أفريـقـيــا جـوعـهــا كـم مسلمٍ ســمّــه*و حنا نـبـذر هـذا فـال و هـذا عـقــالي

**معلومات** **العضو** · 02-04-2006, 05:45 PM

يا وجد حالي وجود اللي يتلّ أمه=و يقول لا تتركين وليـدك الـغـالي
ما يدري ان الليالي جات بمطمه= أمه توفـت و لا والي و لا تــــالي
ماتت من الجوع و هو فاتح فمه= جور و مجاعه و طاعون و سلاّلي
الله على الساعة اللي فورت دمه= و الله على الصورة اللي ضيـّقت بـالي
من شافها بـيـتـذكر حـالــة الامّــه=و بيقول يا وجد وجدي و يا بري حـالي
أحدٍ ياخذ له شهر و الخبز ما شـمّـــه=و أحدٍ طعامه يجيه الوان و أشكالي
أفريـقـيــا جـوعـهــا كـم مسلمٍ ســمّــه=و حنا نـبـذر هـذا فـال و هـذا عـقــالي
نسـعى ورى المـال و نـجمّـعه و نـلــمّه= حلال حرام ما ندري و لا نبالي
نشري كاسيت (نانسي) و المطرب نضمه=ندعمهم و من ورانا جمعوا المالي
و العاهره اللي الـخـليـج و شعـبـه تـذمّه=حنا وراهــا نجـرّ الصوت ونلالي
و نرسل (SMS) و اللي يقصر انـتــمّــه=على قـنـاة هـدفـهـا دمّـر الأجيالي
موضوع (أبو الهش) فيه الناس مهتمه=كلن يـصـوت لــه بـدولار و ريـالي
يا نـــاس يا نــاس لا غيره و لا ذمه=يا مسلمينٍ بالأسمـاء ما بـه افـعالي
وشلون من ينحرف نـمدحه ما نـذمه= و شـلـون مـا نـفرق الواطي من العالي
لا صــار لا وازع ديـنـي و لا هـمّه = لا تــأمـنـون العــذاب و قـدرة الــوالي
تصدقوا و أنـفـقوا و العيش في الـقمـه= مـا هـو بـدايـم إذا وقـت الــنـعـــم زالي
يا الله و أنا طالبك يـا كاشف الغمه=تحـيـي قـلوب الـعبـاد و تـصلح الحالي

لا ادري من قائلها وجزاه الله كل خير

الصدقة ياشباب الصدقة لو مائة ريال في الشهر مابتثر على الراتب تراه رايح رايح وما يبقي الا فعل الخير وينفعك يوم لاينفع مال ولا بنون

**معلومات** **العضو** · 02-04-2006, 07:35 PM

ابن وتيد بيض الله وجهك على النقل الطيب
وصح لسان قايلها

عزالله صدق الشاعر كله زايل

إلاماقدمت يدينك

**معلومات** **العضو** · 03-04-2006, 01:12 PM

1000 مبروك ياذيبان المراقبه وعقبال علو الدرجات في الدنيا والاخره

ووجهك ابيض يالقرم

وصح بدنك

مشكور على المرور المشرف

لك خالص الود وفائق الاحترام

من اخوك/ابن وتيد

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية