اقتباس:
المشاركة الأصلية كتبت بواسطة عامر النتيفات
اخواني واخواتي اعضاء وزوار منتدى قبيلة الدواسر الرسمي ..
السلام عليكم ورحمة الله وبركاته وبعد:
اللهم بارك لنا في شعبان وبلغنا رمضان وجعلنا من صوامه وقوامه واغفر اللهم لنا ورحمنا وعتقنا من النار.
.
ماكنت اوود ان اعود بعد التوقف بهذه القصيده ولكن هي الظروف والمواقف تجبر الشخص احيانا..
ولكن اعدكم بالتواصل معكم والحضور وبالقصيد الجديده التي باذن الله تجدون فيها مايسركم ويسعدكم
.
توقفت عن نظم الشعر وقت مالي شف = وراعي الهروج العوج يزداد في غيه
توقفت ماني معسرعدنا ماجف=توقف طبيعي غير بعض العرب عيه
لقى في غيابي فرصته وستغل الظرف =وزاد وتمادى طاوع ابليس ووخيه
يحسب الشعر هرج خلي كل وقت يصف=وراعيه فاضي له صباحه وعصريه
صفى له زمانه لاظروف ولابه ولف =خلي الفواد وداله نفسه رديه
على طول فاضي والتفاكير ماتعصف = بفكره وتبعد به عن الغير بنحيه
هواجيسه الى اقبل عليه الظلام تكف = هذا ان كان وجدت واكثر الظن ملغيه
ولابه سهر نومهالى من بغاه اهدف = مايونس هموم في الحشا نارها حيه
والى قام عبا البطن شخص ودق السلف = وراح يتفنجل في المجالس وفي الفيه
ولاامسى بديره وصبح بديره وانكف = تسوقه ظروف الوقت غصب وجبريه
مريح ولكن ماتحمد وعف وكف = عن الناس واقوال تضره ومنهيه
قليل المعرفه والقيم والشيم والعرف =تعرض رجال تسعده جعله الحيه
رجال مواقفهم تشرف وهو يعرف = اهل كلمة وحكمه واهل وقفه وهيه
نحسبه يفوق ظنوننا فيه وهو اخلف=وبعض الظنون تخيب وتصير وهميه
يحسب الحكي بالخلف للغير مايكشف = ويجلب له النوماس واحلام ورديه
الى من تقابلنا بشوش بنا يلطف = والى اقفى تقفانا المسيكين بحكيه
وصلني كلام ورد لي علم وهو اسرف=وحنا كشفنا الوضع ميه على ميه
وانا لو بغيت اشرشحه مبطي واخسف = به الارض سهل غير ماله اهميه
تركته لعل وياعسى يقلع من القصف =ويرجع لرشده يبدل النيه بنيه
ولا فاد فيه قليل الفود زاد الضعف = وهرجه يذب الريع واجده وشويه
لكن شاف نفسه حط له ريش قام يرف = كما النمل لاريش نهايته حتميه
جبرني على العوده بقاف قوي الحرف =لكن يامعاريف العرب اسمحو ليه
بقدم معاذيري وبزيد قافي واضف=بيوت تدافع صوب هجسي ومحديه
ابعطيه من وقتي ربع ساعة اونصف = والقنه درس يردعه هو ومن زيه
ابشرحه عبر النت من دون غرفه صف= ومن لافهم يرسب ولافيه حنيه
يخص ويعم اللي عللى شاكلته ايصف=هروج تحس الغير عوج وزوريه
وياصل بعد من يستمع له ومن يسعف=ويشمل هل النمات شرق وغربيه
من الشاعر اللي ماتاثر ولايرجف= فواده من هروج مكاسيبها سيه
جبل راسي ماحركه عج صيف صلف=ومن يحذفه كسر على راسه حصيه
قصيده شعور صادق مايقوله جزف=ولاسيره غيره وحدد قوافيه
مهوب يتقيد بالمصالح ولابضيف = على شفه وراحته يكتب بحريه
ولايرتجي شهره ورزه ونشر وعطف =لاهاذي ولاهاذي ولاذيك او ذيه
وهو لو بغاها جته تنقاد له تزحف=لكن في غنى عنها ولاهيب مبغيه
بنوكه ملي بالدرر لابغى يصرف = وصرفه ذهفب غالي يكود الشريطيه
وله منهج في الشعر ماغيره مرجف=ولا هو من اللي بالشعر حط حزبيه
يكب الهزيله ينتقي الجزل لامن صف =حقوق العرب عنده مصانه ومحميه
وللدين قسم وللوطن والوفا والوصف = بشعره نصيب وافر غير منسيه
ياراعي الحكي ركز و صفالذهن لي صف=ترا كل هرجه منك تكتب ومحصيه
اذا غاب عنك الشخص فمنزل الزخرف = ماغابت عيونه عنك والنفس مقفيه
ترفق بحالك هد نفسك وهرجك خف = مكاسبك من شغلتك ذنب ومخسريه
وهذي تراها شغلة اللي شعر بالضعف= ردي نصيبه لو بالاسعار مشريه
كما المدمن اللي يحتسي السم له يرشف= الى من فقدها تقل مسته جنيه
ولاهوب تاركها ولو كان يعسف عسف= يعود على طبعه ولو عسف بعصيه
ولو ترفعه وترزه يخالفك ويهف = كما الخيط مهما رز يسقط للارضيه
وبعض العرب لويحترف لاجلها يكرف=نتايجه محسومه هزيمه ومخزيه
ترا الواثق يواجه بهرجه ولا يلتف = خلاف الرجال ويهرج هروج مخفيه
ومن يخفي الكلمه ولابان في الموقف = فلاله مكانه في الصفوف الاماميه
ماله مع لوايل منزل لو نزل ينذف = منازل صقور الجو تحرم على حديه
مدامك مصر ومستمر تزيد الحذف = فخذها على السرجوف كيه على كيه
ترفق بحالك هد نفسك ولو تجرف= ترا علتك مهيب بالحكي مبريه
ولاهوب بارد غل كبدك وطب يشف= قلوب مريضه تخفي الحقد معميه
وهالحين خذراحتك في الهرج زد اوقف= لكن درسي حفظ صورته ونسبه ليه
يجوز الزمن يصحيك من نومتك واللحف = وتنهض وتقلع عن دروب المخسريه
وتندم على مافات ودموعكم تذرف = تتوب وترا من تاب فاخطاه معفيه
هذا والمواقف لو بعضها جروح ونزف = تبين حقايق تكشف اوراق سريه
تعرف الرفيق الصافي الوافي المنصف=وتكشف لك وجيه تلون وزيفيه
ولاياهل الحكي الملفق ما احد كلف = ولااجبر على هروج دنيه ومنفيه
سوى العاجز الغافل عن الذكر والمصحف= لحوم البشر عنده طريه ومشهيه
الاقدار ماتنذر ولاتمهل وتزحف= والاعمار فتره بعدها الصحف مطويه
ياربح الذي لامن رحل صافي منصف= وميتته للعربان تحزن ومدميه
ترا الذكر يبقى للبنادم ولو لحف = بمترين خام وقبر له سيرة حيه
عسانا توفقنا ولوكان طال الوصف= وفدنا قليل الفود بابيات شعريه
|
عدت والعود أحمد ياعامر
صح لسانك على هالقصيدة التي يتضح لقارئها أنها تحمل رسالة معينة !
دمت بعافية وبانتظار وفاءك بالعهد بالتواصل