محاورة بين العملاقين(( الشاعر/ فيصل الرياحي و الشاعر/حبيب العازمي))

[معلومات العضو عبدالرحمن الشرافي]

اخواني .. منسوبي هذا المنتدى الغالي..

أنقل أليكم هذه المحاورة

بين الشاعرين العملاقين


1- فيصل بن منصور الرياحي البقمي

2 حبيب العازمي العتيبي


الجدير بالذكر أن الشاعرين أبتعداء عن اللعب مع بعضهم البعض فالأونه الاخيرة بأسباب مشاكل شخصية بينهم

ونسال الله ان يحل ما بينهم وان يجمعهم فالقريب العاجل على خير

البدايه عن الشاعر / فيصل الرياحي

يقول فيها:

سلام ياهل الديـار اللـي عليهـا سـلام=حامينها أهل السيـوف الحـدب حامينهـا
الليلـه الملعبـه ماتعـتـرف بالنـظـام=وليا حضرنـا تبـى ترجـح موازينهـا

حبيب

يامرحبا يارجال(ن) من ديـار(ن) كـلام=يازينهـا فـي ليـال الصيـف يازينهـا
الليلـه الملعبـه تحتـاج ربـط الحـزام=وليـا وقفنـا نبـى نخـزي شياطينـهـا

فيصل

اليا خلطت السوالف من حـلال وحـرام=الكلمـه الثانـيـه عـنـدي براهينـهـا
ياحبيب اليوم خلك شعرة(ن) فـي سنـام=والبـدو تلـقـاك لاشــدت بعارينـهـا

حبيب

أن جنبت في اللحم وأن وافقت في العضام=والكلمـه الثانيـه تاصلـك فـي حينهـا
ماني بشعره أناخصمـك قطـوع العـرام=وان زاد جن البقـوم أحشـر مجانينهـا

فيصل

أن وقعت في الصخر وان وقعت في العدام=حنا سيـوف المعـارك وأنـت سكينهـا
الله ربـي وربـك يامـطـوع جـهـام=تسجد علـى الأرض لاثـارت براكينهـا

حبيب

لو مامعي غير سكيـن ومطـرق بشـام=أخذ سيوف أكثـر البقمـى مـن يدينهـا
الله رب الجميـع وصاحـبـي مـايـلام=هجـت ذلولـه تلـوى فـي كراعينهـا

فيصل

كم عالم(ن) يحلمون ويشمتـون الحـلام=مـاردك عـن البقـوم ألا سلاطينـهـا
ترا هذيك الهنـوف أم الذهـب والزمـام=ماعدك ألا قذاة(ن) فـي طـرف عينهـا

حبيب

وين السلاطين يوم(ن) الشجـاري خيـام=هي بيـض مـن طبعهـا ولا مكسينهـا
وأنته بعد في حدا الخديـن دقـت وشـام=الله يعينـك عـلـى الأيــام ويعينـهـا

فيصل

شهد لنا بخيت يوم الهوش تحت العسـام=ماهـي بكذبـه مـع العبلـه مسوينـهـا
عاملتهـا بالوفـا والطيـب والأحـتـرام=وأنته تجمـع علـى الخبـزه وراعينهـا

حبيب

شهـادة طيبـه لاهـل الهـوا والغـرام=قصيدتـن كــل خـلـق الله مغنينـهـا
ياصحابنا لايزيـد الطـق فـوق اللحـام=أنـتـم مغدينـهـا حـنـا معشيـنـهـا

فيصل

أنتم كما الزرع ياعتيبه وحنـا الصـرام=الأرض مـاعـاد تحمـاكـم ميادينـهـا
ياشاعرن في الملاعب لبسـوك الوسـام=ضيعت في الليـل عشرتهـا وعشرينهـا

حبيب

كلمتك هـذي ماتنقـص للنشامـا مقـام=ياللـي تهـدد عتيبـه وينـك ووينـهـا
يالشاعر اللي نبتلك مثـل ريـش النعـام=ماصالـحـن للبـقـوم ألا دكاكيـنـهـا

فيصل

ندخل علـى الله ترانـا مانسـب الكـرام=أقولـلـي سالـفـه مـاهـم بناسينـهـا
من يوم ركبت طوقن مثل طوق الحمـام=حتى أم ضرفين جادينـك علـى دينهـا

حبيب

السـب مالـه مجـال ولايفـك الزحـام=وأن جبتلـك سالفـه ميعـادك دوينـهـا
مايختلف هالرياحـي منتفـخ كـل عـام=كـن أم ضرفيـن غاذيتـه بضرفينـهـا

فيصل

مزكوم ياصاحبـي واعديتنـي بالزكـام=دينـت بنـت الحـلال ولا قضـا دينهـا
سبحان من حط جسمك مثل عود الثمـام=كنـك مـن أفريقيـا وأحـد مساكينـهـا

حبيب

خلـه لعلـه عساكـم كلـكـم للهيــام=العافيـه صــح منـتـم مستحقينـهـا
وزن الخشب طن ولا الماس كيلو جـرام=حمـر الفلسطيـن نكبتهـا فلسطينـهـا

وسلامتكم

 

 

 

 

[معلومات العضو أبونواف الدوسري]

الله يسلمك ومشكور علي النقل وعسي الله يجمعهم عن قريب....

أخوك أبو نواف الدوسري.

 

 

 

 

[معلومات العضو ابو زابن المسعري]

الاخ العزيز عبد الرحمن الشرافي

لاهنت على اتحافنا بهذه المحاورة الجميله

اشكرك جزيل الشكر

اخوووك

ابو زابن

 

 

 

 

[معلومات العضو سعد المقابله]

لاهنت اخوي الغالي

ويعطيك الف عافيه

 

 

 

 

[معلومات العضو بدر ابن نايف]

السلام عليكم


لاهنت على النقل الممتع

اشكرك على جهودك الواضحه


زيدنا من المحاورات هذى اللى بجد تمتعنا

لاخلا ولا عدم

تقبل

تحياتى

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة أبونواف الدوسري

الله يسلمك ومشكور علي النقل وعسي الله يجمعهم عن قريب....

أخوك أبو نواف الدوسري.

لاهنت على المرور

وامييين الله يجمعهم

ولكن ترى تبين أن البلا من الرياحي


تحياتي

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة ابو زابن المسعري

الاخ العزيز عبد الرحمن الشرافي

لاهنت على اتحافنا بهذه المحاورة الجميله

اشكرك جزيل الشكر

اخوووك

ابو زابن

ولا أنت

وبيض الله وجهك على المرور

تحياتي

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة سعد المقابله

لاهنت اخوي الغالي

ويعطيك الف عافيه

الله يعافيك

ومكوووووووووور

عالمرور

 

 

 

 

[معلومات العضو عبدالرحمن الشرافي]

المشاركة الأصلية كتبت بواسطة بدر ابن نايف

السلام عليكم


لاهنت على النقل الممتع

اشكرك على جهودك الواضحه


زيدنا من المحاورات هذى اللى بجد تمتعنا

لاخلا ولا عدم

تقبل

تحياتى

لا شكر على واجب

وأبشر باللي يسرك يالسنافي

تحياتي