![]() |
#1 | ||
|
![]() السلام عليكم ورحمة الله وبركاته هذي قصيدة بمناسبة مزاين الدّواسر للمجاهيم الذي أقيم في الدّهناء قبل كم سنة والقصيدة للشّاعر/نفل بن سعود الخرفاني الدّوسري
قبل نبدا نذكر اللي خلقنا فالوجود=رازق المخلوق في برّها وبحورها جلّ شانه ما خضعنا لغيره فالسّجود=والأوادم يعلم اللي تكن صدورها بعد هذا عد ما حنّ زلزال الرّعود=في مزونٍ لاتنشّت يزين حدورها يا سلامي يا رجالٍ عريبين الجدود=يا رجالٍ فالمواقف طوال شبورها يا هل العادات والطّيب والفعل امحمود=المشاعر تبني الشّعر لاجاء دورها والمزاين صار عند ((الدّواسر)) فالنّفود=حفلته في لبّة العرق يجذب نورها بيّض الله وجه من رزّ للخيمة عمود=والنّشامى شاركت فيه من ميسورها قوّموه أهل الجمايل محللة العقود=بارك الله في رجالٍ تجمّع شورها في هواء البل يبذلون الخساير والجهود=ما ثناهم عن هواها جمال قصورها البل اللي جردٍ أرقابها واللون سود=كنّها مطعونةٍ لامشت فنحورها طفّحن لحيانها زاهيه زين الخدود=تلفت أنظار العواريف بين حظورها الأذان أذان ذيبٍ عن المال امحدود=والبدو لاوايق الرّيع شاف نشورها والخشوم إلها عرانين لا مرّت تحود=كلّ فنسى يفتخر فاللقى مصطورها والمشارب ظافية جارها الله مالحسود=والجروم كبار وأيضا طوال ظهورها وبرةٍ فجحا العراقيب غاربها سنود=تنقل المعطان في جنبها بشعورها عسم أياديها ولا درّبوها بالقيود=كلّ دارٍ لا أزهرت بشّرت بزهورها خفّها خفّ الجمل وصفها وصفٍ يكود=شوفها للرّوح راحة وكلّ سرورها المزاين لاثبت والجماهير الشّهود=تعجب اللجنة ويصفق لها جمهورها هي غنات البدو يوم الكسايف والزّهود=درّّها زادٍ شروبٍ طوال شهورها ((والدّواسر)) في هواء البل يسجّون الحدود=من على وقت الجهل في قديم عصورها دونها بمصقّلٍ من تصاميم الهنود=وكل شلفى حدّها ورّده ممرورها يوم قيمتها المنايا وظلمات اللحود=لابتي من دونها مثل عالي سورها وفي زمان اليوم نعمة وقيمتها النّقود=عند أهلها عاليٍ سعرها ومقدورها وما على باق القبايل على ماقلت زود=كم رجالٍ تذخر العز مع مذخورها ونحمد الله كلّنا شعب باسم آل السّعود=هم سلاطين البلد درعها ونمورها مثل ظلعٍ راسيٍ ما تهزّه كلّ نود=والبلاد كتاب رب البشر دستورها ويا الله انّك تنصر الدّين وتخذل اليهود=والأعادي كيدها رجّعه فنحورها وسلامتكم
|
||
|
![]() |
![]() |
#2 | ||
|
![]() ((والدّواسر)) في هواء البل يسجّون الحدود******من على وقت الجهل في قديم عصورهـا
|
||
|
![]() |
![]() |
#4 | |||||||||||||
|
![]() يا سلامـي يـا رجـالٍ عريبيـن الجـدوديـا رجـالٍ فالمواقـف طـوال شبورهـا
|
|||||||||||||
|
![]() |
![]() |
#5 | ||
|
![]() ((والدّواسر)) في هواء البل يسجّون الحدودمن على وقت الجهل في قديم عصورهـا
|
||
|
![]() |
![]() |
#6 | ||||
|
![]() كفووووووو والله
قصيدة جزله من جزل صح لسان الشاعر ولسانك وتسلم يمناك يالعماني لاعدمناك
|
||||
|
![]() |
![]() |
#7 | ||||
|
![]() كفووووووووو
|
||||
|
![]() |
![]() |
#8 | ||
|
![]() بيض الله وجهك أخوي هايف
|
||
|
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
التغطية المصوّرة للحفل السنوي الخامس لقبيلة الدواسر بإستضافة ورعاية الشيخ فيحان بن شجاع بن محماس بن سويلمه آل بريك حفظه الله ورعاه. | الإداره | :: قسم اللقــاءات والفعاليات والتغطيات الخاصة:: | 39 | 30-04-2011 02:03 PM |
التغطية المصوّرة لحفل قبيلة الدواسر بدولة قطر بمناسبة اليوم الوطني للدولة. | الإداره | :: قسم اللقــاءات والفعاليات والتغطيات الخاصة:: | 11 | 11-03-2011 05:45 AM |
التغطية المصوّرة لحفل إفتتاح مبرة قبيلة الدواسر الخيريّة بدولة الكويت. | الإداره | :: قسم اللقــاءات والفعاليات والتغطيات الخاصة:: | 16 | 22-11-2010 09:44 AM |
التغطية المصوّرة للحفل السنوي الثالث لقبيلة الدواسر بإستضافة ورعاية حسين بن براك آل حضيري المشاوية بدولة الكويت | الإداره | :: قسم اللقــاءات والفعاليات والتغطيات الخاصة:: | 71 | 03-03-2008 02:25 PM |
إعلانات نصية |
منتديات صحيفة وادي الدواسر الالكترونية | |||
![]() |
![]() |
||