قصيدة الفهادي في الرواعيه

[معلومات العضو هاقي خير]

بسم الله الرحمن الرحيم

هذه قصيده للشاعر /حشان بن فهيد بن لويف الفهادي

قالها في الشيخ /عبدالله فرج الرواعيه الدوسري


وقد قالها الشاعر الفهادي بعد موت بعيره شيبان
المهدى عليه من عبدالله الرواعيه

عسى الله يعوضنا الصبـر فيـك ياشيبـان=وعساك مخلوف وفضـل ربـي تواهيبـي
حزنـا لفقـدك كلنـا والمـقـدر كــان=وذا أمر الله اللـي يعلـم السـر والغيبـي
أجي مشربك وأروح وانشد على الرعيـان=واعـود ودمعـي مثـل سيـل المحانيبـي
أعزك وبـرك مثـل مابـر فـي الشيبـان=واحبـك محبـة شالـح لـولـده ذيـبـي
غلاك امتزج بالدم يجـري مـع الشريـان=رسخ في سويدا القلـب غصـب بلاطيبـي
ولكـن الامـر الله ربـي عظيـم الشـان=عطاك وخـذاك ولاعـن الحـق تجنيبـي
كظمت الغضب والغيظ ودارى على الجيران=وذبـيـت ياشيـبـان روس المهاظيـبـي
وجريت صوت من صميم الحشـا مليـان=ولاحيت من حزني علـى فقـدي الذيبـي
ومما جرى صخرت قـاف مـن الوجـدان=بيـوت علـى معنـى بـذوق وترتيـبـي
تليـق بمقـام الـي فعولـه لهـا برهـان=عزيزالجنـاب اللـي يعـرف المواجيبـي
حميد السجايـا النـادر مطـوع الفسقـان=عبـدالله فـرج ستـر البنـي الرعابيبـي
سليل الفخر والمجد والطيـب لـه عنـوان=وله سيره فـي صفحـه العـز والطيبـي
هو اصل الكرم ساس الكرم منبعه لاغـان=يحلى علـى هـداج صافـي المشاريبـي
راعي مجلـس تلقـاه مزحـوم بالضيفـان=ويبهـج خطـا طيـره بزيـن التراحيبـي
وصدره رحيب بالمعرفـه وسيـع ابطـان=ذخيرة بنـي عمـه ومنصـى الاجانيبـي
معز الخـوي والجـار هـو والله كحيـلان=ومـن لاذبـه عـدى بـروس المراقيبـي
ابيض الفعايـل والوفـاء رجـح الميـزان=يوم ان الردي مثل الرصـاص المكاذيبـي
وفاه السمـؤل جـود حاتـم بـلا نقصـان=شجـاع مهلهـل هيبتـه هيبـة كليـبـي
وبسمـه تجيـر قمـة الطيـب والاحسـان=خـذا الطايلـه مافيـه شـك ولاريـبـي
ولد شايب فعلـه تعـدى علـى الشيخـان=جميـع القبايـل تعـرفـه والمعازيـبـي
من اولاد مسعر لكتسـى الجـو بالدخـان=تساق لحـوض المـوت وتجـري الهيبـي
مداغيش قوم فـي اللقـاء كلهـم ظفـران=حمـو غرسهـم باللـي تفـج المظاريبـي
لمن لحقو الابل جندلـوا فـارس الفرسـان=بني مسعـر اللـي تيهـت شمـخ النيبـي
من اللابه الي مـن زبنهـا لقـاء مزبـان=تزبن دخيـل البيـت والموقـف صعيبـي
وتشهد عدامه غالـب وزور بـن جلبـان=كلامـي علـى برهـان ماهـو باكاذيبـي
من اولاد زايذ مرويـة كـل حـد اسنـان=هل المدح والنامـوس قـوم(ن) معاطيبـي
دواسر كواسر في النـذر تنـزل الحـدان=وترعـى القفـر ذيدانـهـم بالمغاليـبـي
وعبدالله اكبر من قصيـدي وصيتـه بـان=جزيـل العطايـا ماضيـلـه تجاريـبـي
نصيتـه وقـال ابشـر بشيبـان ياحشـان=عطانـي هـدود الشـول زينـه تعاجيبـي
وخذيته ولاهوجسـت بالبيـع مهمـا كـان=وشرايـة الابـل يرسـلـون المناديـبـي
وحلفت وفيـت انـي فلاصخيـه بالاثمـان=لوامشي فقيـرٍ وحافـي ٍوخالـي ٍ جيبـي
ابي حرد شيبان تشوفـه علـى الحيـران=ويظهـر علـى حـرده بكـار حنازيبـي
وتحكمت فيهـا بالغـلاء والبكـار ازيـان=وحايا من الرحمـن شيـب علـى شيبـي
على ذكرها يأتيك رامـس وبـن حمـدان=وتركي علـى كبـد الشريطـي لواهيبـي
عطيـة كريـم والله المعـطـي المـنـان=عبدالله فـرج خيـال حـرش العراقيبـي
عطاياه جـزلات ودايـم اتجيـك اسمـان=بعيـد المـدى ياقريبـيـن المحاظيـبـي
وشيبان ياهل الصنف من خيـره الذيـدان=مـن حيـار ذود مالحقـهـا عذاريـبـي
وعسى الله يعوضنا الصبر فيـك ياشيبـان=وعساك مخلوف وفضـل ربـي تواهيبـي

 

 

 

 

[معلومات العضو راشد المسعري]

هاقي خير بيض الله وجهك على نقل هذه القصيدة الجزلة وصح لسان شاعرها حشان آل فهاد على هذه القصيدة الوافية ويستاهل الشيخ عبدالله بن فرج الرواعية ماقيل فيه واشهد بالله إنه كفو والله يجمله مثل ماجمّل الدواسر قدام الأجناب ، ومن قدم الطيب يلقاه لاهنت ياهاقي خير على نقل القصيد الذرب الطيب وتقبل ودي وتقديري ،،،

 

 

 

 

[معلومات العضو يحيى الودعاني]

صح لسام الشاعر


وبيض الله وجهك على النقل الطيب

 

 

 

 

[معلومات العضو هاقي خير]

راشد المسعري

يستاهل ابو فرج المدح
والفهادي ذرب ومادح له رجال مديح


لاهنت على مرورك العطر

 

 

 

 

[معلومات العضو هاقي خير]

ووجهك مايلام اخي يحيى

ولاهنت على مرورك العطر

 

 

 

 

[معلومات العضو شافي القويسي المخاريم]

صح لسان الفهادي


و يستاهل عبدالله بن فرج المدح



لاهنت يا هاقي خير على النقل الرائع


تحيااااااااااااااتي

 

 

 

 

[معلومات العضو فيصل بن جزاء]

هاقي خير


بيض الله وجهك على نقل هذه القصيدة الجزلة وصح لسان شاعرها حشان آل فهاد على هذه القصيدة الوافية ويستاهل الشيخ عبدالله بن فرج الرواعية ماقيل فيه واشهد بالله إنه كفو والله يجمله مثل ماجمّل الدواسر قدام الأجناب ، ومن قدم الطيب يلقاه
لاهنت ياهاقي خير على نقل القصيد الذرب الطيب وتقبل ودي وتقديري ،،،

 

 

 

 

[معلومات العضو ابو فهد الغييثي]

صح لسام الشاعر


وبيض الله وجهك على النقل الطيب

 

 

 

 

[معلومات العضو بن مصلح الخييلي]

يستاهل عبدالله بن فرج المدح وصح لسان الشاعر حشان الفهادي وبيض الله وجهه هاقي الخير على النقل الرائع

 

 

 

 

[معلومات العضو هاقي خير]

بيض الله وجيهكم على المرور والمشاركه الفعاله ولاهنتوا جميع