاعر جزل ومبدع صح لسانه على القصيده الجزله ويستاهلون الثناء من هم
اهلً للثنا ء

تقديري لك

 

 

 

 

[معلومات العضو ابو زيد الغييثي]

الاد مسعر لاعتزى كل خيال* * *بالصخاف شول عند أهلها متاليد الله الله يا شوش راسي يا لآد مسعر وافين وافين مرجحة الموازين جعل يمناك ما يجيها العطب يا أبو فهـد على هذا النقل وصح اللسان نايف الخيالات ملاييين ولا يوفون لاد الخييلي مقدم الجمع لا مال * * *خيالة الشرفا سعد عينك وعيد كفو كفو يا محازم الظفـر سعد من انتوا على رايه لاعمسة الاشوار أخوك / ابو زيـد

 

 

 

 

[معلومات العضو دغش محمد الصخابرة]

صح الله لسان الشاعر/نايف أبا الخيل الخييلي ويستاهل فهد بن مصيبيح المساعرة ولاهنت ياابو فهد الخييلي

 

 

 

 

[معلومات العضو راشد المسعري]

صح لسان الشاعر نايف الخييلي وبيض الله وجهه على القصيدة الجزلة ويستاهل من قيلت فيه الأبيات وماعليكم زود يا مخاريز الرماح وعلومكم وافية اول وتالي ولك ودي وتقديري ،،،،