::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)
-   -   قصيدة بمناسبة مزاين الدواسر بالدهناء (http://alduwaser.org/vb/showthread.php?t=297)

العماني 16-04-2005 07:48 PM

قصيدة بمناسبة مزاين الدواسر بالدهناء
 
السلام عليكم ورحمة الله وبركاته

هذي قصيدة بمناسبة مزاين الدّواسر للمجاهيم الذي أقيم في الدّهناء قبل كم سنة والقصيدة للشّاعر/نفل بن سعود الخرفاني الدّوسري


قبل نبدا نذكر اللي خلقنا فالوجود=رازق المخلوق في برّها وبحورها
جلّ شانه ما خضعنا لغيره فالسّجود=والأوادم يعلم اللي تكن صدورها
بعد هذا عد ما حنّ زلزال الرّعود=في مزونٍ لاتنشّت يزين حدورها
يا سلامي يا رجالٍ عريبين الجدود=يا رجالٍ فالمواقف طوال شبورها
يا هل العادات والطّيب والفعل امحمود=المشاعر تبني الشّعر لاجاء دورها
والمزاين صار عند ((الدّواسر)) فالنّفود=حفلته في لبّة العرق يجذب نورها
بيّض الله وجه من رزّ للخيمة عمود=والنّشامى شاركت فيه من ميسورها
قوّموه أهل الجمايل محللة العقود=بارك الله في رجالٍ تجمّع شورها
في هواء البل يبذلون الخساير والجهود=ما ثناهم عن هواها جمال قصورها
البل اللي جردٍ أرقابها واللون سود=كنّها مطعونةٍ لامشت فنحورها
طفّحن لحيانها زاهيه زين الخدود=تلفت أنظار العواريف بين حظورها
الأذان أذان ذيبٍ عن المال امحدود=والبدو لاوايق الرّيع شاف نشورها
والخشوم إلها عرانين لا مرّت تحود=كلّ فنسى يفتخر فاللقى مصطورها
والمشارب ظافية جارها الله مالحسود=والجروم كبار وأيضا طوال ظهورها
وبرةٍ فجحا العراقيب غاربها سنود=تنقل المعطان في جنبها بشعورها
عسم أياديها ولا درّبوها بالقيود=كلّ دارٍ لا أزهرت بشّرت بزهورها
خفّها خفّ الجمل وصفها وصفٍ يكود=شوفها للرّوح راحة وكلّ سرورها
المزاين لاثبت والجماهير الشّهود=تعجب اللجنة ويصفق لها جمهورها
هي غنات البدو يوم الكسايف والزّهود=درّّها زادٍ شروبٍ طوال شهورها
((والدّواسر)) في هواء البل يسجّون الحدود=من على وقت الجهل في قديم عصورها
دونها بمصقّلٍ من تصاميم الهنود=وكل شلفى حدّها ورّده ممرورها
يوم قيمتها المنايا وظلمات اللحود=لابتي من دونها مثل عالي سورها
وفي زمان اليوم نعمة وقيمتها النّقود=عند أهلها عاليٍ سعرها ومقدورها
وما على باق القبايل على ماقلت زود=كم رجالٍ تذخر العز مع مذخورها
ونحمد الله كلّنا شعب باسم آل السّعود=هم سلاطين البلد درعها ونمورها
مثل ظلعٍ راسيٍ ما تهزّه كلّ نود=والبلاد كتاب رب البشر دستورها
ويا الله انّك تنصر الدّين وتخذل اليهود=والأعادي كيدها رجّعه فنحورها

وسلامتكم

عبدالله الشكري 16-04-2005 08:01 PM

((والدّواسر)) في هواء البل يسجّون الحدود******من على وقت الجهل في قديم عصورهـا

لاهنت يالعماني وماقصرت طال عمرك
ونعم و والله بالشاعر//نفل بن سعود الخرفاني
وصح لسانه


اخوك
عبدالله الشكري

تركي ال فنيس 16-04-2005 08:26 PM

لاهنت يالعماني وصح السانك والسان الشاعر

الجوهره 16-04-2005 09:48 PM

يا سلامـي يـا رجـالٍ عريبيـن الجـدوديـا رجـالٍ فالمواقـف طـوال شبورهـا
يا هل العادات والطّيـب والفعـل امحمـودالمشاعـر تبنـي الشّعـر لاجـاء دورهـا
والمزاين صار عند ((الدّواسـر)) فالنّفـودحفلته فـي لبّـة العـرق يجـذب نورهـا



شيهانه

الحمداني 16-04-2005 10:52 PM

((والدّواسر)) في هواء البل يسجّون الحدودمن على وقت الجهل في قديم عصورهـا

لاهنت يالذيب وصح لسانك وصح لسان أبوسعود

القرناس 16-04-2005 11:31 PM

كفووووووو والله

قصيدة جزله من جزل صح لسان الشاعر ولسانك

وتسلم يمناك يالعماني

لاعدمناك

النجم الهاوي 17-04-2005 12:32 AM

كفووووووووو

وصح الله لساانك يالعماااااااااني ولسان الشاعر نفل بن سعود


لاهنت وبيض الله وجهك

يحيى الودعاني 16-07-2006 05:59 PM

رد: قصيدة بمناسبة مزاين الدواسر بالدهناء
 
بيض الله وجهك أخوي هايف
ولاهنت على طرح هذه القصيدة الطيبة
وصح لسان الشاعر
نفل بن سعود الخرفاني الدوسري


الساعة الآن 02:13 PM

Powered by vBulletin® Copyright ©2000 - 2025, Jelsoft Enterprises Ltd.
---