وجمعنا جـمـع الدواسر يشدي السيف السليل// يكـسر العـظـم الجـلـيـل ويقصر الروس ا

[معلومات العضو السلطان]

الشاعر / محمد بن مبارك بن الشرع العمور

باسمك الوالي بديت القــاف والمــعــنى جزيل = ويالله انـــك تــرشــد الشاعر عـلـى قول الجزال
لا تــنـــقاهــا وغـــذاها بــمــضــمـــون ٍ جليل = يــفــهــمــه مــن يعشق الجزلات ويـرود الجلال
القــوافــي كــنـها الامـــطار والــــوادي يسيل = ولعــنــبــو قــاف ٍ لــيــا جــاوا الــنـشما ما يقال
مرحـبا ً يا مرحــبا ً يا مرحـــبا ً عــــد المخيل = وعد ما سيل من الشــعــبــيــن فــيــّض ثم سال
عـــد مـا دار الــنــهار وعـــد ما يــقــفــاه ليل = وعد مــن يــاطــا الحـصى واعداد ذرات الرمال
وعد ما تـنحر بني دوســـــر مــجـاهيم ٍ وحيل = وعـد ما رحــب كــريم ٍ بالــمـــطـــايا والــرجال
وعد ما لاح القــمــر واعــداد ما يــزبن دخيل = وعد ما توســم عـــصاه وعـــد ما تصفي الدلال
مرحبا ً ترحيــبــة الي ضــاع في يـــوم طويل = بين ضلع وبين رجم وبيــن جــوع وضيق حال
ويوم شاف الموت والحسرات والخاطر عليل = اعترض له نــشــمــي مــن جـاه ما جاه الخمال
قال يا حــي الـحــيــاة ومــرحــبـا ً بـك يالدليل = مرحبا ً بك عــد ما يـطــرى وما يـــطـــري ببال
ذاك ترحيــبــه كــما ترحــيــبــتي فـيــكـم بليل = لــيــلة فالعــمـــر مـــخــتــلـــفـه ولا هي كاليال
كيف لا .. وانـتـوا عصابة راسي الي ما يميل = لو يــمــيل الحـــظ والدنــيــا وكـــل الكـون مال
مرحـــبا ً حي الضـــيوف وحي ربعي والنزيل = وحي من جا من جنوب وحي من جا من شمال
في بلاد ٍ تــمــن الجــانـي ولا تــذخــر جميل = واسمها رمز الكرم والجـود وشــهــودي عدال
تــــمــرة الي مجدها بالسيف والخيل الصهيل = لا اعتلاه الي عريب الــســاس من جــد ٍ وخال
وجمعنا جـمـع الدواسر يشدي السيف السليل = يكـسر العـظـم الجـلـيـل ويقصر الروس الطوال
بــحـر ٍ امــواجــه تلاطـم مــن يلاطــمها يزيل = وان فـــزع للمـوج مـوج ومـوج تــاليه الزوال
يشهد جريس اليماني يــوم طـــال به الطويل = واصـطفـق بــيــن الــديار ولا لـقــا للـجال جال
لين حـــل بــديــرة ٍ فــيــها يــحــال المستحيل = ديرة ٍ روس الــــدواســــر وسـطها مثل الجبال
عاشـقــيــن ٍ للــمــنــايا لا ولا فــيــهم هــزيل = زبــنـوه من الــشـــريــف وشـالوا حمــول ثقال
والتقى الجــمــعين والجمــعــين ما فيهم ذليل = واصــطــفت للــعزوة الي شــالت الي مـا يشال
هذي عـلـوم الـــدواســـر جــاكم العــلم القليل = ولو بفــصــلــها ثــلاث اعـوام ما اوفيت المقال
منهم الـصـاحـب يـسـر ومـنهـم العـادي عليل = وصـفــحة الـتـاريخ مــا خــلوا لــكـاتــبها مجال
والسـلـوم سـلـومـهـم كـنـها قـــراح ٍ سلسبيل = جارهــم تــوســم عــصـاه ويرفع حجاجه عدال
يطـرق بــلاد الـــدواســـر ما يـهاب الا الجليل = لا يــــضــام ولا يــــضــيم ولا يــعـــيل ولا يعال
ترثة كـلـيـب ٍ أعـز الــعــرب والــراس الثقيل = وترثة مـهـلـهـل حـصـان الـحــرب وقاد القتال
وعمرو بن كلثوم فارسـها وشاعرها الاصيل = مــرخــي روس الـمـلـوك وطـايـــل ٍ ما لا يطال
وترثة الــبدران عامــر حـامي الغرس الظليل = وترثة الـعـرعـيــر مروي الرمح وطوال السلال
والحبيـبـي مـــاجــــد الي كـل مجد ٍ له عميل = وغــيــرهــم صــبـيان عـــز ٍ مالعمام ومالخوال

 

 

 

 

[معلومات العضو نايف]

السلطان صح لسانك وصح لسان قايل ذي القصيده الجزله
ولاهنت يالغالي...

 

 

 

 

[معلومات العضو عبدالله الشكري]

صح لسانك يالسلطان وصح لسان قايلها
وبيض الله وجهك يالقرم


اخوك
عبدالله الشكري

 

 

 

 

[معلومات العضو الـخـيـيـلـي]

صح السانك ولسان الشاعر ابن الشرع

ولا هنت على الابيات الرائعه

 

 

 

 

[معلومات العضو @الجابر@]

السلطان صح لسانك ولسان قايلها

 

 

 

 

[معلومات العضو العماني]

صح الله لسان ابن الشرع على هذه القصيدة الجزلة

لاهنت يالسلطان وبيض الله وجهك

 

 

 

 

[معلومات العضو أبوفهيد الودعاني]

السلطان صح لسانك وصح لسان قايل هذي القصيده الجزله


ولاهنت يالغالي،،،،،

 

 

 

 

[معلومات العضو الموحد]

صح الله لسان ابن الشرع على هذه القصيدة الجزلة

لاهنت يالسلطان وبيض الله وجهك

 

 

 

 

[معلومات العضو يحيى الودعاني]

لاهنت يالقرم وبيض الله وجهك

وصح لسان الشاعر