سنوات الضياع

**معلومات** **العضو** · 30-07-2009, 11:25 PM

يامعرفي لايغرك من لبس له قناع=لوتختلط بالحروف التاء وتذكيرها
طيب النوايا دليلك لدروب الوساع=لاتشقي النفس بالكلمه وتفسيرها
القنبله لوتجي بيدين بعض الرعاع=ابطلت مفعولها وابطلت تأثيرها
بعض الطبايع دمار ان قلت بعض الطباع=يمرني شرها ويزلني خيرها
يامنطق العقل سافردام فيها صراع=شوف الحقيقه وتعرف من دهن سيرها
ماعاد للشعرداعي والمشاعر تباع=وفعل الشواعيرخالف صدق تعبيرها
يامعرفي بالآمانه والسلامه متاع=اجلس وشوف الحقيقه كيف تضييرها
تابع مسلسل سنوات الجهل والضياع=اصرف من اللعبه اللي كاشف بيرها

**معلومات** **العضو** · 30-07-2009, 11:41 PM

ماعاد للشعرداعـي والمشاعـر تبـاع =وفعل الشواعيرخالف صـدق تعبيرهـا

.

تابع مسلسل سنوات الجهـل والضيـاع = اصرف من اللعبه اللي كاشـف بيرهـا

**معلومات** **العضو** · 30-07-2009, 11:52 PM

ارحب ياحسن وصح لسانك على هذه الرائعه

وهذا الزمان على مافيه من خير كثير

لكن فيه مثل يقول

من الجنون ان تظل عاقلا في دنيا المجانين

لاهنت مرة اخرى والله يعين على الدنيا بخير

**معلومات** **العضو** · 30-07-2009, 11:57 PM

أول ماقريت (معرفي) أحسب أنه
زميل لك في العمل من جيزان الشقيقة

حسن بن بطحية :

لا أعلم ماخلف كواليس هذه القصيدة ولكن ما أعلمه علم اليقين أن
الشعراء أربعة , أولهم : شاعر يجري ولايجرى معه , وهنا أتوقف ياحسن
ولن أكمل بقية الأربعة لأني وصلت المقصود بذكري فئتك الأولى ولا شأن
لي بالبقية الباقية !!

ياحسن بن بطحية :

ثق تمام الثقة أن من يعرف الشعر الحقيقي يعرف قيمة ماتكتب
وتأكد أنه إن لم ينصفك الحاضر فإن المستقبل سيكون منحازاً
إلى صفك وصف كل المبدعين أمثالك ....بمشيئة الله وعونه

والله لاأعرفك معرفة شخصية ولم يسبق لي مقابلتك حتى لايظن
أحد أن هذه مجاملة ولكني أكتب قناعاتي بكل تجرد وشفافية
فمن واجبنا الإحتفاء بالمبدعين لاسيما وهم من أبناء عمومتنا وطولتهم طولة لنا
والسلام عليكم ورحمة الله

**معلومات** **العضو** · 30-07-2009, 11:58 PM

القنبله لوتجي بيديـن بعـض الرعـاع=ابطلـت مفعولهـا وابطلـت تأثيرهـا
بعض الطبايع دمار ان قلت بعض الطباع=يمرنـي شرهـا ويزلـنـي خيـرهـا

صح لسانك يا ابو بطحيه

وبيض الله وجهك على القصيده

اي والله انك صاادق

تقبل موروري.

**معلومات** **العضو** · 31-07-2009, 11:35 PM

جيت دااعس اول ماشفت سنوات الضياع قلت اكيد بحصل شي ال لميس المزيونه

اللي خلت عربنا يرابطون بتركياا ههههههههههه
اثر القصيده كلها دبابيس وسهووم وفشق

ومقمع وفتيل ههههههههههههههه
وضرب تحت الحزاام

>>>> ترا ياحسن حسب فهمي

والظاهر انا بوادي وانت بوادي

بس حبيت اقرقر معك لاني مبطي من الرد عليك

وعجبني ردين راائعه هناااا: الرد الاول

اقتباس:

اقتباس من رد الشاعر الناااهشي ..من الجنون ان تظل عاقلا في دنيا المجانين

راي يروقني كثييير لانك بهالزمن كنك تكلم جدراان ههههههههههه
عمك اصقه

اقتباس:

الرد الثاني بواسطة خلاد .....ثق تمام الثقة أن من يعرف الشعر الحقيقي يعرف قيمة ماتكتب
وتأكد أنه إن لم ينصفك الحاضر فإن المستقبل سيكون منحازاً
إلى صفك وصف كل المبدعين أمثالك ....بمشيئة الله وعونه

على قولتهم مايصح الا الصحيح طال الزمن والا قصر
لاينفع الصوره تكون حلوه او لا
ولاينفع التلميع بالامسيات حتى للامراء وانتوا ابخص امراء التلميع بالشعر

ولاينفع اقامة الاحتفالات والتربع جنب عريف الامسيه ورفع الصوت بالمهايط حتى لو شعر مشري بقرووش

على قولة الشاعر الخريجي واعترافه ببيعه للشعر لظروف العيش ولااحد شكك بالخريجي بل بلعكس زاده قبول عند الناس
وهناا اشكر خلاد ع هالرد بصراحه عجبني

اقتباس:

أول ماقريت (معرفي) أحسب أنه
زميل لك في العمل من جيزان الشقيقة

ههههههههههههههههههه على وزن مجرشي
وعجبني جيزان الشقيقه هاذي من دول الجوار الله يرجك ياخلااد

ههههههههه

حسن مدح بالوجه مذمه لكن انت تستحق ان يكتب رد يليق بك
حتى لو اغضب البعض

بالاخير الله يستر من دخول المعرفات عليك بعد هالقصيده لانها من النوع اللي تخلي
كلن يتخيل من المقصود حتى اناا اللي ماافهم بالشعر شكيت

ههههههههههههههههههه

حسن .... رائعه قصيره بس كل بيت بمفاعل يشبه مفاعلات ايران النوويه

**معلومات** **العضو** · 01-08-2009, 03:58 AM

اقتباس:

المشاركة الأصلية كتبت بواسطة king

معرفي =ههههههههههههههههههه على وزن مجرشي !!
وعجبني جيزان الشقيقه هاذي من دول الجوار الله يرجك يا((خلااد)) ؟

ههههههههه

وعجبني تعليقك يالكنق = تفاصيل دقيقه !!

واولا واخيرا صح لسانك مليون ياحسن

دمت

**معلومات** **العضو** · 01-08-2009, 04:19 AM

صح الله لسانك مدد ماهوب عدد ياابن بطحية ولاعدمناك على القصيدة الجزلة وانت شاعر ماتجيب الا الجزل ياالقرم

**معلومات** **العضو** · 01-08-2009, 04:42 AM

صـــــــــــــــــــــح لســـــــــــــــــــانك

**معلومات** **العضو** · 01-08-2009, 11:30 AM

بعض الطبايع دمار ان قلت بعض الطباع=يمرنـي شرهـا ويزلـنـي خيـرهـا

الوحيد
صح الله لسانك وجعل الرديان فداك

**معلومات** **العضو** · 02-08-2009, 10:02 AM

اقتباس:

المشاركة الأصلية كتبت بواسطة محمد بن سالم بن فهيد

ماعاد للشعرداعـي والمشاعـر تبـاع =وفعل الشواعيرخالف صـدق تعبيرهـا

.

تابع مسلسل سنوات الجهـل والضيـاع = اصرف من اللعبه اللي كاشـف بيرهـا

لاهنت يابو سالم ممنون لك طال عمرك

**معلومات** **العضو** · 02-08-2009, 06:28 PM

صح لسانك يا ابو بطحيه

وبيض الله وجهك على القصيده

تقبل موروري

**معلومات** **العضو** · 03-08-2009, 10:47 AM

لاهنت يانادر جعلك سالم دايم وافي
بيض الله وجهك دمت بخير,,

**معلومات** **العضو** · 08-08-2009, 05:42 AM

اقتباس:

المشاركة الأصلية كتبت بواسطة خلاّد الزايدي

أول ماقريت (معرفي) أحسب أنه
زميل لك في العمل من جيزان الشقيقة

حسن بن بطحية :

لا أعلم ماخلف كواليس هذه القصيدة ولكن ما أعلمه علم اليقين أن
الشعراء أربعة , أولهم : شاعر يجري ولايجرى معه , وهنا أتوقف ياحسن
ولن أكمل بقية الأربعة لأني وصلت المقصود بذكري فئتك الأولى ولا شأن
لي بالبقية الباقية !!

ياحسن بن بطحية :

ثق تمام الثقة أن من يعرف الشعر الحقيقي يعرف قيمة ماتكتب
وتأكد أنه إن لم ينصفك الحاضر فإن المستقبل سيكون منحازاً
إلى صفك وصف كل المبدعين أمثالك ....بمشيئة الله وعونه

والله لاأعرفك معرفة شخصية ولم يسبق لي مقابلتك حتى لايظن
أحد أن هذه مجاملة ولكني أكتب قناعاتي بكل تجرد وشفافية
فمن واجبنا الإحتفاء بالمبدعين لاسيما وهم من أبناء عمومتنا وطولتهم طولة لنا
والسلام عليكم ورحمة الله

اخوي خلاد الزايدي,,
لباوالله قلبك على كل كلمه قلتها لوان بعض العرب ماوده تقول هالكلام الذرب بحقي,

؟؟
ونا لوقلت ان كلامك عادي ومتعود عليه فهذا قمة الغرور مني لكن اقول الله يوفقك ويحفظك والمهم اني كسبت رضاك وذائقتك جعلك العز تقبل صادق تقديري وحبي,,

**معلومات** **العضو** · 08-08-2009, 05:51 AM

اقتباس:

المشاركة الأصلية كتبت بواسطة ناصر الفصام

القنبله لوتجي بيديـن بعـض الرعـاع=ابطلـت مفعولهـا وابطلـت تأثيرهـا
بعض الطبايع دمار ان قلت بعض الطباع=يمرنـي شرهـا ويزلـنـي خيـرهـا

صح لسانك يا ابو بطحيه

وبيض الله وجهك على القصيده

اي والله انك صاادق

تقبل موروري.

اوجهك ابيض ياناصر جعلك تسلم لاعدمتك وشرواك شرفني مرورك الكريم يالغالي,,

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية