نصيح بأسم ((كلاش)) وننخا وندعيه !!!

[معلومات العضو مسفر المصارير]

بسم الله الرحمن الرحيم

تفاجات مثل غيري بأنسحاب ابن العم الغالي نايف البدراني (( كلاش )) من المنتدى

وحقيقه والله اني مدري لكن الله يوفقه طالما انه مشغول وما اقول الا عساه يرجع

لربعه سالم غانم وهذي ابيات تهيضت فيها يوم ذكرت رفقته لنا بالمنتدى الي كلها نوماس

ومواقفه معنا وفزعاته بالردود على الشعراء من خارج القبيله وهي تعبر عن مافي

الخاطر تجاه ابن عم عزيز وغالي وشاعر بحر تنومس مواقفه اقول فيها ..

القلب ضاق ولالقا من يواسيه=مابين ربعي مير كني خلاوي
من عقب راح اللي نعزه ونغليه=وتقطعت عنا حبال الرجاوي
جانا غريب وراح محدٍ عرف ليه=وفي منتدانا صار نجمٍ سماوي
معه جمعنا الطيب فسمى معانيه=وعز الله انه بالمراجل غناوي
حبه لربعه من مبادي مباديه=وهومة تفاكيره بعيدة حراوي
واضح صريح وبيناتٍ مماشيه=ماهوب من يحسد وقلبه عماوي
ولايشوف بنفسه كبرٍ ولا تيه=واثق مثل ضلعٍ عسير المهاوي
واذا ضمينا نرتوي عذب صافيه=نارد ونصدر منه عدٍ رهاوي
وان جا اللزوم وخانت اللاش رجليه=وضاعت علوم مكثرين العزاوي
نصيح بأسم ((كلاش)) وننخا وندعيه=ويجيك هاوي مثل حرٍ نداوي
واليوم راح وغيبنه لياليه=ما عاد ندري راح بأي النحاوي
ليته معلمني على وين أخاويه=وألا معلمني على وين ناوي
خلاني مابين العتب والمشاريه=كني مريضٍ معطبته المكاوي
ومع كل طلعة شمس ياناس برجيه=وأنا على رجعت رفيقي رجاوي

الشاعر : مسفر بن منيف المصارير

أبو ناااايف

 

 

 

 

[معلومات العضو ولد ودعان]

اخوي الشاعر مسفر المصارير صح السانك يالقرم على الابيات الجزله وفي شخص عزيز علينا والذي احزنا بفراقه وترك فراغ بيننا وعزالله ان الصفات اللي ذكرتها جميعا تنطبق عليه ,,وقد وصلني خبر بان كلاش مشغول في دراسته فالخاارج نسال الله له التوفيق ويرجعه الينا سالم

صح السانك يامسفر ولاهنت

 

 

 

 

[معلومات العضو شافي القويسي المخاريم]

 

 

 

 

[معلومات العضو ابو فهد الغييثي]

صح السانك على القصيده الجميله

والله يسهل على اخونا كلاش

تحيااااااااااااااااااتي

 

 

 

 

[معلومات العضو ابو زايـد البدراني]

ليته معلمني علـى ويـن أخاويـه=وألا معلمنـي علـى ويـن نـاوي
خلاني مابيـن العتـب والمشاريـه=كنـي مريـضٍ معطبتـه المكـاوي
ومع كل طلعة شمس ياناس برجيـه=وأنا على رجعت رفيقـي رجـاوي

الله اكبر عليك صح لسانك ملياااااااار يابو نايف شاعر جزل ولا تحتاج الشهاده مني


والله احزنني كثيرا خروج الشاعر الكبير نايف البدراني


نقول ان شاء الله له رجعه


تقبل مروري المتواضع اخوك ابو زايد البدراني

 

 

 

 

[معلومات العضو الشقرديه]

صح السانك على القصيده الجميله والله يسهل على اخونا كلاش

 

 

 

 

[معلومات العضو بدر ابن نايف]

السلام عليكم

الله الله

ياسلام على مبدا الاخوه انت مثال حى للدوسرى فى طيبته ونخوته ومبادئه الحميده

كثيرين اللى سجلو معنا فى المنتديات وخرجو بهدوء ولكن ان يخرج عظو ويتمثل عظو اخر فى خروجه هذى جديده وبادره طيبه من شاعر لايشق له غبار

اشكرك يابو نايف على مشاعرك النبيله الى تجسد معنا المحبه والاخوه

صح الله السااانك مليووووووووون ولا يكفون يالقرم

ولاهنت على طرحك الجزل


اسال الله العلي القدير ان يرجع اخونا كلاش الى المنتدا ويسهل اموره ويوفقه فى حله وترحاله

تقبل اصدق معانى الود والاحترام

 

 

 

 

[معلومات العضو بدر بن صقر العجالين]

الله الله

كفووو كفووو يا أبوناايف هذا الخوي القرم اللي يفقد خويه

صح الله لسانك يالحبيبي وانت حبيبي فعلا يا أبونايف

بيض الله وجهك أبيات معبره ويستاهل الأخ ( نايف البدراني ) يستاهل نفقده..

أبونايف شاعر طيب وقلبك أبيض ويشهد الله اني احبك بالله

صح الله لساااااانك ملايين..

وتقبل تحياتي،،

 

 

 

 

[معلومات العضو ابوبدر المصارير]

ابو نايف جعل من لمني في حبك يبلى بالعمى

صح الله السانك واعتلى شانك يالشاعر الجزل والمحبوب

وبيض الله وجهك على هذه البادره الطيبه والنادره

اخوك ابو بدر

 

 

 

 

[معلومات العضو سالم بن صمهود]

نصيح بأسم ((كلاش)) وننخا وندعيه

الاخ والشاعر مسفرالمصاريرصح الله لسانك ولاهنت واسئل الله ان يرد كلاش سالم غانم

 

 

 

 

[معلومات العضو متعب بن حمد الشكرة]

صح السانك على القصيده الجميله

والله يسهل على اخونا كلاش

تحيااااااااااااااااااتي

 

 

 

 

[معلومات العضو محمد الولامين]

الشاعر : مسفر بن منيف المصارير

صح لسانك مليون عساك ماتهون وبيض الله وجهك على الابداع اللي قدمته