ردية بين الشاعر ضيدان بن قضعان العرجاني والشاعر سعد الودعاني

[معلومات العضو ساس العز]

ردية بين الشاعرين / ضيدان بن قضعان وسعد الودعاني


البارحة يا سعد والعين مسهرها=واغلا القصايد تزاحم في شراييني
شبيت نار القصيد وبت اسامرها= ويممت لك يا سعد والله محييني
وخليت بعض القصايد في دفاترها=ايمان بالله ثم بسمي وتكويني
وغنيت لك من طروقٍ كان ذاخرها=غوالي ما تساق إلا لغاليني
وانا اعرف منين وليه وكيف اعبرها=موهوب فطره ورب البيت مغنيني
والشعر لعبة سحر وعيون ساحرها=احيان تسكن جفوني لين تغويني
واحس نفسي على الدنيا واكابرها=سلطانها اللي عليها الله موليني
مغرور مجنون مدري كيف اصوّرها=الغاية انها تركز في شياطيني
واعوذ بالله يقهرها ويدحرها=ربٍ ليا اغواني الشيطان يهديني
اللي رفع سبع فوق وسبع كوّرها=إن شاء يميتني وإن شاء يحيني
مؤمن وشاعر واجم من البحر وارها=وعلى قصير المدا ما الله بحاديني
اغلي القصيدة وارتبها واطوّرها=والعب بها كنها المسباح فيديني
ما اتعب عليها واكسرها واجبرها=إليا تناوشتها ما هيب تلهيني
وعد القصيدة على اللي ما يقدرها=عيبٍ على اللي يعرفون القوانيني
والسالفة يا سعد مانيب ذاكرها=دام انت فاهم وتسمعني وتوحيني
والناس سرد الحكي ما هوب غاترها=لكن خل السوالف بينك وبيني
وان مرتك صد ما كنك بخابرها=الصمت حكمة يا راع الشين والعيني
والمزنه اللي سقا الصمان ماطرها=ان خلّتها يا سعد لا تلتفت فيني
والساحة اللي تعلو في منابرها=غير السعودي اماراتي وبحريني
العين يا بو مبارك شافت اكثرها=ويا شيب عيني من اللي شلفته عيني
شافت من الناس شعارٍ جواهرها=من غبة اليم تشرا بالملاييني
ناسٍ لو تموت من مفاخرها=قصايدٍ تفتخر فيها الدواويني
وشافت من الناس شعارٍ بمظاهرها=ناسٍ عسى اللي تبلاّها يعافيني
شعّار ما همها إلا اتطلع صوّرها=وقلوبها اكبرمن قلوب البعاريني
تقرا على كل ما شافت مشاعرها=حتى على التايلندي والفلبيني
ناسٍ ما يدرون وين الله حاشرها=ما صاح من صايحٍ هجّوا مغيريني
بلا على الدبك سندها وحدرها=وما قالوا الناس عادوه الوراعيني
قلته وانا غلطتي الا اخطيت ابررها=ما اقول فاتت ما عاد يمديني
وقصيدة ٍ ما تطول وجه شاعرها=ما هيب للي على السكة يباريني
هذا وتسلم من اولها الى آخرها=والسالفة خلها ما بينك وبيني

ضيدان بن قضعان



رد الشاعر سعد الودعاني



قب المعاني متى ما اسرجت ضامرها=في قطع فرجة في خيالي ما تعنيني
بنا ريح يـدك الغيم حافرها=اصايل عسفها ما هوب يشقيني
ضيدان بيّن لي الشاره وشطرها=كنه يقول انتبه بالنقض تخطيني
شب القصايد وفاحت لي مكاسرها=والميت ايغبن وإلا الحي يحييني
نوادرٍ صدر ابو منصور ماكرها=هداتها عن بعض الاشياء تكفيني
خاتم سليمان في يمناه صخرها=وعصاة موسى ما بين ايميني
ما هيب تلهيه وانا ما اجررها=واحب طول المدى والرب مرهيني
مستفعل فاعلٍ فعول لاخرها=ما هيب وزني ولا طرقي وتلحيني
بين اصبعيني اورّدها واصدرها=كنها بلا قاف تتبعني وتمليني
من قلتلةٍ في الخيال ولا يخاشرها=غيري ومن صافي الطفوف ترويني
والشعر فطنة ذكا من ذهن ماهرها=وشرارة ابداع اولعها وتطفيني
حالة تلم التناقض في عناصرها=شعور عفوي وتلقائي وتخميني
احس بالعبقرية في تبخترها=واخش في جو واكره من يحاكيني
آراء مهما اختلفنا ما نكفرها=دام اتفقنا المبادي يا مخاويني
والمزنة اللي سما الصمان باشرها=كني برعادها لاحن يدعيـني
اول مقاديمها يتلا مواخرها=واتلا مواخيرها دينك على ديني
اشوفها وابتعد ما كني اناظرها=وفي صدتي عنك ما يحتاج توصيني
ما شافت العين تدفن في محاجرها=وان مرني اعتبر ما هوب يعنيني
والساحة اللي يفبركها محررها=امدح وتاخذ عباتي يا مواليني
ناسٍ تبيها لا والله تدبرها=بالعرض خشوا معارضة الطراشيني
اوادمٍ تبترم داخل دايرها=في طرح دارج وفي تكرار روتيني
شليلة اشباه ملهيها تكاثرها=تشابهت كنها ملامح الصيني
لا سبك لا حبك لا معنى ينورها=لا شاعرية ولا معهم مضاميني
يا مربحك يا معافي لو يوفرها=والقه في قلب من لايفقه اتهيني
على عماها وبالفاضي تدحدرها=تبداه مسحوب شوي ايلا هو هجيني
هلما جرا وتعلن عن تذمرها=ومن فتل قافك نظرت اللي توريني
لو اذنوا شرق ما والله يفسرها=غير الذي يعرف بين قوسيني
وقصيدة ابياتها ما هيب تشهرها=ما تحمل اسمي ولا خطي وتدويني
وشعرٍ عليه العرب ما تنطل غترها=وياقف شعر روسها له ويش يوزيني
والسالفة لو تشابرنا محاورها=الشين والعين عندك يا مناديني

 

 

 

 

[معلومات العضو خيالية]

رائـــع والله أنـــا مــب ذاك الفهم بالشعـــر لكني ذواقه فيه القصيدتيين خطيرات وفي كل وحـــده أبيات جــدا ً جميله أعجبتني ،، يعطييك العافيه ساس العز ..

 

 

 

 

[معلومات العضو ساس العز]

مرحبا بك يا خياليه ويشرفني مرورك

 

 

 

 

[معلومات العضو ماعلي قصور]

اخوي ساس العز ,,,

لاهنت ع الطرح الرائع نقل موفــــــــــق وإلى الامامـ