محاروة (حبيب العازمي )و(فلاح القرقاح)في المغتره

[معلومات العضو غازي المسعري]

حبيب العازمي

سلام الله عليكم يا هل العوجاء هل التوحيد = سلاطين الرجال اللي تشرفها مواقفها
ابن ريفه فرد سجادته يبا يصلي العيد=وقبل ان الامام يكمل الخطبه تلحفها

فلاح القرقاح

هل العوجاء ولاهم معتقد ومشاهدتهم فيد= هلا يا مرحبا ترحيبة ما احد يوصفها
تبا تعرف هدف صاحبك ابن قرقاح بالتحديد= رضا ال سعود ولا شوفة الشعار عايفها

حبيب العازمي

ترا ماكل قناص قنص يقدر يصيد الصيد= ياراعي الصيده اللي روحت وانته تلاقفها
يارجال اذكر الله ثم هات العلم بالتاكيد= وروحك بعد هاذي بالمشاكل لاتكلفها

فلاح القرقاح

بعير عن لزومه مايجوده الرسن والقيد = وبعير لو يورا ديرته ماهوب شايفها
مادام انك معافى لاتصك الحيد فوق الحيد = تقويها نقويها تضعفها نضعفها

حبيب العازمي

لو ان الامر مثل اللي تقوله ماتصير وحيد = ولكن المجنن ماتريح لو تكتفها
ولا يازيد علم عمر ولاياعمر علم زيد =مطاوعت الزمن هذا خطرها في مصاحفها

فلاح القرقاح

انا قربت عند الوجه الابيض وانت رحت بعيد = ياليتك جيت في تاج الجنوب احلا مصايفها
تبا تقرا كتاب الله لازم تدرس التجويد =ولا تنقد يكون اهل التطرف في تطرفها

حبيب العازمي

انا لو جتني الدعوى وصلته لو في مدريد =لكن انته يابن ريفه على الريحه تخطفها
بغيت تشدد العتبان والمطران بالتهديد = واثرها كلمتن دايم على لسانك مطرفها

فلاح القرقاح

تقوله والعرب يدرون وش ملهيك ويش تريد = ثلاث شهور واللي يلحق الخلفه يعطفها
انا احارب على وضح النقا ماني بعرف الكيد = ولي عزوه مواقفها الشريفه ما تسلفها

حبيب العازمي

تحسب المشترا بالكاش مثل البيع بالتقصيد = ولو عندك طماعه لو بالغصب انتناصفها
صحيح العمر يفنى يالعبيدي والثياب تبيد = ورجلن مايجينا بالحقيقه لايولفها

فلاح القرقاح

طماعتنا رضى اللي يكسبون المجد والتمجيد = لك الله ماتصرف ياحبيب لو تصرفها
عسى ربي يعز اللي على زود الظروف يزيد =للاه اهل المواهب ماتحصل من يوضفها

حبيب العازمي

على الله يا نصيبن تجمع الفاسق مع العربيد = مايبقى الا الرموش اللي على عيوني تنتفها
ياكثر الخير مير النفس ماتقنع بشي زهيد =وهذا من شقاها لاتحسب انه يسعفها

فلاح القرقاح

ياكبر الكلمه اللي حرها يلحق رضيع الديد=امين المكتبه لو شاب راسه مايصنفها
ترا اللي ميده فعله ماهو محتاج للتاييد =وعند الله كل الخلق منشوره صحايفها

 

 

 

 

[معلومات العضو محمد بن سالم الخضراني]

لاهنتي ياغازي محاوره بين عمالقه وطاروق طيب


لك التحيه

 

 

 

 

[معلومات العضو عبدالله الحافر الغييثي]

طاروق ممتاز الشكر كوصول لك اخي غازي على هذا لابداع المتواصل

 

 

 

 

[معلومات العضو بدر ابن نايف]

السلام عليكم





ياسلام







ياسلام


شعار كبار


معانى كبيره

فتل ونقض


صح الله السانك والسان الشعار

ولاهنت على اتحافنا بالمحاورات


اشكرك على جهودك الكبيره


لاخلا ولا عدم منك ومن مشاركاتك

تقبل

تحياتى

 

 

 

 

[معلومات العضو دغش محمد الصخابرة]

يعطيك العافيه على النقل ,,,,,

صح الله السانك والسان الشعار

ولاهنت على اتحافنا بالمحاورات


اشكرك على جهودك الكبيره,,,,,

ودمتم بحفظ الرحمن...........

 

 

 

 

[معلومات العضو الشقرديه]

تسلم يمناك ياغازي على طرح المحاوره لاهرام الشعر

 

 

 

 

[معلومات العضو غازي المسعري]

لاهنتوا جميعاً شكراً لمروركم