حامد زيد/الحلم..

[معلومات العضو الشقرديه]

*السلام عليكم ورحمة الله وبركاته* جبتلكم اليوم ابيات للشاعر حامد زيد..عنوانها(الحلم) انشاء الله تعجبكم... وقت من البطا وبليل تتراقص شياطينه بعد شفت الضيا ينزع من ثياب المساء ثلثين تحايلت المنام اللي مثل بيتك تمرينه وانا اللي من تفارقنا وانا ماغمضت لي عين غريبه كل حلم يمر برقادي تزورينه والاغرب كيف احلم الحلم وارجع واحلمه بعدين قبل يومين شفتك بالمنام وقمت من حينه ونمت امس ورجع نفس المنام اللي قبل يومين انا اللي قبل اسافر شلت قلبي من شرايينه تركته في يدك مثل الامانه واحفضيها زين ترى حفظ الامانه دين مجبوره تردينه اجل ما فيه حد قد قالك حفظ الامانه دين مرد المقفي بيلفي ويستوفي وتوفينه بعد ليله ثلاثه اربعه عشره شهر شهرين اذا انتي منتي بقد الكلام اللي تقولينه حرام استأمنك حاجه واذا جيت اطلبك تنسين تخونين وتبين ارضى هو احد يرضى تخونينه انا لاجيت اخونك مع حبيبه ثانيه ترضين من اول ما رجعت من السفر ماشفت لك بينه وانا اللي كنت احسبك قبل ادوس ارض المطار تجين تكونين اول شخص عيني تحتضن عينه وكنت اتخيلك من زود فرحة رجعتي تبكين واشوف بدمعتك حكيك واعرفه قبل تحكينه واجيب احلى من اللي بتحكينه واتركك تحكين تقولين الوطن نور واقول بنور مضوينه تقولين غديت احلى واقول عيونك الحلوين كلام نام بشفاهك وخفتي لا تصحينه ذخرتيه الغرام اللي ينام ويتركك تصحين تغانمتي غيابي لين رجحتي موازينه تعلم من يدينك لمس الكفوف وعلمك تجفين وليتك لاقيتبه شي فيني ماتلاقينه مهوب غرور لاكن خابرك مالك امل تلقينه تغافلتي بغلا والا الحلى ماهوب من زينه تزينه الصور والا الصحيح ابن الحلال زوين وانا ماني بناقص عنه يوم انك تبدينه نصيبي هو نصيبي لو يسددها من الصوبين قنوع بمظهري والسم مايذبح ثعابينه على قول المثل ماني حلو لاكن ماني شين اذا اهداك الزهر مره فأنا اهديتك بساتينه واذا الهاك بفرح ليله فأنا تهت لبكاك سنين واذا استضعفتك املاكه وشتتك ملايينه انا حتى فتات الخبزه اقسمها معك نصين طموحي بس اجي واظفر بشي تستحقينه تدينته تسلفته سرقته مو مهم منين كأني من كثر ما ارضى بكل اللي تمنيته لو انك تطلبين الله يعنيني لقول امين انا ما العب على الحبلين وقت الطيش وسنينه تبين الحين يوم اني كبرت العب على الحبلين ترى عند البدو بذات عيب اللي تسوينه حلاتك لاعشقتيني تعشقيني ليوم الدين غرام نسكن ضلوعه حشيمه من مجانينه جفا يجمع معزتنا ولا عشق يذل اثنين اكثار اللي تحدوني وقالولي تحبينه امانه لاتخليني صغير بعينهم تكفين لاني كل ما قالوا تخون قلت مسكينه عليك الله وامانه علميهم منهو المسكين انا خايف لاطاح الجمل تكثر سكاكينه وانا ماعادت ضلوعي تحمل طعنت السكين مثل ما قالوا المكتوب واضح من عناوينه لو ارحل منك للغربه بسلفر من ضلامك وين كفايه كل حلم يمر برقادي تزورينه كفايه من تفارقنا وانا ماغمضت لي عين قبل يومين شفتك بالمنام وقمت من حينه ونمت امس ورجع نفس المنام اللي قبل يومين الشقرديه

 

 

 

 

[معلومات العضو فالح بن فهاد]

الشقرديه لاهنتي على النقل المميز

 

 

 

 

[معلومات العضو الشقرديه]

بيض الله وجهك لاهنت

 

 

 

 

[معلومات العضو نايف الفصام]

الشقرديــــــــــــــه


صح لسانك ولسان الشاعر .......قصيده اكثر من رائعه

تسلم يمناك على النقل

تقبلي مروري واحترامي...

مطنـــــــــــــوخ

 

 

 

 

[معلومات العضو الشقرديه]

يامرحبا مطنوخ لاهنت وبيض الله وجهك الشقرديه

 

 

 

 

[معلومات العضو لافيزي]

تسلم يمناك على النقل

تقبلي مروري واحترامي

 

 

 

 

[معلومات العضو الشقرديه]

اخ نادر لاهنت على مرورك الطيب الشقرديه

 

 

 

 

[معلومات العضو غلا نجد]

ذوق في الاختيار لا يقل عن سابقه

لله درك اتحفتينا وامتعتي الذائقه

تقبلي مروري وسطوري

بين لآلئك العذبه

بالتوفيق يالغاليه

رعاك الله وسدد خطاك

 

 

 

 

[معلومات العضو الشقرديه]

غلانجدتسلمين يالغلا لاهنتي الشقرديه

 

 

 

 

[معلومات العضو محمد ال مطيلق]

اختي الشقرديه نقل موفق جدا لشاعر رائع ومميز

تقبلي فائق احترامي وتقديري

 

 

 

 

[معلومات العضو الشقرديه]

الاخ محمدال مطيلق لاهنت على مرورك

 

 

 

 

[معلومات العضو ابن فادر]

الشقرديه

قصيده جميله

لاهنتي على النقل

تحياتي لك

 

 

 

 

[معلومات العضو لا عوى الذيب ذيبه]

صح لســـان الشـــاعر .. وتسلمــ يمينك يـــارب ..

أتحفتنـــا بالقصيده الــروعـه ..


كل الود

 

 

 

 

[معلومات العضو الشقرديه]

الاخ بن فادر/الاخت لاعوى الذيب ذيبه الف شكرعلى المرورلاهنتوا الشقرديه